<p><span style="font-size: 12px; color: #000000;">បុរសម្នាក់ បានត្រឡប់មកផ្សារទំនើប ដែលគាត់បានលួចស្ករសូកូឡាពីរដុំកាលពី ៤០ ឆ្នាំមុនដើម្បីសុំ ទោស និងសងលុយ ៥ ផោនសម្រាប់ស្ករសូកូឡានោះ។</span></p>
<p><span style="color: #000000;">បុរសចម្លែក ដែលបានសារភាពថាខ្លួន បានលួចស្ករសូកូឡា ពីផ្សារទំនើប Woolworths កាលពីឆ្នាំ ១៩៧៥ បានប្រគល់សំបុត្រមួយច្បាប់ ទៅអ្នកគ្រប់គ្រងផ្សារទំនើប Belle Vale នៅទីក្រុង Liverpool កាលពីសប្ដាហ៍មុននេះ។</span></p>
<p><span style="color: #000000;">នៅក្នុងសំបុត្រ មានក្រដាសប្រាក់ ៥ ផោន អមជាមួយនឹងលិខិតមួយច្បាប់ ដែលបរិយាយពីទោសកំហុស ដែលគាត់បានប្រព្រឹត្ដ កាលពីប៉ុន្មានទស្សវត្ដរ៍កន្លងទៅ។ នៅក្នុងលិខិតនោះសរសេរថា៖”ខ្ញុំបានលួចស្ករសូកូឡាពីរដុំពីផ្សារទំនើប Woolworths នៅក្នុងផ្សារទំនើបរបស់អ្នកកាលពីឆ្នាំ ១៩៧៥ នៅពេលខ្ញុំនៅក្មេងតូចនៅឡើយ។ ខ្ញុំសុំទោស ខ្ញុំគ្មានការយល់ដឹងទេនៅវ័យនោះ ហើយនេះជាប្រាក់ ដែលខ្ញុំជំពាក់ថ្លៃស្ករសូកូឡានោះ”។</span></p>
<p><a class="thickbox" title="" href="/FileManager/Commons/2018/7/16/21-16-07-2018--11-24-34.PNG"><img src="/FileManager/Articles/mce/2018/7/16/21-16-07-2018--11-24-34.PNG" alt="" /></a></p>
<p><span style="color: #000000;">ខណៈ ដែលផ្សារទំនើប Woolworths បានបិទអាជីវកម្មហើយនោះ ផ្សារទំនើបខាងលើ នឹងបរិច្ចាគលុយ ៥ ផោននោះ ទៅឱ្យអង្គការទារកដ្ឋាន Zoe’s Place។ អ្នកនាំពាក្យម្នាក់ បាននិយាយថា៖” វាជារឿងអស្ចារ្យខ្លាំងណាស់ ដែលបានឃើញទង្វើស្លូតត្រង់ និងសប្បុរស ដែលស្ដារនូវទំនុកចិត្ដនៅក្នុងមនុស្សជាតិ”។</span></p>
<p><span style="color: #000000;">ផ្សារទំនើបខាងលើ ចង់អរគុណ ចំពោះអ្នកដែលបានផ្ញើលិខិតមក ហើយព្រមទទួលនូវការសុំអភ័យទោសរបស់គាត់។ វាជាសារវិជ្ជមានមួយ ដែលមានតម្លៃចែករំលែក ដើម្បីលើកទឹកចិត្ដមនុស្សគ្រប់គ្នាឱ្យមានចិត្ដស្លូតត្រង់ និងសប្បុរស ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/16/mekongnet-16-07-2018--11-11-28.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ metro.co.uk</span></p>