<div class="item-page">
<p><span style="color: #000000;"><strong>(ភ្នំពេញ)៖</strong> ក្រុមបាល់ទាត់តំណាងប្រទេសកម្ពុជា បឹងកេតអង្គរ នឹងធ្វើការប្រកួតបើកឆាកពានរង្វាន់ BTV Cup 2016 នាវេលាម៉ោង៦ល្ងាចថ្ងៃទី០២ ខែធ្នូនេះហើយ ដោយត្រូវជួបប្រកួតជាមួយក្រុមម្ចាស់ផ្ទះ Becamex Bing Doung នៅលើទីលានពហុកីឡដ្ឋាន Binh Doung នៃប្រទេសវៀតណាម។</span></p>
<p><span style="color: #000000;">នេះជាលើកទី២ហើយ ដែលក្រុមជើងឯកលីគកំពូលកម្ពុជា និងអតីតក្រុមជើងឯកលីគកំពូលវៀតណាមខាងលើ មានឱកាសជួបគ្នា ខណៈជួបលើកទី១ នៅលើទឹកដីវៀតណាម កាលពីចុងឆ្នាំ២០១៥កន្លងទៅ គឺក្រុមបឹងកេតអង្គរ បានយកឈ្នះក្រុម Becamex Bing Doung ដោយលទ្ធផល ៣-២ នៅក្នុងជំនួបវគ្គពាក់កណ្ដាលផ្ដាច់ព្រ័ត្រនៃពាន TOYOTA Mekong Cup 2015។</span></p>
<p><span style="color: #000000;">ដោយហេតុនេះ ចាំមើលជំនួបល្ងាចនេះ ក្រុមបឹងកេត អាចបន្ដយកឈ្នះក្រុមខ្លាំងវៀតណាមនេះបានដូចឆ្នាំមុនឬទេ? លោក ប្រាក់ សុវណ្ណារ៉ា គ្រូបង្វឹកក្រុមបឹងកេតអង្គរ បានឲ្យមុនចេញដំណើរថា លោកនឹងមិនលាក់ជើងកីឡាករឡើយ ពោលគឺត្រូវប្រើប្រាស់ធនធានកីឡាករល្អៗទាំងអស់ ដើម្បីស្វែងរកជ័យជម្នះ និងកិត្តិយសជូនជាតិ ពិសេសក្នុងជំនួបជាមួយក្រុម Becamex Bing Doung ថ្ងៃបើកឆាកតែម្ដង។</span></p>
<p><span style="color: #000000;">គួរបញ្ជាក់ថា បេសកកម្មលើកនេះ គឺក្រុមបឹងកេតអ្គរ ស្ថិតក្នុងពូល A ជាមួយក្រុមម្ចាស់ផ្ទះវៀតណាម ២ក្រុម និងក្រុមមកពីសាធារណៈរដ្ឋកូរ៉េ ១ក្រុម ខណៈការប្រកួតសន្សំពិន្ទុតាមពូលគ្រោងនឹងចាប់ផ្ដើមជាផ្លូវការ ចាប់ពីថ្ងៃទី០២ ដល់ថ្ងៃទី០៦ ខែធ្នូខាងមុខនេះ ប៉ុន្ដែបើសិនបឹងកេត អាចឆ្លងផុតទៅវគ្គបន្ដ នោះការប្រកួតនៅតែបន្ដ ដោយកាលបរិច្ឆេទគណៈកម្មការរៀបចំការប្រកួតនឹងកំណត់ពេលក្រោយ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-02-09-20-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-02-09-20-09-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-02-09-20-09-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-02-09-20-09-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
<div></div>
</div>