<p><span style="color: #000000;"><strong>ភ្នំពេញ៖</strong> ក្មេងស្រីម្នាក់ បែកថ្នាំ បានចេញពីផ្ទះ ហើយត្រូវម្តាយ តាមរកឃើញ នៅក្នុងម៉ាតតេលា ហើយប្រាប់សមត្ថកិច្ចឃាត់ខ្លួនក្មេងស្រីបែកថ្នាំម្នាក់នេះ បញ្ជូនទៅមណ្ឌលកែប្រែ បន្ទាប់ពីម្តាយទៅធានាខ្លួន ចេញពីមជ្ឈមណ្ឌលបន្សាបគ្រឿងញៀនជាង៤ខែ។</span></p>
<p><span style="color: #000000;">ហេតុការណ៍នេះ បង្កឲ្យមានការភ្ញាក់ផ្អើលឡើង កាលពីម៉ោង៩ព្រឹក ថ្ងៃទី២៩ ខែតុលា ឆ្នាំ២០១៥នេះ ស្ថិតនៅក្នុងម៉ាតតេលា ក្បែររង្វង់មូលជ្រោយចង្វាថ្មី ស្ថិតនៅក្នុងភូមិ៣ សង្កាត់-ខណ្ឌជ្រោយចង្វា។</span></p>
<p><span style="color: #000000;">សមត្ថកិច្ចនគរបាល ប៉ុស្តិ៍ជ្រោយចង្វាបានឲ្យដឹងថា ក្មេងស្រីញៀនថ្នាំនោះមានឈ្មោះ សួន ស្រីស្រស់ អាយុ១៨ឆ្នាំម្តាយ ឈ្មោះ សេក ម៉ារី អាយុ៤០ឆ្នាំ មុខរបរធ្វើការនៅផ្សារសេរីភាព ផ្នែកអនាម័យស្នាក់នៅផ្ទះជួល សង្កាត់មនោរម្យខណ្ឌ៧មករា រាជធានីភ្នំពេញ មានស្រុកកំណើតនៅភូមិជ្រៃឃ្មុំ ឃុំកន្ទ្រួញ ស្រុកស៊ីធរកណ្តាល ខេត្តព្រៃវែង ។</span></p>
<p><span style="color: #000000;">បើតាមសម្តីម្តាយក្មេងស្រីនោះ បានឲ្យដឹងថា នៅរយៈពេលកន្លងមកគាត់ បាននាំកូនស្រីរបស់គាត់ ទៅដាក់មជ្ឈមណ្ឌល់បន្សាបគ្រឿងញៀនឱកាសខ្ញុំ បានចំនួន៣លើកមកហើយ ដោយក្នុងមួយលើកៗមានរយៈពេល៣ខែ។ ហើយនៅក្នុងខែមិថុនា គាត់ទៅសួរសុខទុក្ខ (លេងកូននៅក្នុងមណ្ឌល) ខណៈដែលជួបគ្នាកូនរបស់គាត់ បានសន្យាថា បើម៉ែសុំគេឲ្យខ្ញុំចេញទៅវិញ ខ្ញុំឈប់ប្រើប្រាស់គ្រឿងញៀនទៀតហើយ ឮដូច្នោះម្តាយក៏បានទៅសុំគេ ឲ្យកូនបានវិលត្រឡប់មកវិញ។ ហើយចាប់តាំងពីគាត់ សុំកូនត្រឡប់មកវិញ កូនស្រីរបស់គាត់បានគេចមិនចូលផ្ទះរហូតមកដល់ពេលនេះ មានរយៈពេលជាង៤ខែហើយ។</span></p>
<p><span style="color: #000000;">ស្រាប់តែមកដល់យប់ថ្ងៃទី២៨ ខែតុលា មានគេទូរសព្ឌ័ប្រាប់ថា គេឃើញកូនស្រីរបស់គាត់ កំពុងអង្គុយនិយាយម្នាក់ឯង ដូចមនុស្សសរសៃប្រសាទ (បែកថ្នាំ )នៅក្នុងម៉ាតតេលា គល់ស្ពានជ្រោយចង្វាត្រើយខាងកើត។ លុះព្រឹកឡើង គាត់ជិះរ៉ឺម៉កម៉ូតូកង់បី មកដល់ម៉ាតតេលា ឃើញកូនស្រីគាត់ ក៏រាយការណ៍ប្រាប់សមត្ថកិច្ចតែម្តង៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/30/10-30-2015-8-20-15-am-30-10-2015--08-27-25.png"><span style="color: #000000;"><img src="/FileManager/Articles/mce/2015/10/30/10-30-2015-8-20-15-am-30-10-2015--08-27-25.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/30/10-30-2015-8-20-29-am-30-10-2015--08-27-40.png"><span style="color: #000000;"><img src="/FileManager/Articles/mce/2015/10/30/10-30-2015-8-20-29-am-30-10-2015--08-27-40.png" alt="" /></span></a></span></p>
<p style="text-align: right;">ផ្ដល់សិទ្ធដោយ៖ ដើមអម្ពិល</p>