<p><span style="color: #000000;"><strong>ភ្នំពេញ ៖</strong> ក្រោយពី ម៉ៅ ហាជី ដែលមិនបានលើកពាន Cambodia idol នារដូវកាលទី១ រួចមកនោះ នាយករដ្ឋ មន្រ្តីកម្ពុជា សម្តេចតេជោ ហ៊ុន សែន នៅរសៀលថ្ងៃទី១៧ ខែវិច្ឆិកា ឆ្នាំ២០១៥ បានថ្លែងឲ្យដឹងថា បេក្ខជនរូបនេះ គឺជា idol របស់សម្តេចផ្ទាល់តែម្តង ។</span></p>
<p><span style="color: #000000;">ការថ្លែងបញ្ជាក់ របស់សម្តេចនាពេលនេះ ធ្វើឡើង នៅក្នុងឱកាស សម្តេចធ្វើជាអធិបតីភាព ទទួលកីឡាការិនី កែ ឡេង ម្ចាស់មេដាយប៉េតង់ពិភពលោក នាវិមានសន្តិភាព ដែលមានការផ្សាយបន្តផ្ទាល់ តាមបណ្តាញទំនាក់ទំនង សង្គមហ្វេសប៊ុកសម្តេច ។</span></p>
<p><span style="color: #000000;">សម្តេចបានបញ្ជាក់ថា “ខ្ញុំគាំទ្រ ម៉ៅ ហាជី បេក្ខជនមកពីខេត្តបាត់ដំបង ប៉ុន្តែជាលទ្ធផលគឺមិនត្រូវចិត្តទៅវិញ”។</span></p>
<p><span style="color: #000000;">សូមបញ្ជាក់ថា ការប្រឡងចម្រៀង Cambodia idol ជាលក្ខណៈពិភពលោកនៅកម្ពុជានារដូវកាលទី១ បានធ្វើ ឡើងរយៈពេល៦ខែ ហើយបានបញ្ចប់កាលពីប៉ុន្មានសប្តាហ៍មុន ហើយថ្ងៃចម្រុះនៅសល់បេក្ខជន៣រូប គឺមាន ម៉ៅ ហាជី , សៅ ឧត្តម និងនី រតនា ប៉ុន្តែជាលទ្ធផលបេក្ខជន នី រតនា មកពីខេត្តកំពង់ធំ បានលើកពាន ក្នុងចំណោម ពួកគេទាំង៣រូប ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/17/11-17-2015-4-53-03-pm-17-11-2015--17-00-55.png"><span style="color: #000000;"><img src="/FileManager/Articles/mce/2015/11/17/11-17-2015-4-53-03-pm-17-11-2015--17-00-55.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/17/11-17-2015-4-55-03-pm-17-11-2015--17-02-02.png"><span style="color: #000000;"><img src="/FileManager/Articles/mce/2015/11/17/11-17-2015-4-55-03-pm-17-11-2015--17-02-02.png" alt="" /></span></a></span></p>
<p style="text-align: right;">ផ្ដល់សិទ្ធដោយ៖ ដើមអម្ពិល<span style="color: #000000;"><a class="thickbox" title="" href="/FileManager/Commons/2015/11/17/11-17-2015-4-55-03-pm-17-11-2015--17-02-02.png"></a></span></p>