<p><span style="color: #000000;"><strong>តាកែវ ៖</strong> បើទោះបីជា លោកអភិបាលខេត្តតាកែវ ឡាយ វណ្ណៈ បានចេញលិខិតណែនាំ ដល់ម្ចាស់ផ្ទះសំណាក់ ទាំងអស់ នៅក្នុងខេត្តតាកែវ កុំឲ្យ តម្លើងថ្លៃក្នុងឱកាស ដែលសិស្សមកពីគ្រប់ស្រុកប្រមូលផ្ដុំគ្នា មកប្រឡងទុតិយភូមិ នៅក្នុងក្រុងដូនកែវ និងស្រុកត្រាំកក់ និងស្រុកទ្រាំង យ៉ាងណាក៏ដោយ ក៏ម្ចាស់ផ្ទះសំណាក់ មួយចំនួន មិនបានអនុវត្តន៍ ទៅតាមលិខិត ណែនាំរបស់អភិបាល ខេត្តតាកែវនោះទេ។ </span></p>
<p><span style="color: #000000;">យុវសិស្ស រដ្ឋា មកពីស្រុកគីរីវង់ ដែលបានជួសផ្ទះសំណាក់ សន្តិភាព នៅជិតវិមានឯករាជ្យ ស្នាក់នៅដើម្បី ចូលរួមប្រឡងទុតិយភូមិ នៅមណ្ឌលវិទ្យាល័យ ជា ស៊ីម បានប្រាប់ឲ្យដឹងថា ផ្ទះសំណាក់នេះ យកថ្លៃមួយយប់៣០ដុល្លារ ពោលគឺម្ចាស់ផ្ទះបានតម្លើងថ្លៃ មួយជាបីបើប្រៀបធៀប និងថ្ងៃធម្មតា។</span></p>
<p><span style="color: #000000;">បើតាមយុវជនខាងលើ រូបគេមិនមានលទ្ធភាព ជួលបន្ទប់ផ្ទះសំណាក់ស្នាក់នៅ ម្នាក់ឯងនោះទេ គឺរូបគេនិងមិត្តភ័ក្រពីរនាក់ទៀត បានចូលលុយគ្នា ដើម្បីជួលបន្ទប់ស្នាក់នៅ រួមគ្នាចំនួនពីរថ្ងៃ។</span></p>
<p><span style="color: #000000;">បេក្ខជនប្រឡងទុតិយភូមិម្នាក់ទៀត ដែលមកពីស្រុកអង្គបុរី បានថ្លែងឲ្យដឹងថា បានថ្លែងឲ្យដឹងថា រូបគេរួមនិងមិត្តភ័ក្របីនាក់ផ្សេងទៀត នៅក្នុងភូមិបានមកជួលផ្ទះសំណាក់ «ស្វីតហូម» ស្នាក់នៅក្នុងតម្លៃមួយដែល ខុសពីថ្ងៃធម្មតាដែរ ។</span></p>
<p><span style="color: #000000;">បេក្ខជនទាំងអស់ខាងលើ បានសំណូមពរ ឲ្យអាជ្ញាធខេត្ត ជាពិសេស លោកអភិបាលខេត្តតាកែវ ឡាយ វណ្ណៈ ដែលតែងតែយកចិត្តទុកដាក់ និងគិតគូពីសុខទុក្ខ របស់ក្រុមយុវជន និងប្រជាជននោះ សូមជួយដុសក្អែលម្ចាស់ផ្ទះសំណាក់ ទាំងអស់នោះផង។</span></p>
<p><span style="color: #000000;">សូមកុំឲ្យម្ចាស់ផ្ទះសំណាក់ ទាំងអស់នេះយកឱកាស់ដែលក្មេងប្រឡង មកធ្វើមានធ្វើបានទាំង ងងើលដោយគ្មានពិចារណាអ្វីនោះ ។ ព្រោះបេក្ខជនទាំងអស់ ដែលមកជួលបន្ទប់ស្នាក់នៅប្រឡង គឺភាគច្រើនសុទ្ធតែជាកូនអ្នកស្រែ ដែលមានជីវភាព មិនសូវធូធាប៉ុន្មាននោះទេ។</span></p>
<p><span style="color: #000000;">ពាក់ព័ន្ធទៅនិងបញ្ហានេះលោក មូល វិចឹត្រ អភិបាលក្រុងដូនកែវ បានថ្លែងឲ្យដឹងថា មុននិងប្រឡងប៉ុន្មានថ្ងៃ លោកអភិបាលខេត្តតាកែវ បានចេញសេចក្ដីជូនដំណឹង ដល់ម្ចាស់ផ្ទះសំណាក់ នៅក្នុងខេត្តតាកែវកុំ ឲ្យតម្លើងថ្លៃបន្ទប់។ ក៏ប៉ុន្តែម្ចាស់ ផ្ទះមួយចំនួននៅតែតម្លើងថ្លៃ ដោយសំអាងថា ការឡើងថ្លៃនេះគឺបណ្ដាលមកពីបេក្ខជន ប្រឡងបានស្នាក់នៅគ្នាច្រើន។</span></p>
<p><span style="color: #000000;">លោកអភិបាលក្រុង បានមានប្រសាសន៍បន្តថា លោកនិងរាយការណ៍ ជួនលោកអភិបាលខេត្ត ឲ្យបានជ្រាបពីបញ្ហានេះ ដើម្បីធ្វើយ៉ាងណារួមគ្នា ដោះស្រាយកុំឲ្យបញ្ហានេះ កើតឡើងជាថ្មីទៀត៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/25/87-25-08-2015--15-36-54.jpg"><img src="/FileManager/Articles/mce/2015/8/25/87-25-08-2015--15-36-54.jpg" alt="" /></a></span></p>
<p><a class="thickbox" title="" href="/FileManager/Commons/2015/8/25/88-25-08-2015--15-37-06.jpg"><img src="/FileManager/Articles/mce/2015/8/25/88-25-08-2015--15-37-06.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/25/87-25-08-2015--15-36-54.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>