<p><span style="color: #000000;"><strong>(ឥណ្ឌា)៖</strong> នារីវ័យក្មេងម្នាក់ មានការឈឺចាប់ជាខ្លាំង នៅពេលដែលបុរសជាប្តី សុខចិត្តលែងលះ រួចទៅរួមរស់ជាមួយម្តាយបង្កើតរបស់នាង ដែលមានអាយុ៤២ឆ្នាំទៅវិញ។ </span></p>
<p><span style="color: #000000;">ហេតុការណ៍ដ៏គួរឲ្យហួសចិត្តនេះ កើតឡើងនៅប្រទេសឥណ្ឌា បុរសជាប្តីអាយុ២២ឆ្នាំ ឈ្មោះ Suraj Mahto បានចាកចេញពីប្រពន្ធ និងកូនដែលនៅតូចនៅឡើយ ហើយ ងាកទៅរៀបការ ជាមួយម្តាយក្មេកឈ្មោះ Asha Devi ដែលស្នេហារបស់ម្តាយក្មេក និងកូនប្រសានេះកើតឡើង នៅពេល Lalita ឲ្យម្តាយមករស់នៅ ជាមួយនាងនិងប្តីនៅក្នុងភូមិ Paraini កាលពីឆ្នាំមុន។</span></p>
<p><span style="color: #000000;">កំឡុងពេលស្នាក់នៅ ជាមួយគ្នា Devi យកចិត្តទុកដាក់ កូនប្រសាណាស់តាំងពីឈឺ ត្រឡប់មកពីធ្វើការ និងដើរលេងជាមួយគ្នាទៀតផង រហូតដល់កូនស្រីដឹងរឿង ក៏ទៅប្រាប់ឪពុក និងសុំម្តាយឲ្យចាកចេញពីប្តី តែស្ត្រីជាម្តាយនោះ មិនព្រម ថែមទាំងពង្រត់គ្នាជាមួយកូនប្រសា លួចទៅរៀបការទៀតផង។</span></p>
<p><span style="color: #000000;">ក្រោយមកអ្នកទាំងពីរ ហាក់ដឹងកំហុសចង់ត្រឡប់មករកសភាពដើមវិញ ដោយស្ត្រីជាម្តាយចង់មករួមរស់ ជាមួយប្តី រីឯកូនប្រសានោះចង់មករស់នៅជាមួយប្រពន្ធវិញ ទើបពួកគេសម្រេចចិត្តលែងលះគ្នា ប៉ុន្តែអ្វីៗហួសពេលទៅហើយ គឺឪពុកនិងកូនស្រី មិនអាចទទួលយករឿងនេះ បានឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/23/17c-23-08-2016--11-24-17.jpg"><img src="/FileManager/Articles/mce/2016/8/23/17c-23-08-2016--11-24-17.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>