<p><strong>(ពិភពលោក)៖</strong> នៅពេលអានអត្ថបទមួយនេះ លោកអ្នកអាចនឹងមានការភ្ញាក់ផ្អើល ព្រោះថាបណ្ដាប្រទេសអភិវឌ្ឍន៍ធំ នៅក្នុងពិភពលោក ដូចជាសហរដ្ឋអាមេរិក ស៊ុយអែត បារាំង កាណាដា ចក្រភពអង់គ្លេស និងអាល្លឺម៉ង់ បែរជាមានបទល្មើសរំលោភសេពសន្ថវៈ ខ្ពស់បំផុតទៅវិញ។</p>
<p>ខាងក្រោមនេះ គឺជាតារាងប្រទេសទាំង១០ ដែលមានបទល្មើសរំលោភសេពសន្ថវៈខ្ពស់បំផុត៖</p>
<p><strong>១-សហរដ្ឋអាមេរិក</strong><br />ជាប្រទេសមហាអំណាចសេដ្ឋកិច្ច និងជាប្រទេសដែលជឿនលឿនជាងគេ នៅក្នុងពិភពលោក ប៉ុន្តែសម្រាប់រឿងអាស្រូវ ក៏មានច្រើនផងដែរ ជាពិសេសគឺករណីរំលោភសេពសន្ថវៈ ដែលបច្ចុប្បន្នកំពុងឈរ នៅលេខរៀងទី១ នៃប្រទេសដែលមានករណី រំលោភសេពសន្ថវៈខ្ពស់ ជាងគេបំផុតក្នុងលោក។ យោងតាមរបាយការណ៍ របស់ការិយាល័យស្ថិតិយុត្តិធម៌អាមេរិក បានឲ្យដឹងថា ក្នុងចំណោមករណីរំលោភសេពសន្ថវៈមាន៩១ភាគរយ ស្ត្រីជាអ្នករងគ្រោះ ចំណែក៩ភាគរយទៀត គឺជាបុរស។ ស្ត្រីម្នាក់ក្នុងចំណោម ៦នាក់ រងការរំលោភសេពសន្ថវៈ ខណៈដែលបុរសម្នាក់ ក្នុងចំណោម ៣៣នាក់ រងការរំលោភសេពសន្ថវៈដែរ។</p>
<p style="text-align: center;"><img src="http://www.wonderslist.com/wp-content/uploads/2014/02/Protest-against-rape-in-USA.jpg" alt="" width="730" /></p>
<p><strong>២- ប្រទេសអាព្រិកខាងត្បូង</strong><br />ចាប់តាំងពីឆ្នាំ២០០២មក ករណីរំលោភសេពសន្ថវៈនៅក្នុងប្រទេសនេះ បានកើនឡើងជាលំដាប់ រហូតដល់ថ្នាក់ពិភពលោកហៅប្រទេសនេះថា «រដ្ឋធានីរំលោភសេពសន្ថវៈនៃពិភពលោក»។ ក្នុងចំណោម ២៥ភាគរយនៃបុរស នៅក្នុងប្រទេសនេះ បានសារភាពថា ខ្លួនធ្លាប់បានរំលោភសេពសន្ថវៈទៅលើនារី មានអ្នកខ្លះបានប្រព្រឹត្តច្រើនដងទៀត។ មួយវិញទៀត ប្រទេសនេះ ក៏ត្រូវបានអង្គការឃ្លាំមើល សិទ្ធិកុមារបានលើកឡើងថា កុមារភាគនៅក្នុងប្រទេសនេះ ត្រូវបានគេរំលោភសេពសន្ថវៈច្រើនជាងគេបំផុត នៅក្នុងពិភពលោក ខណៈដែលអ្នកប្រព្រិត្តជាប់ទោសត្រឹមតែ ២ឆ្នាំប៉ុណ្ណោះ។</p>
<p style="text-align: center;"><img src="http://www.wonderslist.com/wp-content/uploads/2014/02/South-Africans-call-Stop-rape.jpg" alt="" width="730" /></p>
<p><strong>៣-ប្រទេសស៊ុយអែត</strong><br />ជាប្រទេសដែលមានអត្រា រំលោភសេពសន្ថវៈខ្ពស់ជាងគេ នៅតំបន់អឺរ៉ុប និងជាស្ថិតនៅក្នុងលំដាប់ទី៣ នៃប្រទេសដែលមានករណី រំលោភសេពសន្ថវៈខ្ពស់ជាងគេបំផុត នៅលើពិភពលោក។ ស្ត្រីម្នាក់ក្នុងចំណោម៤នាក់ ត្រូវបានរងការបំពាន និងរងការរំលោភសេពសន្ថវៈ ដែលមានរហូតដល់ ៦៣ភាគរយនៃស្ត្រីសរុបនៅក្នុងប្រទេស។</p>
<p style="text-align: center;"><img src="http://www.wonderslist.com/wp-content/uploads/2014/02/Protest-against-rape-in-sweden.jpg" alt="" width="730" /></p>
<p><strong>៤-ប្រទេសឥណ្ឌា</strong><br />ជាប្រទេសដែលល្បីរឿងរំលោភសេពសន្ថវៈ ប៉ុន្តែប្រទេសនេះ មិនស្ថិតនៅក្នុងលំដាប់កំពូលនោះ គឺបានត្រឹមតែលេខ៤ប៉ុណ្ណោះ។ ស្ត្រីឥណ្ឌាជាច្រើនបានរងការរំលោភសេពសន្ថវៈ ជាពិសេស គឺករណីរំលោភសេពសន្ថវៈជាក្រុម។ បើទោះបីជារបាយការណ៍ ស្ដីអំពីករណីរំលោភសេពសន្ថវៈ មិនត្រូវបានអាជ្ញាធផ្ដល់ឲ្យក្ដី ប៉ុន្តែក្រុមឃ្លាំមើលបានលើកឡើងថា រៀងរាល់២២នាទី គឺមានករណីរំលោភសេពសន្ថវៈម្ដង នៅក្នុងប្រទេសឥណ្ឌា។</p>
<p style="text-align: center;"><img src="http://www.wonderslist.com/wp-content/uploads/2014/02/Indian-Ladies-Against-Rape-demonstration.jpg" alt="" width="730" /></p>
<p><strong>៥-ចក្រភពអង់គ្លេស</strong><br />មនុស្សជាច្រើនបានប៉ងប្រាថ្នាចង់ទៅរស់នៅ ឬទៅលេងកម្សាន្តចក្រភពអង់គ្លេស ព្រោះជាប្រទេសមួយ ដែលមានការអភិវឌ្ឍន៍ និងរីកច្រើន ប៉ុន្តែលោកអ្នកក៏ត្រូវយល់ដឹងខ្លះផងដែរ ពីរឿងអាក្រក់ៗមួយចំនួន សម្រាប់ប្រទេសមួយនេះ ដូចជាបទរំលោភសេពសន្ថវៈជាដើម។ យោងតាមរបាយការណ៍ របស់ក្រុមឃ្លាំមើលសិទ្ធិស្ត្រី បានបង្ហាញថា ស្ត្រីម្នាក់ក្នុងចំណោម៥នាក់ ត្រូវបានរងការរំលោភសេពសន្ថវៈ ជាពិសេស គឺក្មេងស្រីវ័យ១៦ឆ្នាំ រងគ្រោះច្រើនជាងគេបំផុត។</p>
<p style="text-align: center;"><img src="http://www.wonderslist.com/wp-content/uploads/2014/02/Women-Against-Rape-demons-London.jpg" alt="" width="730" /></p>
<p><strong>៦-ប្រទេសអាល្លឺម៉ង់</strong><br />យោងតាមរបាយការណ៍បានបញ្ជាក់ថា មានស្ត្រីអាល្លឺម៉ង់ជាច្រើននាក់បានស្លាប់ ដោយសារករណីរំលោភសេពសន្ថវៈ ខណៈដែលបច្ចុប្បន្នអាល្លឺម៉ង់ ស្ថិតនៅលេខរៀងទី៦ នៃប្រទេសដែលកើតមាន ករណីរំលោភសេពសន្ថវៈច្រើនជាងគេ ដោយក្នុងមួយឆ្នាំ កើតមានមិនក្រោមពី ៦,៨លានករណីនោះទេ។<br />1http://www.wonderslist.com/wp-content/uploads/2014/02/Stalins-army-of-rapists.jpg</p>
<p><strong>៧-ប្រទេសបារាំង</strong><br />ករណីរំលោភសេពសន្ថវៈ មិនមែនជាបទឧក្រិដ្ឋនោះទេ នៅក្នុងប្រទេសបារាំង ចាប់តាំងពីឆ្នាំ១៩៨០ ប៉ុន្តែគេបានបង្កើតច្បាប់ថ្មី ដើម្បីពង្រឹងសិទ្ធិ និងការសុវត្ថិភាពរបស់ស្ត្រី។ បើទោះជាយ៉ាងនេះក្ដី ក៏ករណីរំលោភសេពសន្ថវៈ នៅក្នុងប្រទេសបារាំង នៅតែកើតមានខ្ពស់ និងត្រូវបានគេបញ្ជាក់ថា ក្នុងមួយឆ្នាំនៅក្នុងប្រទេសបារាំង បានកើតមានករណីរំលោភសេពសន្ថវៈ រហូតដល់ជាង ៣,៧លានករណី។</p>
<p style="text-align: center;"><img src="http://www.wonderslist.com/wp-content/uploads/2014/02/Rape-Crime-in-France.jpg" alt="" width="730" /></p>
<p><strong>៨-ប្រទេសកាណាដា</strong><br />ជាប្រទេសមួយដែលមានការរីកច្រើនខ្លាំង ប៉ុន្តែតួលេខនៃករណីរំលោភសេពសន្ថវៈ ក៏មានច្រើនផងដែរ។ បើតាមការបញ្ជាក់នៅក្នុងរបាយការណ៍ របស់អាជ្ញាធរបានឲ្យដឹងថា ក្នុងមួយឆ្នាំមានករណីរំលោភសេពសន្ថវៈ ២,៥លានករណី។ ក្រុមអ្នកឃ្លាំមើល បានលើកឡើងថា ស្ត្រីម្នាក់ក្នុងចំណោម៣នាក់ ត្រូវបានគេបំពាន និងទទួលរងអំពើហិង្សាផ្លូវភេទ ជាពិសេសគឺស្ត្រីក្នុងវ័យ ១៧ឆ្នាំ។</p>
<p style="text-align: center;"><img src="http://www.wonderslist.com/wp-content/uploads/2014/02/Rape-Crime-in-Canada.jpg" alt="" width="730" /></p>
<p><strong>៩-ប្រទេសស្រីលង្កា</strong><br />នៅក្នុងរបាយការណ៍របស់ UN និងកំណត់ហេតុរបស់អាជ្ញាធរបានបញ្ជាក់ថា ស្ត្រីភាគច្រើននៅក្នុងប្រទេសស្រីលង្កា បានទទួលរងនូវការគំរាមកំហែង និងរំលោភសេពសន្ថវៈយ៉ាងធ្ងន់ធ្ងរ ក្នុងនោះមានករណីរំលោភជាក្រុម ហើយមានស្ត្រីខ្លះត្រូវបានគេរំលោភ ជាច្រើនដងទៀតផង។ ចំពោះច្បាប់នៅក្នុងប្រទេសមួយនេះវិញ ត្រូវបានគេមើលឃើញថា មានសភាពធូរលុង ដូច្នេះហើយទើបប៉ុន្មានឆ្នាំចុងក្រោយនេះ ស្ត្រីភាគច្រើនបាននាំគ្នាតវ៉ាធ្វើបាតុករ ទាមទារឲ្យរដ្ឋាភិបាលពង្រឹងច្បាប់ និងដាក់ទោសទណ្ឌឲ្យធ្ងន់ធ្ងរ បំផុតដល់ជនប្រព្រឹត្តបទល្មើស។</p>
<p style="text-align: center;"><img src="http://www.wonderslist.com/wp-content/uploads/2014/02/Rape-Crime-in-Sri-Lanka.jpg" alt="" width="730" /></p>
<p><strong>១០-ប្រទេសអេត្យូពី</strong><br />យោងតាមរបាយការណ៍ របស់អង្គការសហប្រជាជាតិ (UN) បានឲ្យដឹងថា មានស្ត្រីជិត៦០ភាគរយ នៅក្នុងប្រទេសមួយនេះ បានទទួលរងអំពើហិង្សាផ្លូវភេទ។ ការរំលោភសេពសន្ថវៈ ជាបញ្ហាធ្ងន់ធ្ងរខ្លាំងណាស់ នៅក្នុងប្រទេសមួយនេះ បើទោះបីជារដ្ឋាភិបាល បានយល់ចិត្តទុកដាក់ និងរឹតបន្ដឹងច្បាប់ ជាមួយនឹងការដាក់ទោសធ្ងន់ធ្ងរក្ដី ក៏ករណីរំលោភសេពសន្ថវៈ នៅតែកើតមាន។ នៅក្នុងប្រទេសមួយនេះ ក៏សម្បូរទៅដោយករណីចាប់ពង្រត់ផងដែរ ជាពិសេសគឺចាប់ពង្រត់កូនក្រមុំ និងរំលោភរហូតដល់នាងមានផ្ទៃពោះ៕</p>
<p style="text-align: center;"><img src="http://www.wonderslist.com/wp-content/uploads/2014/02/Highest-Rape-Crime-in-Ethiopia.jpg" alt="" width="730" /></p>
<p><span class="a2a_kit a2a_kit_size_32 addtoany_list" style="line-height: 32px;" data-a2a-url="http://www.freshnewsasia.com/index.php/en/19439-2016-03-06-03-17-49.html" data-a2a-title="ប្រទេសទាំង១០ ដែលមានបទល្មើសរំលោភសេពសន្ថវៈខ្ពស់ជាងគេបំផុតក្នុងពិភពលោក "> <a class="a2a_button_facebook" rel="nofollow" href="http://www.freshnewsasia.com/#facebook" target="_blank"></a><a class="a2a_button_google_plus" rel="nofollow" href="http://www.freshnewsasia.com/#google_plus" target="_blank"></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p><span class="a2a_kit a2a_kit_size_32 addtoany_list" style="line-height: 32px;" data-a2a-url="http://www.freshnewsasia.com/index.php/en/19439-2016-03-06-03-17-49.html" data-a2a-title="ប្រទេសទាំង១០ ដែលមានបទល្មើសរំលោភសេពសន្ថវៈខ្ពស់ជាងគេបំផុតក្នុងពិភពលោក "><a class="a2a_button_google_plus" rel="nofollow" href="http://www.freshnewsasia.com/#google_plus" target="_blank"><span class="a2a_label"><br class="a2a_label" /></span></a> </span></p>