<p><span style="color: #000000;"><strong>(ភ្នំពេញ)៖</strong> ជនរងគ្រោះម្នាក់បានស្លាប់ បន្ទាប់ពីសាច់ញាតិបញ្ជួនមកសង្គ្រោះ នៅមន្ទីរពេទ្យលោកសង្ឃ ក្រោយពីមានជនសង្ស័យមួយក្រុម ធ្វើសកម្មភាពវាយប្លន់ បណ្តាលឲរងរបួសក្បាលធ្ងន់ធ្ងរ នៅយប់ថ្ងៃទី១៣ នែមេសាឆ្នាំ ២០១៦ នេះ ដែលស្ថិតនៅចំនុចភូមិទំនប់ សង្កាត់ភ្នំពេញថ្មី ខណ្ឌសែនសុខ។</span></p>
<p><span style="color: #000000;">បើតាមមន្ត្រីអាវុធមួយរូបសុំមិន បញ្ចេញឈ្មោះបានប្រាប់ថា មុនកើតហេតុ ជនរងគ្រោះបានត្រឡប់មកពីដើរលេង លុះមកដល់មុខផ្ទះបានឈប់ម៉ូតូចាក់សោទ្វារ ដើម្បីចូលផ្ទះតែមិនទាន់បានចាក់សោចូលផង ក៏ត្រូវបានជនសង្ស័យមកពីក្រោយ វាយក្បាលជនរងគ្រោះ ប្លន់យកកាបូបលុយ របស់ជនរងគ្រោះទៅបាត់ បន្សល់ទុកជនរងគ្រោះ ដែលរងរបួសឲ្យដេកដួល ក្នុងថ្លុកឈាមយ៉ាងអណោចអធ័ម។</span></p>
<p><span style="color: #000000;">បន្ទាប់មកជនរងគ្រោះត្រូវបានសាច់ញាតិ ដឹកយកទៅសង្គ្រោះនៅមន្ទីរពេទ្យលោកសង្ឃ តែជាអកុសលជនរងគ្រោះ រងរបួសក្បាលធ្ងន់ធ្ងរពេក បានដាច់ខ្យល់ស្លាប់ ចោលក្រុមគ្រួសារ ទាំងក្តីអាល័យជាពន់ពេក។</span></p>
<p><span style="color: #000000;">ជាមួយគ្នានេះ នៅម៉ោងប្រមាណជា ១៖៥០នាទីយប់ ថ្ងៃទី១១ ខែមេសា ឆ្នាំ២០១៦ ថ្មីៗនេះ នៅក្នុងប្លុកបឹងឈូក ក៏មានករណីជនសង្ស័យ២នាក់បងប្អូន បានបាញ់ប្រហារទៅលើយុវជនម្នាក់ ជាច្រើនគ្រាប់ បណ្តាលឲ្យរងរបួសធ្លាយពីខ្នងទៅពោះធ្ងន់ធ្ងរផងដែរ ហើយការបាញ់ប្រហារនេះ ស្ថិតនៅមុខផ្ទះបើកហ្គេមបាញ់ត្រី ក្នុងប្លុកបឹងឈូក៕</span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xta1/v/t1.0-9/12998531_1587743978206634_3187819430820343398_n.jpg?oh=080e2f8bf6d8cd17edd386d25ccbb7e9&oe=57B09A81" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/13010887_1587743974873301_5307339783295369768_n.jpg?oh=246a2e0d7087da0599bae9f86b3d256c&oe=57AEC94D" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;"><strong>ផ្តល់សិទ្ធដោយ ៖ ហ្វ្រេសញូវអាស៊ី</strong></span></p>
</div>
<div class="detail_bottom_function">
<div class="facebook_like"></div>
</div>