<p><span style="color: #000000;"><strong>(ភ្នំពេញ)៖</strong> នៅថ្ងៃនេះបន្ទាប់ពី មានការបង្ហោះសារ នៅលើ Facebook របស់កញ្ញា ធី សុវណ្ណថា៖<strong> «សព្វថ្ងៃនេះមូលនិធិខ្ញុំបានទទួលថវិកា៣លានដុល្លារ ពីបណ្តាញ មូលនិធិជាតិ និងអន្តរជាតិ ដែលក្នុងនោះខ្ញុំសូមអរគុណ លោកឧកញ៉ាបណ្ឌិត ម៉ុង ប្ញទ្ធី ដែលបានបរិច្ចាកជាថវិកា១លានដុល្លារ, លោកឧកញ៉ា លី យ៉ុងផាត់ ជាថវិកា ៥សែនដុល្លារ និងក្រុមហ៊ុន Coca Cola ជាថវិកា១លានដុល្លារ ដល់អង្គការយើងខ្ញុំ»</strong>។</span></p>
<p><span style="color: #000000;">បញ្ហានេះត្រូវបានលោកឧកញ៉ា ម៉ុង ឫទ្ធី ប្រធានក្រុមហ៊ុនម៉ុងឫទ្ធីគ្រុប ចេញមកអះអាងតាមរយៈអង្គភាពព័ត៌មាន Fresh News ឲ្យដឹងថា លោកមិនដែលបានផ្តល់លុយ មួយរៀលណាមួយ ដល់កញ្ញា ធី សុវណ្ណថា នោះទេ ជាពិសេសលោកឧកញ៉ាបានបញ្ជាក់ថា មិនដែលស្គាល់កញ្ញា ធី សុវណ្ណាថា ទាល់តែសោះ ហើយលោកក៏មិនជឿថា កញ្ញាជាអ្នកសរសេរសារខាងលើនេះដែរ។</span></p>
<p><span style="color: #000000;">ឧកញ៉ា ម៉ុង ប្ញទ្ធី បានថ្លែងប្រាប់ Fresh News យ៉ាងដូច្នេះថា៖<strong> «ពូមិនជឿថារឿងនេះជារឿងពិតនោះទេ អាចមានគេក្លែងបន្លំ ឬគេលួចចូល Facebook ហើយសរសេរវាយប្រហារ, ពូមិនដែលស្គាល់កញ្ញា ធី សុវណ្ណថា ទេ ហើយក៏មិនដែលផ្តល់លុយមួយរៀលណា»</strong>។</span></p>
<p><span style="color: #000000;">សូមជំរាបថា នៅមុននេះបន្តិចនារសៀលថ្ងៃទី០៥ ខែមករា ឆ្នាំ២០១៧នេះ កញ្ញា ធី សុវណ្ណថា ក៏បានចេញផ្សាយវិដេអូឃ្លីបមួយដោយធ្វើការបកស្រាយជុំវិញបញ្ហា Facebook កញ្ញា ត្រូវបានជនអនាមិក Hack យកទៅគ្រប់គ្រងដោយសរសេរសារវាយប្រហារទៅលើឧកញ៉ាល្បីៗ២រូបនៅកម្ពុជា និងក្រុមហ៊ុនកូកាកូឡា៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/6/1a-06-01-2017--09-36-57.png"><img src="/FileManager/Articles/mce/2017/1/6/1a-06-01-2017--09-36-57.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-20-18-04-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>