<p><span style="color: #000000;"><strong>(ពោធិសាត់)៖</strong> បន្ទាប់ពីកម្លាំងកងរាជអាវុធហត្ថ បង្ក្រាបបានរថយន្តយីឌុបដឹកជញ្ជូនឈើរាជថ្កុលមួយគ្រឿង កាលពីយប់មិញ នៅស្រុកក្រគររួចមក ស្រាប់តែនៅវេលា ម៉ោង១០៖៣០នាទីព្រឹកថ្ងៃទី១៦ ខែធ្នូ ឆ្នាំ២០១៦នេះ កម្លាំងបានបន្តការងារយ៉ាងសកម្មហើយឈានដល់ការរកឃើញរថយន្តយីឌុប មួយគ្រឿងទៀត ដែលក្រុមឈ្មួញ បានយកមកលាក់ទុកនៅចំណុចភូមិចិនយំ ឃុំ-ស្រុកវាលវែង ខេត្តពោធិ៍សាត់។</span></p>
<p><span style="color: #000000;">សូមបញ្ជាក់ថា ប្រតិបត្តិការបង្ក្រាបការដឹកជញ្ជូនឈើខាងលើនេះ បានធ្វើឡើងដោយកម្លាំងអាវុធហត្ថខេត្តពោធិ៍សាត់ សហការជាមួយកម្លាំងអាវុធហត្ថស្រាវជ្រាវព័ត៌មាន និងបង្ក្រាបទល្មើសព្រៃឈើ នៃកងរាជអាវុធហត្ថលើផ្ទៃប្រទេស ក្រោមការបញ្ជាផ្ទាល់ពីនាយឧត្តមសេនីយ៍ សៅ សុខា មេបញ្ជាការអាវុធហត្ថលើផ្ទៃប្រទេស។ </span></p>
<p><span style="color: #000000;">មន្រ្តីអាវុធហត្ថខេត្តពោធិ៍សាត់ បានប្រាប់អង្គភាព Fresh News នៅរសៀលថ្ងៃនេះថា សម្រាប់អ្នកបើកបរ និងឈ្មួញបានរត់គេចខ្លួនបាត់ហើយ ក៏ព្រោះតែពួកគេមាន ខ្សែបណ្តាញថាកម្លាំងចុះទៅបង្ក្រាបទើប ឆក់ឱកាសគេចខ្លួនតែម្តង។</span></p>
<p><span style="color: #000000;">បើតាមការលួចបង្ហើបរបស់មន្រ្តីអាវុធហត្ថមេឈ្មួញឈើខាងលើនេះមានឈ្មោះ ង៉ោ ម៉ៅ ដែលបានជួលប្រជាពលរដ្ឋ អារ ផ្តួល រលំឈើប្រភេទនេះ ដើម្បីដឹកជញ្ជូនទៅទីផ្សារនៅ ប្រទេសវៀតណាម៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-16-13-05-35-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>