<p><span style="color: #000000;"><strong>(ភ្នំពេញ)៖</strong> នារីស្រស់ស្អាតពីរនាក់ បើករថយន្តមួយគ្រឿងម៉ាក RANGE ROVER ពណ៌ស យ៉ាងលឿនមកដល់ផ្លូវបំបែកជាបួន ក៏បានបុកជាមួយរថយន្ត Land Cruiser ពណ៌ខ្មៅ បណ្ដាលឲ្យរថយន្ត Land Cruiser ក្រឡាប់ផ្ងាជើងឡើងលើ ហើយស្រ្តីបើករថយន្ត RANGE ROVER នោះ បានបើកគេចខ្លួនរហូតមកដល់ផ្លូវ163 រថយន្តក៏ទៅមុខទៀតលែងរួច ធ្វើឲ្យស្រីស្អាតទាំងពីរនាក់នោះ ក៏ចុះពីលើរថយន្តប្រមូលរបស់របរ ចេញពីរថយន្តទៅបាត់ទៅ។</span></p>
<p><span style="color: #000000;">ហេតុការណ៍គ្រោះថ្នាក់ខាងលើនេះ បានបង្កការភ្ងាក់ផ្អើល នៅវេលាម៉ោង៣ភ្លឺ ឈានចូលថ្ងៃទី២៣ ខែតុលា ឆ្នាំ២០១៦ នៅចំណុចស្តុបវត្តមហាមន្រ្តី សង្កាត់វាលវង់ ខណ្ឌ៧មករា។</span></p>
<p><span style="color: #000000;">ប្រភពព័ត៌មានពីអ្នកបើករថយន្ត Land Cruiser ពណ៌ខ្មៅ ពាក់ស្លាកលេខ 2W-8458 បានប្រាប់ថា គាត់ចេញពីផ្ទះ ជិះរថយន្តទៅហាត់ប្រាណ ដោយបើកតាមបណ្ដាយផ្លូវព្រះសីហនុ ពីលិចទៅកើត លុះមកដល់ស្តុបវត្តមហាមន្រ្តី ស្រាប់តែមានរថយន្តមួយគ្រឿង បើកយ៉ាងលឿនបានមកបុករថយន្តគាត់ បណ្ដាលឲ្យក្រឡាប់ផ្ងាជើងឡើងលើ ហើយរថយន្តដែលបុកនោះ មិនព្រមឈប់ទេ បានបើករត់មកដល់ចំណុចផ្លូវ163 សង្កាត់ទួលទំពូង1 ខណ្ឌចំការមន ទើបរថយន្តទៅមុខទៀតលែងរួចតែម្ដង។</span></p>
<p><span style="color: #000000;">ចំណែកស្រីស្រស់ទាំងពីរ ដែលជិះរថយន្តម៉ាក ម៉ាក RANGE ROVER ពណ៌សពាក់ស្លាកភ្នំពេញ 2AM-9992 បើកតាមបណ្ដាយផ្លូវ161 ពីជើងទៅត្បូងលុះមកដល់ស្តុបវត្តមហាមន្រ្តី ក៍មានរថយន្ត Land Cruiser ពណ៌ខ្មៅមួយគ្រឿង ឆ្លងមកបុកគាត់ពេញទំហឹង ហើយបានបើករត់រថយន្តចេញ។</span></p>
<p><span style="color: #000000;">ចុងក្រោយរថយន្តទាំងពីរគ្រឿង ត្រូវបានសម្ថតកិច្ច វាស់វែងយកទៅរក្សាទុក នៅការិយាល័យចរាចរណ៍ផ្លូវគោក ដើម្បីរង់ចាំដោះស្រាយគ្នាពេលក្រោយ៕</span></p>
<p><span style="color: #000000;"><img src="http://image.freshnewsasia.com/2016/006/fn-2016-10-23-07-13-06-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-10-23-07-13-07-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-10-23-07-13-07-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-10-23-07-13-07-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-10-23-07-13-07-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-10-23-07-13-07-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-10-23-07-13-07-7.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>