<p><span style="color: #000000;"><strong>(ភ្នំពេញ)៖</strong> លោក John Kerry រដ្ឋមន្រ្តី ក្រសួងការបរទេស សហរដ្ឋអាមេរិក នឹងបំពេញទស្សនកិច្ច នៅរាជធានីភ្នំពេញ ប្រទេសកម្ពុជា នៅថ្ងៃទី២៦ ខែមករា ឆ្នាំ២០១៦ ដើម្បីជួបជាមួយសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និងឧបនាយករដ្ឋមន្រ្តី ហោ ណាំហុង រដ្ឋមន្រ្តី ក្រសួងការបរទេសកម្ពុជា នេះបើយោងតាមសេចក្តីប្រកាស របស់ក្រសួងការបរទេស សហរដ្ឋអាមេរិក ចេញផ្សាយនៅថ្ងៃទី១៥ ខែមករា ឆ្នាំ២០១៦នេះ។</span></p>
<p><span style="color: #000000;">នៅក្នុងដំណើរបំពេញទស្សនកិច្ចរបស់ លោក John Kerry រដ្ឋមន្រ្តី ក្រសួងការបរទេស សហរដ្ឋអាមេរិក មកកម្ពុជា ក្នុងគោលបំណងដើម្បីពិភាក្សាពិសេស អំពីកិច្ចប្រជុំកំពូលអាស៊ាន អាមេរិក នាពេលខាងមុខ ក្នុងទីក្រុង Sunnylands រដ្ឋ California និងដើម្បីពង្រឹងការងារទ្វេភាគី និងកិច្ចសហប្រតិបត្តិការ ព្រមទាំងទំនាក់ទំនងសេដ្ឋកិច្ចទ្វេភាគី។</span></p>
<p><span style="color: #000000;">នៅក្នុងសេចក្តីប្រកាសបានឲ្យដឹងទៀតថា៖ លោក John Kerry នឹងទៅបំពេញនៅប្រទេសស្វីស នៅថ្ងៃទី២០-២២ ខែមករា, ថ្ងៃទី២៣ ខែមករា ទៅកាន់ប្រទេស Saudi Arabia និងថ្ងៃទី២៥ ខែមករា ទៅកាន់ប្រទេសឡាវ, ថ្ងៃទី២៦ ខែមករា មកកម្ពុជា និងទី២៧ ខែមករា ទៅកាន់ប្រទេសចិន៕</span></p>
<p><span style="color: #000000;">សូមបញ្ជាក់ថា លោក បារ៉ាក អូបាម៉ា ក៏បានអញ្ជើញសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ទៅចូលរួមកិច្ចប្រជុំកំពូលអាមេរិក-អាស៊ាន នៅរដ្ឋកាលីហ្វញ៉ា សហរដ្ឋអាមេរិក រយៈពេល ២ថ្ងៃ នៅថ្ងៃទី១៥-១៦ ខែកុម្ភៈ ឆ្នាំ២០១៦ផងដែរ៕</span></p>
<p style="text-align: center;"><span style="color: #000000;"><img src="http://i.telegraph.co.uk/multimedia/archive/02843/John_Kerry__Ukrain_2843912b.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xfp1/v/t1.0-9/12552609_1546113782369654_4856327643934580319_n.jpg?oh=b0121c5312119a42f07a995e91e85135&oe=57068D78&__gda__=1460192296_a84a633c9dec47cdc77bc7a03144eb2a" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>