<p><span style="color: #000000;"><strong>(កំពង់ចាម)៖</strong> បន្ទាប់ពីមានព័ត៌មានល្បីសុសសាយថា តារាចម្រៀង ខេមរៈ ស្រីពៅ មានជំងឺធ្ងន់ធ្ងរ រហូតដល់ថ្នាក់ដេកនៅលើស្លឹកចេក រង់ចាំដំណាក់កាលចុងក្រោយនោះ ភ្នាក់ងារព័ត៌មាន Fresh News និងគេហទំព័រ កម្សាន្ត Khmertalking បានចុះមកដល់គេហដ្ឋានរបស់នាងផ្ទាល់តែម្តង ស្ថិតនៅក្នុងភូមិគរ ឃុំគរ ស្រុកព្រៃឈរ ខេត្តកំពង់ចាម ដើម្បីបញ្ជាក់មន្ទិលសង្ស័យដល់មហាជនដែលធ្លាប់តែគាំទ្រនាង ទូទាំងប្រទេសឲ្យដឹងការពិត ដែលបានជួបជាមួយនឹង ជីដូនម្តាយមីងបង្កើត និងបងប្អូនជីដូនបង្កើតរបស់នាង ។</span></p>
<p><span style="color: #000000;">ជាការពិតទោះបីជាថ្មីៗនេះ តារាចម្រៀង ខេមរៈ សិរីមន្ត បានចេញវីដេអូឃ្លីបបកស្រាយជុំវិញស្ថានភាពជំងឺរបស់ ខេមរៈ ស្រីពៅ ដើម្បីបំបាត់ពាក្យចចាមអារាមដែលកំពុងផុសផុលពេញផ្ទៃប្រទេសនេះក្តី ក៏មហាជនទូទៅនៅតែមានចម្ងល់ និងមន្ទិលសង្ស័យឥតដាច់ និងបារម្ភកាន់តែខ្លាំងចំពោះសុខភាពរបស់នាង ខណៈដែលនាងមិនបានចេញមុខបំភ្លឺផ្ទាល់ ដោយខ្លួនឯង ។</span></p>
<p><span style="color: #000000;">ជាក់ស្តែងថ្ងៃនេះភ្នាក់ងារសារព័ត៌មាន Fresh News និងគេហទំព័រ Khmertalking បានចុះមកដល់គេហដ្ឋានរបស់ តារាចម្រៀង ខេមរៈ ស្រីពៅ និងបានជួបជាមួយបងប្អូនដោយអ្នកទាំងអស់គ្នានោះ បានសំដែងការភ្ញាក់ផ្អើលចំពោះ ព័ត៌មានចចាមអារ៉ាមខាងលើ និងបានសំដែងក្តីអាណិតអាសូរចំពោះ ស្រីពៅ ថា មិនគួរណាមានព័ត៌មានបែបនេះលើខ្លួននាងឡើយ។</span></p>
<p><span style="color: #000000;">ម្តាយមីងបង្កើតរបស់ ខេមរៈ ស្រីពៅ គឺអ្នកស្រី ធុច ស្រីនាង បានប្រាប់ដោយផ្ទាល់ថា «ចាទេ! ស្រីពៅ អត់មានឈីអីទេ ខ្ញុំមានអារម្មណ៍ឆ្ងល់ថា ម៉េចក៏មានព័ត៌មានគេនិយាយបំផ្លើសចឹង? ប៉ុន្តែខ្ញុំគិតថា គេចង់និយាយអី ក៏និយាយទៅ ។ ស្រីពៅ ពិតជាឈឺមែន ខ្ញុំអត់ប្រកែកទេ វារលាកបំពង់ក ក្រពះ និងពោះវៀន អត់ស្រួល ណាមួយគ្នាមិនសូវហូបបាយ ផងអូន បើខែនេះរវល់អីចឹងទៀត គឺអត់សូវញាំបាយតែម្តង» ។</span></p>
<p><span style="color: #000000;">ទោះជាយ៉ាងណា ម្តាយមីងរូបនេះបានអះអាងថា ខេមរៈ ស្រីពៅ មិនបាននៅផ្ទះនោះទេ ទោះជាមានរឿងផ្ទុះឡើងលើ រូបនាងក្តី ពោលគឺនាងកំពុងរស់នៅភ្នំពេញ និងចេញចូលទៅកាន់ប្រទេសថៃញឹកញាប់ ដើម្បីព្យាបាលជំងឺរលាកក្រពះ ពោះវៀន និងបំពង់ក ។ </span><br /><span style="color: #000000;">សាច់ញាតិខាងលើបានបញ្ជាក់ទៀតថា ស្ថានភាពជំងឺរលាកក្រពះ ពោះវៀន និងបំពង់ករបស់ ខេមរៈ ស្រីពៅ បានធូរស្រាលច្រើនជាងមុនហើយ និងសូមបដិសេធទាំងស្រុងចំពោះព័ត៌មានថា នាងឈឺធ្ងន់ ហើយអ្នកជិតខាងដែលទម្លាយព័ត៌មាននេះគឺដោយសារភាពច្រណែន។</span></p>
<p><span style="color: #000000;">ទោះបីជាយ៉ាងណា ព័ត៌មាននេះ គឺជាការអះអាងផ្ទាល់របស់សាច់ញាតិនាងនៅឯស្រុកកំណើតតែប៉ុណ្ណោះ ដោយឡែក ទស្សនិកជនដែលធ្លាប់គាំទ្រនាងគ្រប់ មជ្ឈដ្ឋានទាំងអស់នៅតែទទូចចង់ឲ្យនាងចេញមុខបកស្រាយដោយផ្ទាល់ ដើម្បី បង្ហាញការពិតឲ្យសាធារណជនទូទៅដឹងថា «នាងពុំមានជំងឺប្រាកដមែន»៕</span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xfp1/v/t1.0-9/12742693_1561982030782829_5323754609208574828_n.jpg?oh=b0d71132f9f7bae5300af4848fdf6771&oe=5727C73F&__gda__=1465042543_fa057eff70c1ce6439dedf02c79400d9" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/993881_1561982040782828_1285690756372828521_n.jpg?oh=b7b34a8849e3e1629de60dcc8a32e553&oe=576A361D" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xlp1/v/t1.0-9/10308720_1561982044116161_8094324923409697599_n.jpg?oh=b44f24455890e1ec5f0322bd183b1fed&oe=576355D9&__gda__=1462020812_2a046e288e816eba8ca2604af4971386" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/524812_1561982070782825_8692350443258348984_n.jpg?oh=3c590d6ff5cc98e18f12bd657fbc257f&oe=5761A574" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xat1/v/t1.0-9/10933764_1561982177449481_2944288376152512382_n.jpg?oh=50b59a3e3ef845ace77cc058e5476c0f&oe=57596AD8&__gda__=1466903760_8e8ca6cd5f18a8659a31733d05290f1f" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpa1/v/t1.0-9/12111940_1561982517449447_8464873598706618628_n.jpg?oh=65ea36c20744b1a289c5e8c0c5f30da9&oe=575342B8&__gda__=1465623506_512f23c0b31d23fd23269d2904ea6301" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>