<p><span style="color: #000000;"><strong>(ភ្នំពេញ)៖</strong> លោក ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា នៅល្ងាចថ្ងៃទី០៣ ខែសីហា ឆ្នាំ២០១៦នេះ បានថ្លែងក្នុងសន្និសីទសារព័ត៌មានថា ក្រសួងអប់រំបាន ចំណាយថវិកាចំនួន ១៤ពាន់លានរៀល ឬប្រមាណ៤លានដុល្លារអាមេរិក សម្រាប់ដំណើរការប្រឡងសញ្ញាបត្រ មធ្យមសិក្សាទុតិយភូមិ (បាក់ឌុប) ក្នុងឆ្នាំ២០១៦នេះ ដែលមានសិស្សចូលរួមប្រឡងជាង៩ម៉ឺននាក់។</span></p>
<p><span style="color: #000000;">ក្នុងឱកាសនេះ លោករដ្ឋមន្រ្តី ហង់ ជួនណារ៉ុន បានឱ្យដឹងថា ក្នុងដំណើរប្រឡងបាក់ឌុបនេះ ក្រសួងអប់រំបានដាក់បុគ្គលិក ធ្វើការត្រួតពិនិត្យជាច្រើនម៉ឺននាក់ ក្នុងនោះសម្រាប់ដំណើរការសំណេរ មានចំនួនជិត១៣,០០០នាក់ និងក្នុងដំណើរការកំណែមានចំនួន១១,៥០០នាក់ រាប់ទាំងប្រធានមណ្ឌល គណៈមេប្រយោគ អនុរក្ស អ្នកត្រួតពិនិត្យផងដែរ។</span></p>
<p><span style="color: #000000;">លោករដ្ឋមន្រ្តីបន្តថា នៅទូទៅប្រទេសកម្ពុជា មណ្ឌលដែលត្រូវដាក់ឱ្យដំណើរការប្រឡងនេះ មានចំនួន១៥៥មណ្ឌល ហើយឈ្មោះបេក្ខជនប្រឡង មានចំនួន៩៣,៧០០នាក់ ក្នុងនោះមានសិស្សប្រឡងស្វ័យរិនចំនួន២៥ភាគរយ ប្រហែល២៥,០០០នាក់។</span></p>
<p><span style="color: #000000;">លោកថា<strong> «ក្រសួងអប់រំ បានចំណាយថវិកាចំនួន១៤ពាន់លានរៀល ស្នើនឹងប្រមាណ៤លានដុល្លារអាមេរិក ដែលសិស្សម្នាក់ក្រសួងត្រូវចំណាយ១៤ម៉ឺនរៀល»</strong>។</span></p>
<p><span style="color: #000000;">ជាមួយគ្នានេះ លោករដ្ឋមន្រ្តី ហង់ ជួនណារ៉ុន បានបញ្ជាក់ថា ដំណើរការប្រឡងនេះ ក្រសួងអប់រំបានសហការជាមួយអង្គភាពប្រឆាំងអំពើពុករលួយ (ACU) ដាក់ឱ្យមានអ្នកត្រួតពិនិត្យ អ្នកសង្កេតការណ៍ ពី១០-២០នាក់ក្នុងមួយមណ្ឌល និងបានសហការជាមួយក្រសួងមហាផ្ទៃ ដាក់ឱ្យមានកងកម្លាំងនគរបាល ដើម្បីការពារសណ្ដាប់ធ្នាប់ពី៥-១០នាក់ ទៅតាមមណ្ឌលតូច ឬក៏មណ្ឌលធំ៕</span></p>
<p> </p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-03-17-42-13-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-03-17-42-13-1.jpg" alt="" width="730" /></span></p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Fmoeys.gov.kh%2Fvideos%2F1438175312875745%2F&show_text=0&width=400" frameborder="0" width="500" height="400"></iframe></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>