<p><span style="color: #000000;"><strong style="font-size: 12px;">ភ្នំពេញ៖</strong><span style="font-size: 12px;"> ទីបំផុតទៅសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានប្រកាសទទួលស្គាល់ទំព័រ Facebook ឈ្មោះថា «Samdech Hun Sen, Cambodian Prime Minister» ជាផ្លូវការហើយ។ នេះបើតាមការជូនដំណឹង ពីខុទ្ទកាល័យរបស់សម្តេចនៅថ្ងៃទី២០ ខែកញ្ញា ឆ្នាំ២០១៥។</span></span></p>
<p><span style="color: #000000;">បើតាមសេចក្តីជូនដំណឹង បានបញ្ជាក់ថា ការចេញមកប្រកាសបង្ហាញជាផ្លូវការនូវទំព័រហ្វេសប៊ុកនេះ ដើម្បីបញ្ចប់ ការមន្ទិលសង្ស័យនានា និងចៀសវាងការភ័ន្តច្រឡំ ដល់អ្នកលេងបណ្តាញសង្គមផងដែរ បន្ទាប់ពីនៅលើបណ្តា ញសង្គម ដ៏ពេញនិយមលើពិភពលោកមួយនេះ មានមនុស្សជាច្រើនបានបង្កើតទំព័រហ្វេសប៊ុក ហើយអះអាងថា ជារបស់សម្តេចតេជោ។</span></p>
<p><span style="color: #000000;">សព្វថៃ្ងនេះ Facebook Page របស់សម្តេចតេជោ ហ៊ុន សែន មានមនុស្សជាង ១.០៦២.០៣០ បានចុច Like។</span></p>
<p><span style="color: #000000;">មានការសាទរជាច្រើនពីប្រជាពលរដ្ឋខ្មែរគ្រប់មជ្ឈដ្ឋានចំពោះការចេញមកប្រកាសជាផ្លូវការនូវទំព័រ Facebook របស់សម្តេចតេជោ ហ៊ុន សែន ព្រោះទំព័រ Facebook នេះ នឹងបានក្លាយជាមជ្ឈមណ្ឌលនាំសារដ៏ធំមួយពីប្រជា ពលរដ្ឋខ្មែរទៅកាន់នាយករដ្ឋមន្រ្តីកម្ពុជា។ ប្រជាពលរដ្ឋកម្ពុជា នឹងមានឱកាសរៀបរាប់ពីទុក្ខកង្វល់ និងអំពើអយុត្តិ ធម៌សង្គមទាំងឡាយ ដែលបានកើតមានចំពោះពួកគេ។</span></p>
<p><span style="color: #000000;">ការប្រកាសបង្ហាញទំព័រ Facebook ផ្លូវការរបស់នាយករដ្ឋមន្រ្តីកម្ពុជា ក៏ត្រូវបានគេមើលឃើញជាសារបង្ហាញនូវ ការប្រឹងប្រែង និងយកចិត្តទុកដាក់ខ្ពស់ថ្មីមួយទៀតរបស់នាយករដ្ឋមន្រ្តីកម្ពុជា ក្នុងយុគសម័យបច្ចេកវិទ្យាទំនើប។ ច្បាស់ណាស់ថា ក្នុងនាមជានាយករដ្ឋមន្រ្តី ដែលដឹកនាំនាវាកម្ពុជា ដ៏កម្សត់ ក្រោយសម័យរំដោះចេញពីបនប្រល័ យពូជសាសន៍ ដែលមានប្រជាជន ដ៏តិចតួចរហូតដល់កើនមកដល់ជិត ១៥លាននាក់នាពេលបច្ចុប្បន្ននេះ មិន អាចទទួលបានព័ត៌មានសព្វជ្រុងជ្រោយពីទុក្ខលំបាក និងកង្វល់របស់ប្រជាពលរដ្ឋខ្មែរនោះឡើយ។</span></p>
<p><span style="color: #000000;">តាមរយៈទំព័រ Facrbook នេះ សម្តេចតេជោ ហ៊ុន សែន ដែលបានប្រឹងប្រែង ដើម្បីសេចក្តីសុខរបស់ប្រជាពលរដ្ឋ កម្ពុជា តាំងពីវ័យជាង ២០ឆ្នាំរូបនេះ នឹងអាចបានដឹងសុខទុក្ខរបស់ប្រជាពលរដ្ឋខ្មែរ បានកាន់តែច្រើន និងគ្រប់ ជ្រុងជ្រោយថែមទៀត ហើយក៏អាចចេញបម្រើ និងដោះស្រាយបញ្ហាជូនប្រជាពលរដ្ឋបានទាន់ពេលវេលា។</span></p>
<p><span style="color: #000000;">ទំព័រ Facebook របស់សម្តេច ក៏នឹងជួយឲ្យសម្តេច បានគេចផុតពីការភូតភរកុហករបស់មន្រ្តីខិលខូចមួយចំនួន ដែលមិនសកម្មការងារ ហើយចាំតែហៃអើ ដើម្បីលាភសក្ការៈ និងបុណ្យស័ក្តិផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/21/9-21-2015-9-34-35-am-21-09-2015--09-42-42.png"><span style="color: #000000;"><img src="/FileManager/Articles/mce/2015/9/21/9-21-2015-9-34-35-am-21-09-2015--09-42-42.png" alt="" /></span></a><a class="thickbox" title="" href="/FileManager/Commons/2015/9/21/9-21-2015-9-36-22-am-21-09-2015--09-42-57.png"><span style="color: #000000;"><img src="/FileManager/Articles/mce/2015/9/21/9-21-2015-9-36-22-am-21-09-2015--09-42-57.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/21/9-21-2015-9-36-03-am-21-09-2015--09-43-21.png"><span style="color: #000000;"><img src="/FileManager/Articles/mce/2015/9/21/9-21-2015-9-36-03-am-21-09-2015--09-43-21.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>