<p><span style="color: #000000;"><strong>(ស្ទឹងត្រែង)៖</strong> លោក កែវ រតនៈ អគ្គនាយកអគ្គិសនីកម្ពុជា បានថ្លែងប្រាប់អង្គភាព Fresh News នៅមុននេះបន្តិចថា នាល្ងាចថ្ងៃទី ០២ ខែឧសភា ឆ្នាំ២០១៦នេះ ចរន្តអគ្គិសនីនៅខេត្តស្ទឹងត្រែង ត្រូវបានកាត់ផ្តាច់ទូទាំងខេត្ត ដោយសារខ្យល់ភ្លៀងកន្ត្រាក់រលំដើម ឈើដាច់ខ្សែភ្លើងនៅប្រទេសឡាវ ដែលជាប្រភពតែមួយគត់ផ្គត់ផ្គង់ភ្លើងពីប្រទេសឡាវ មកកាន់ខេត្តស្ទឹងត្រែង។</span></p>
<p><span style="color: #000000;">ប្រមុខអគ្គិសនីកម្ពុជារូបនោះបានបញ្ជាក់ថា ការដាច់ចរន្តអគ្គិសនីនេះអាចអូសបន្លាយទៅដល់ព្រឹកថ្ងៃស្អែក ដោយសារភាគីខាងប្រ ទេសឡាវ មិនទាន់មានជំនាញណាធ្វើការជួសជុលនៅឡើយនោះទេ ដោយការដាច់ខ្សែភ្លើងនេះនៅស្ថិតចំណុចក្បែរព្រំដែនរបស់ ឡាវ។ </span></p>
<p><span style="color: #000000;">ពាក់ព័ន្ធនឹងបញ្ហានេះលោក កែវ រតនៈ បានបន្តទៀតថា ការដាច់ចរន្តអគ្គិសនីទូទាំងខេត្តស្ទឹងត្រែងនេះ ដោយសារស្ទឹងត្រែងទាំង មូលទទួលបណ្តាញចរន្តអគ្គិសនីតែមួយគត់ ពីប្រទេសឡាវ ហើយខេត្តស្ទឹងត្រែងមិនទាន់តភ្ជាប់បណ្តាញ អគ្គិសនីរបស់ជាតិនោះទេ នៅពេលបច្ចុប្បន្ន។</span></p>
<p><span style="color: #000000;">ប្រមុខអគ្គិសនីកម្ពុជា លោក រតនៈ បានអះអាងថា បច្ចុប្បន្ននេះរាជរដ្ឋាភិបាល បាននឹងកំពុងសាងសង់បណ្តាញតភ្ជាប់ពីខេត្តក្រចេះ ទៅស្ទឹងត្រែង ដើម្បីឲ្យខេត្តស្ទឹងត្រែង អាចមានចរន្តអគ្គិសនីប្រើប្រាស់បណ្តាញជាតិ ហើយការតភ្ជាប់បណ្តាញជាតិនេះ អាចនឹង រួចរាល់នៅឆ្នាំក្រោយ។</span></p>
<p><span style="color: #000000;">សូមបញ្ជាក់ថា នៅពេលនេះអគ្គិសនីនៅខេត្តស្ទឹងត្រែងទាំងមូល ត្រូវបានកាត់ផ្តាច់ទូទាំងខេត្ត ហើយអាចអូសបន្លាយរហូតដល់ព្រឹក ថ្ងៃស្អែក៕</span></p>
<p> </p>
<p><img src="http://image.freshnewsasia.com/2016/ID-020/I/fn-2016-05-02-19-24-24-1.jpg" alt="" width="730" /></p>
<p><img src="http://image.freshnewsasia.com/2016/ID-020/I/fn-2016-05-02-19-24-24-2.jpg" alt="" width="730" /></p>
<p><img src="http://image.freshnewsasia.com/2016/ID-020/I/fn-2016-05-02-19-24-24-3.jpg" alt="" width="730" /></p>
<p><img src="http://image.freshnewsasia.com/2016/ID-020/I/fn-2016-05-02-19-24-25-4.jpg" alt="" width="730" /></p>
<p><img src="http://image.freshnewsasia.com/2016/ID-020/I/fn-2016-05-02-19-24-25-5.jpg" alt="" width="730" /></p>
<p><img src="http://image.freshnewsasia.com/2016/ID-020/I/fn-2016-05-02-19-24-25-6.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>