<p><span style="color: #000000;"><strong>ភ្នំពេញ៖</strong> អគ្គស្នងការដ្ឋាននគរបាលជាតិ បានចាប់ផ្តើមប្រតិបត្តិការ បំពាក់កាមេរ៉ាសុវត្ថិភាពតាមបណ្តាភ្លើងសញ្ញា ចរាចរណ៍ (ភ្លើងស្តុប) នៅរាជធានីភ្នំពេញប្រមាណ ២០ទីតាំង ក្នុងបំណងរឹតបន្តឹងសន្តិសុខ ទប់ស្កាត់សកម្មភាពចោរឆក់ ប្លន់ ក៏ដូចជារឹតបន្តឹងនូវការគោរពច្បាប់ចរាចរណ៍លើដងវិថី របស់អ្នកដំណើរផងដែរ។</span></p>
<p><span style="color: #000000;">ប្រតិបត្តិការបំពាក់កាមេរ៉ាសុវត្ថិភាពនេះ បានចាប់ផ្តើមធ្វើឡើងកាលពីថ្ងៃទី១៣ ខែកក្កដា ឆ្នាំ២០១៥ ដោយមាន កិច្ចសហការពីក្រសួងសន្តិសុខ នៃសាធារណរដ្ឋចិន។ នេះបើតាមការចេញផ្សាយរបស់គេហទំព័រអគ្គស្នងការដ្ឋាន នគរបាលជាតិ។</span></p>
<p><span style="color: #000000;">បើតាមអគ្គស្នងការដ្ឋាននគរបាលជាតិ ទីតាំងទាំង២០ ដែលត្រូវបំពាក់កាមេរ៉ាសុវត្ថិភាពនេះ រួមមាន៖ ១. ស្តុបច្រ មុះជ្រូកក្បាលថ្នល់ ២. ស្តុបក្រសួងមហាផ្ទៃ ៣. ស្តុបចំការមន ៤. ស្តុបបូកគោ ៥. ស្តុបពេទ្រចិន ៦. ស្តុបទូតអាលឺ ម៉ង់ ៧. ស្តុបផ្សារអូរឬស្សី ៨. ស្តុបផ្សារថ្មី ៩. ស្តុបសួនកាណាឌីយ៉ា ១០. ស្តុបសណ្ឋាគារណានជីង ១១. ស្តុបដេអិ ន ១២. ស្តុបវិទ្យាល័យសន្ធរមុខ ១៣. ស្តុបទេពផន ១៤. ស្តុបម៉ុងឌីយ៉ាល់ ១៥. ស្តុបផ្សារដើមគរ ១៦. ស្តុបអាង ទឹកអូរឡាំពិច ១៧. ស្តុបនាងគង្ហីង ១៨. ស្តុបផ្សារដេប៉ូ ១៩. ស្តុបអូឡាំពិច និងទី២០. ស្តុបច្បារអំពៅ២។</span></p>
<p><span style="color: #000000;">វរសេនីយ៍ទោ សោម ធារិទ្ធ នាយការិយាល័យទូរស័ព្ទ នៃនាយកដ្ឋានវិទ្យុទាក់ទងក្រសួងមហាផ្ទៃ ដែលបានដឹកនាំ កម្លាំងចុះប្រតិបត្តិការបំពាក់កាមេរ៉ាសុវត្ថិភាព បានឲ្យដឹងថា ការបំពាក់កាមេរ៉ានេះ ក្នុងបំណងទប់សង្កាត់បទល្មើស លួច ឆក់ ប្លន់ ក៏ដូចជាករណីគ្រោះថ្នាក់ចរាចរណ៍ និងការមិនគោរពច្បាប់ចរាចរណ៍ ដែលអ្នកដំណើរបំពានភ្លើង សញ្ញាចរាចរណ៍ ហើយសមត្ថកិច្ចនឹងចុះទៅធ្វើការផាកពិន័យតាមភស្តុតាងជាក់ស្តែង ដែលមានជាប់ក្នុងកាមេរ៉ា សុវត្ថិភាព។</span></p>
<p><span style="color: #000000;">វរសេនីយ៍ទោ សោម ធារិទ្ធ បានឲ្យដឹងផងដែរថា គិតចាប់ពីថ្ងៃទី១៣ ខែកក្កដា ឆ្នាំ២០១៥ សមត្ថកិច្ចបំពាក់កាមេ រ៉ាសុវត្ថិភាព បានចំនួន ២គោលដៅហើយ គឺគោលដៅភ្លើងស្តុបច្បារអំពៅ២ ស្ថិតតាមបណ្តោយផ្លូវជាតិលេខ១ ក្នុងខណ្ឌច្បារអំពៅ និងគោលដៅទី២ ភ្លើងស្តុបបូកគោ ស្ថិតតាមបណ្តោយផ្លូវព្រះមុនីវង្ស ក្នុងភូមិសាស្ត្រខណ្ឌចំ ការមន៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/15/7-15-2015-12-03-14-pm-15-07-2015--12-08-58.png"><span style="color: #000000;"><img src="/FileManager/Articles/mce/2015/7/15/7-15-2015-12-03-14-pm-15-07-2015--12-08-58.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/15/7-15-2015-12-03-27-pm-15-07-2015--12-09-08.png"><span style="color: #000000;"><img src="/FileManager/Articles/mce/2015/7/15/7-15-2015-12-03-27-pm-15-07-2015--12-09-08.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/15/7-15-2015-12-02-57-pm-15-07-2015--12-09-21.png"><span style="color: #000000;"><img src="/FileManager/Articles/mce/2015/7/15/7-15-2015-12-02-57-pm-15-07-2015--12-09-21.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>