<p><span style="color: #000000;"><strong>(ភ្នំពេញ)៖</strong> ក្នុងជំនួបកិច្ចប្រជុំជាមួយ លោក Kevin Cheok ឯកអគ្គរដ្ឋទូតសិង្ហបុរី ប្រចាំប្រទេសកម្ពុជា ដែលទើបតែផុតអាណត្តិ នៅវិមានសន្តិភាព នាថ្ងៃទី២៦ ខែមេសា ឆ្នាំ២០១៦ លោកឧបនាយករដ្ឋមន្រ្តី ហោ ណាំហុង បានស្នើសុំឱ្យតំណាងទូតសិង្ហបុរីរូបនេះ ជួយជំរុញដល់រដ្ឋាភិបាល និងវិនិយោគិន ដើម្បីបង្កើនការវិនិយោគនៅកម្ពុជា កាន់តែច្រើនថែមទៀត ខណៈដែលទំហំពាណិជ្ជកម្ម ប្រទេសពីរ កើនដល់ជាង៥៦០លានដុល្លារនៅឆ្នាំ២០១៥។</span></p>
<p><span style="color: #000000;">នេះបើតាម លោកស្រី រុស្ស៊ី ម៉ារ៉ា ទីប្រឹក្សាឧបនាយករដ្ឋមន្រ្តី ហោ ណាំហុង និងជាអ្នកនាំពាក្យនៃជំនួបខាងលើ បានថ្លែងប្រាប់ក្រុម អ្នកសារព័ត៌មាន ក្រោយពេលកិច្ចពិភាក្សារវាងឧបនាយករដ្ឋមន្រ្តី ហោ ណាំហុង ជាមួយនឹង ឯកអគ្គរដ្ឋទូតសិង្ហបុរីប្រចាំប្រទេស កម្ពុជាបានបញ្ចប់។</span></p>
<p><span style="color: #000000;">លោកស្រី រុស្ស៊ី ម៉ារ៉ា បានឱ្យដឹងថា លោក Kevin Cheok បានលើកសរសើរពីទំនាក់ទំនងកិច្ចសហប្រតិបត្តិការរវាងប្រទេសទាំងពីរ កាលពីលោកឧបនាយករដ្ឋមន្រ្តី ហោ ណាំហុង នៅជារដ្ឋមន្រ្តីក្រសួងការបរទេស ហើយបានថ្លែងអំណរគុណ ដល់ឧបនាយករដ្ឋន្រ្តី ហោ ណាំហុង ដែលបានចូលរួមប្រារព្ធខួបនៃកំណើតសហគមអាស៊ាន កាលពីឆ្នាំ២០១៥ ដែលបានផ្ដល់ឱ្យភាគីសិង្ហបុរី រៀបរាប់ពី ប្រវត្តិនៃទំនាក់ទំនងរបស់ប្រទេសទាំងពីរដល់ប្រជាជាតិទាំងឡាយបានដឹង។</span></p>
<p><span style="color: #000000;">សូមបញ្ជាក់ថា កំណើនវិនិយោគទុនរវាងប្រទេសទាំងពីរមានការកើនឡើងគួរឱ្យកត់សម្គាល់ ក្នុងនោះទំហំពាណិជ្ជកម្មនៅឆ្នាំ២០១៥ បានកើនដល់៥៦១.៩២៣.៦១០ដុល្លារអាមេរិក។ នេះបើតាមការបញ្ជាក់ពីមន្រ្តីដដែល៕</span></p>
<p><br /><a class="thickbox" title="" href="/FileManager/Commons/2016/4/26/4-26-04-2016--14-08-23.jpg"><img src="/FileManager/Articles/mce/2016/4/26/4-26-04-2016--14-08-23.jpg" alt="" /></a></p>
<p><br /><a class="thickbox" title="" href="/FileManager/Commons/2016/4/26/6-26-04-2016--14-08-40.jpg"><img src="/FileManager/Articles/mce/2016/4/26/6-26-04-2016--14-08-40.jpg" alt="" /></a><a class="thickbox" title="" href="/FileManager/Commons/2016/4/26/4-26-04-2016--14-08-23.jpg"></a></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>