<p><span style="color: #000000;"><strong>(ភ្នំពេញ)៖</strong> បុរសម្នាក់បានរងរបួសធ្លាយភ្លៅខាងឆ្វេង ខណ:កំពុងអង្គុយហូបបាយនៅមុខផ្ទះ ស្រាប់តែមានជនមិនស្គាល់មុខ២នាក់ជិះម៉ូតូ Scoopi ពណ៌សមួយគ្រឿងមិនចាំស្លាកលេខនិងប្រើកាំភ្លើងខ្លីមួយដើម បានបាញ់ប្រហារចំនួន៣គ្រាប់ រួចបើកម៉ូតូគេចខ្លួនបាត់។</span></p>
<p><span style="color: #000000;">ហេតុការណ៍បាញ់ប្រហារនេះ បានកើតឡើងនាម៉ោង៨៖០០នាទីយប់ថ្ងៃទី៤ ខែមិថុនា ឆ្នាំ២០១៦ ស្ថិតនៅលើផ្លូវរថភ្លើង ត្រង់ភូមិកាកាប សង្កាត់កាកាប ខណ្ឌពោធិ៍សែនជ័យ ដែលករណីនេះ ត្រូវសមត្ថកិច្ចសន្និដ្ឋានបឋមថា អាចផ្តើមចេញពីរឿងគំនុំ។</span></p>
<p><span style="color: #000000;">សាច់ញាតិបានប្រាប់ថា ជនរងគ្រោះឈ្មោះ សុខចិនអាយុ៣៨ឆ្នាំមុខរបរកម្មករ ស្នាក់នៅភូមិឃុំកើតហេតុខាងលើ។</span></p>
<p><span style="color: #000000;">សាច់ញាតិបានបន្តទៀតថា មុនកើតហេតុ ជនរងគ្រោះកំពុងតែអង្គុយហូបបាយ ជុំគ្នាជាមួយបងប្អូន៣ទៅ៤នាក់នៅមុខផ្ទះ លុះកំពុងតែអង្គុយហូប ក៏មិនដឹងជាមានរឿងអីកើតឡើងនោះទេស្រាប់តែឃើញ ខ្មាន់កាំភ្លើង២នាក់ដែលមិនស្គាល់មុខ និងមានជិះម៉ូតូ Scoopi មួយគ្រឿងមកផងនោះ បានឈប់ នៅលើផ្លូវរថភ្លើង ត្រង់មុខផ្ទះជនរងគ្រោះ ហើយស្រែកឡូឡានិងជេរគេជេរឯងមិនដឹងជាខឹង អ្នកណានោះទេ បន្ទាប់ពីជេរហើយខ្មាន់កាំភ្លើងទាំង២នាក់ ក៏បានដកកាំភ្លើងខ្លីចេញពីចង្កេះហើយបាញ់សំដៅមករកជនរងគ្រោះ ចំនួន៣គ្រាប់ តែសំណាងល្អជនរងគ្រោះ ត្រូវតែ១គ្រាប់គឺធ្លាយភ្លៅខាងឆ្វេង បណ្តាលឲ្យរងរបួសធ្ងន់។</span></p>
<p><span style="color: #000000;">ក្រោយបាញ់រួច ខ្មាន់កាំភ្លើងទាំង២នាក់ បានជិះម៉ូតូ គេចចេញពីកន្លែងកើតហេតុបាត់ស្រមោល ចំណែកជនរងគ្រោះ ដែលរងរបួសធ្ងន់ ត្រូវបានសាច់ញាតិដឹកយកមកសង្គ្រោះបន្ទាន់នៅមន្ទីរពេទ្យ លោកសង្ឃ៕</span></p>
<p><span style="color: #000000;"><br /></span></p>
<p><img src="http://image.freshnewsasia.com/2016/019/05/fn-2016-06-04-21-08-14-0.jpg" alt="" width="730" /></p>
<p><img src="http://image.freshnewsasia.com/2016/019/05/fn-2016-06-04-21-08-14-1.jpg" alt="" width="730" /></p>
<p><img src="http://image.freshnewsasia.com/2016/019/05/fn-2016-06-04-21-08-14-2.jpg" alt="" width="730" /></p>
<p><img src="http://image.freshnewsasia.com/2016/019/05/fn-2016-06-04-21-08-15-3.jpg" alt="" width="730" /></p>
<p><img src="http://image.freshnewsasia.com/2016/019/05/fn-2016-06-04-21-08-15-4.jpg" alt="" width="730" /></p>
<p><img src="http://image.freshnewsasia.com/2016/019/05/fn-2016-06-04-21-08-15-5.jpg" alt="" width="730" /></p>
<p><br /><br /></p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F560598524111943%2F&show_text=0&width=560" frameborder="0" width="500" height="315"></iframe></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>