<p><span style="color: #000000;"><strong>(មណ្ឌលគិរី)៖</strong> សត្វដំរីស្រុករបស់បងប្អូនជនជាតិព្នង ដែលចិញ្ចឹមនៅខេត្តមណ្ឌលគិរី អាចឈានទៅរកដំណាក់កាលស្លាប់ ដាច់ពូជអស់ ព្រោះតាំតែប្រពៃណីមួយនេះ បានធ្វើការហាមប្រាមយ៉ាងតឹងរ៉ឹងបំផុត ទៅលើការបង្កាត់ពូជ (ពាក់គ្នា) ឱ្យមានកូន គឺដោយសារជំនឿប្រពៃណី របស់បងប្អូនព្នងជឿថា បើដំរីពាក់គ្នានោះ នឹងមានកូនចង្រៃ ដល់បងប្អូនអ្នកស្រុកអ្នកភូមិ។</span></p>
<p><span style="color: #000000;">លោក ទាន់ វន្នី អាយុ៣១ឆ្នាំ ជនជាតិព្នង រស់នៅភូមិពូតាំង សង្កាត់រមនា ក្រុងសែនមនោរម្យ ជាមគ្គុទេសទេសចរណ៍ បានប្រាប់ថា ក្នុងនាមលោកផ្ទាល់ក៏ជាជនជាតិព្នងម្នាក់ដែរ ហើយសព្វថ្ងៃលោកកំពុងមានការព្រួយបារម្ភលើបញ្ហានេះណាស់ ដោយសារបច្ចុប្បន្ននេះ ដំរីរបស់បងប្អូនជនជាតិព្នង នៅមណ្ឌលគិរីចេះតែមានចំនួនតិចទៅៗ ពេលខាងមុខអាចឈានទៅរកការ ផុតពូជមិនខាន។</span></p>
<p><span style="color: #000000;">មគ្គុទេសទេសចរណ៍រូបនោះបានថ្លែងថា <strong>«មិនមែនរូបខ្ញុំជាជនជាតិព្នងដែរហើយ មិនជឿនូវប្រពៃណីទំនៀមទំលាប់របស់ខ្លួននោះទេ តែការជឿជាក់ខ្លាំងពេក ធ្វើឱ្យសេដ្ឋកិច្ចមិនល្អប្រសើរនោះដែរ ជាពិសេសដូចជាបញ្ហសត្វដំរី នេះជាដើម»</strong>។</span></p>
<p><span style="color: #000000;">លោកបានបន្តថា ជាក់ស្តែងសព្វថ្ងៃនេះបងប្អូនព្នងរស់នៅមណ្ឌលគិរី រស់នៅតាមបណ្តាស្រុកភូមិមួយចំនួន គឺពឹងផ្អែកទៅលើរបរចញ្ចឹមដំរី ធ្វើជាមធ្យោបាយយ៉ាងសំខាន់ ក្នុងការដឹកជញ្ជូនភ្ញៀទេសចរ ក្នុងនិងក្រៅស្រុក ទៅកំសាន្តព្រៃហើយ នៅពេលប្រពៃណីរបស់គាត់ តឹងតែងពេកមិនឱ្យសត្វដំរី មានកូនបែបនេះគឺចំនួននេះ ចេះតែមានថយចុះទៅៗ។ បើគិតតួលេខជាក់ស្តែង សព្វថ្ងៃនេះដំរីស្រុក របស់បងប្អូនជនជាតិព្នងមណ្ឌលគិរី មានត្រឹមតែ៤៥ក្បាលប៉ុណ្ណោះ ដែលកាលពីមុនដំរីស្រុក មានចំនួនច្រើនជាងពេលនេះ។</span></p>
<p><span style="color: #000000;">លោកបានប្រាប់បន្ថែមពីតំណមមួយចំនួនពាក់ព័ន្ធ និងការចិញ្ចឹមដំរីរបស់បងប្អូនព្នង តំណមមិនឱ្យដំរីដោយញីឈ្មោលក្នុងភូមិ បើដំរីទាំងនោះដោយញីឈ្មោល នៅក្នុងព្រៃរហូតដល់មានកូនម្ចាស់ដំរីញីត្រូវតែធ្វើការសែនព្រេន ជូនអ្នកស្រុកអ្នកភូមិកុំឱ្យ អ្នកស្រុកចោទប្រកាន់ម្ចាស់ដំរីញីនេះ បានបង្កឱ្យមានគ្រោះចង្រៃផ្សេងៗ កើតមានដល់ពួកគេ ហើយការសែនព្រេននោះ គឺតម្រូវឲ្យម្ចាស់ដំរីញី កាប់គោចំនួន២ក្បាល ក្របីចំនួន២ក្បាល និងកាប់ជ្រូកចាប់ពី១០ទៅ២០ក្បាល។</span></p>
<p><span style="color: #000000;">ដោយឡែក បើដំរីដោយឈ្មោលក្នុងភូមិវិញ ម្ចាស់ដំរីទាំងឈ្មោលញី ត្រូវបានអ្នកស្រុក បង្គាប់ឱ្យធ្វើការសែនព្រេនជាពិធីយ៉ាងធំទៀតផង។ មានបញ្ហាយ៉ាងស្មុគស្មាញបែបនេះ ហើយរូបលោក ចេះតែមានការព្រួយបារម្ភ ពីការបាត់បង់សត្វដំរី។</span></p>
<p><span style="color: #000000;">តែទោះជាយ៉ាងណាក្តី លោកនៅតែធ្វើការព្យាយាម ណែនាំដល់ពួកគាត់ឱ្យបានយល់ពីបញ្ហាប្រឈមនេះ តាមរយៈការធ្វើបទបង្ហាញល្អៗ ដល់ពួកគាត់ឱ្យបានយល់ដើម្បីឲ្យសត្វដំរី មានការកើតកូនកើតចៅសំរាប់ក្មេងជំនាន់ក្រោយ ធ្វើការអភិរ័ក្សបន្តថែរក្សាសត្វដំរី សំរាប់ជាយានជំនិះក្នុងការដឹកជញ្ជូនភ្ញៀវទេសចរ រកកម្រៃមកផ្គត់ផ្គង់ជីវភាពក្នុងគ្រួសារ។ ចុងក្រោយលោក វន្នី បានប្រាប់ថារាល់ការផ្តល់ចំណីអាហារសំរាប់សត្វដំរី (ប្រភេទរុក្ខជាតិគ្រប់មុខ) មួយក្បាល ក្នុងមួយថ្ងៃចាប់ពី២០០Kg ទៅ៣០០kg។</span></p>
<p><span style="color: #000000;">លោក សុង ឃាង ប្រធានមន្ទីរកសិកម្មខេត្តមណ្ឌលគិរីបានលើកឡើងថា <strong>«យើងត្រូវរួមគ្នារកវិធីសាស្រ្តណាល្អៗ ធ្វើការណែនាំដល់បងប្អូនជនជាតិ ឲ្យគាត់បានយល់ពីបញ្ហានេះ ឲ្យដំរីរបស់គាត់មានកូន ដូចប្រទេសជិតខាងយើង»</strong>។ លោក កែវ សុភ័គ អនុប្រធានព្រៃការពារមណ្ឌលគិរី បានបញ្ជាក់ប្រាប់ថា ចំពោះការតំណម ជំនឿប្រពៃណីរបស់បងប្អូនជនជាតិព្នង នៅខេត្តមណ្ឌលគិរី ក្នុងការចិញ្ចឹមដំរីនេះគឺមានការជឿទំនៀមទំលាប់នេះ វាអាចហួសហេតុពេកហើយ ចឹងដំរីរបស់ពួកគាត់ មិនអាចលើសពី១០ឆ្នាំទៀតឡើយ វានឹងផុតពូជ។</span></p>
<p><span style="color: #000000;">លោកបន្តថា <strong>«ជនជាតិព្នងដូចគ្នាដែលកំពុងរស់នៅ ប្រទេសវៀតណាម គេកំពុងខិតខំធ្វើការបង្កាត់ពូជដំរី ឱ្យមានកូនបានច្រើន ព្រោះដំរីចាប់ពីរយៈពេលមានកូនវា ពពោះរហូតដល់ទៅ១៨ខែ ទើបកើតកូន»</strong>៕</span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xpl1/t31.0-8/12719647_1560076780973354_1550975876383838948_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/t1.0-9/12715405_1560076787640020_2251648671593190617_n.jpg?oh=9200861ac2ca6c24b012320818e08064&oe=57246E2D" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12715545_1560076784306687_4465194306839891194_n.jpg?oh=55c2e6a8ec9b850d52c4188d9bca5e9b&oe=572B611E" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpa1/t31.0-8/12764415_1560076827640016_3227251423835186784_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12733385_1560076830973349_3737715029666743790_n.jpg?oh=d64227b73417e55f43d38a59f7f480a6&oe=57621B6E" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12742769_1560076834306682_5357139721160936299_n.jpg?oh=f319271dfce73f9b690df4fedab7d844&oe=57719FF3" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12742719_1560076857640013_4583193780019869047_n.jpg?oh=442d7d5b1040e21f64eaece9a724cdb1&oe=576CA83A" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xtp1/v/t1.0-9/12715622_1560076864306679_5891159499549709980_n.jpg?oh=0a1b39bedafde8e28f869a39ad6c0f8f&oe=5723D4CB&__gda__=1466348525_98aa742de6c5f21670a22fd739850ec3" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>