<p><span style="color: #000000;">ព័ត៌មានអន្តរជាតិ ៖ រដ្ឋាភិបាល ប្រទេស រុស្ស៊ី លើកឡើងអោយដឹងថាយន្តហោះចម្បាំងរបស់ខ្លួន បានវាយប្រហារផ្លូវអាកាស ទម្លាក់គ្រាប់បែកក្រុមឧទ្ទាមរដ្ឋអ៊ីស្លាម ជ្រុលនិយម ISIS ដែលមានវត្ត មាននៅជុំវិញទីក្រុងបុរាណ Palmyra ប្រទេស ស៊ីរី ។</span></p>
<p><span style="color: #000000;"><a class="thickbox" title="" href="/FileManager/Commons/2015/11/3/11-03-11-2015--09-02-06.jpg"><img src="/FileManager/Articles/mce/2015/11/3/11-03-11-2015--09-02-06.jpg" alt="" /></a><br /></span></p>
<p><span style="color: #000000;">ប្រភពបញ្ជាក់អោយដឹងថា លាណដ្ឋាន ប៉មការពារ ក៏ដូចជាបណ្តាសព្វាវុធប្រឆាំងការវាយប្រហារ តាមអាកាសត្រូវបានបំផ្លាញ ក្រោយពីមានការវាយប្រហារផ្លូវអាកាសដោយផ្ទាល់ពី សំណាក់យន្ត ហោះចម្បាំង ធន់ Su-25 នេះបើយោងតាម សេចក្តីថ្លែងការណ៍ ក្រសួងការពារជាតិ ។ ក្រុមសកម្ម ជនគូសបញ្ជាក់អោយដឹងថា ការវាយប្រហារ តាមអាកាស គឺសំដៅទៅលើបណ្តាគោល ដៅ ISIS ដែលមានទីតាំងនៅជុំវិញ សំណង់ប្រាសាទបុរាណ ពីសតវត្ស ទី ១៣ ដែលមានវត្តមាន នៅលើកំ ពូលកូនភ្នំ ភាគខាងលិចទីក្រុង Palmyra ។ ក្រុមសកម្មជនដដែល បន្តអោយ ដឹងថា មានការលំ បាកក្នុងការវាយតម្លៃពីទំហំនៃការខូចខាត ។</span></p>
<p><span style="color: #000000;"><a class="thickbox" title="" href="/FileManager/Commons/2015/11/3/11a-03-11-2015--09-02-16.jpg"><img src="/FileManager/Articles/mce/2015/11/3/11a-03-11-2015--09-02-16.jpg" alt="" /></a><br /></span></p>
<p><span style="color: #000000;">គួររំឮកថា ឈ្លើងសង្គ្រាម ISIS បានវាយប្រហារ កំទេចសំណង់ ប្រាសាទ បុរាណមានអាយុកាល ជាង ២០០០ ឆ្នាំមកនេះ កាលពីពេលកន្លងទៅ ក្រោយពីវាយដណ្តើមគ្រប់គ្រងទីក្រុងបុរាណបាន ពីកងកម្លាំងរដ្ឋាភិបាល អំឡុខែ ឧសភា ។ Unesco បានធ្វើការថ្កោលទោស ថាការវាយប្រហារ កំ ទេចសំណង់ប្រាសាទបុរាណ គឺជាឧក្រិដ្ឋកម្ម សង្គ្រាម ។</span></p>
<p><span style="color: #000000;"><a class="thickbox" title="" href="/FileManager/Commons/2015/11/3/11b-03-11-2015--09-04-49.jpg"><img src="/FileManager/Articles/mce/2015/11/3/11b-03-11-2015--09-04-49.jpg" alt="" /></a><br /></span></p>
<p><span style="color: #000000;">គួរបញ្ជាក់ថា យន្តហោះចម្បាំង រុស្ស៊ី បានបើកការវាយប្រហារ សរុប ៨ដង ក្នុងរយៈពេលត្រឹមតែ ២៤ម៉ោង ថ្ងៃច័ន្ទម្សិលមិញនេះ ដោយបានកំទេចសម្បទា និងសមាជិក ISIS គ្រាន់តែថា ទំហំនៃ ការខូចខាតពិតប្រាកដ ក៏ដូចជាស្លាប់ សមាជិក របស់ ISIS ពុំទាន់ជាក់ច្បាស់នៅឡើយទេ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>