<p><span style="color: #000000;"><strong>(ក្រុងឡុងដ៍)៖</strong> ក្រុមបិសាចក្រហម Manchester United បានកំពុងតែរៀបជើងព្រួល ដើម្បីប្រយុទ្ធមក៣ពិន្ទុនៅក្នុង ទឹកដីរបស់ក្រុមញញួរធំយប់នេះក្នុង Premier League បញ្ចប់សប្តាហ៍ទី៣៧ ដោយបានដាក់សុទ្ធតែកីឡាករខ្លាំងៗ ក្នុងជម្រើស ១១នាក់ដំបូង ។</span></p>
<p><span style="color: #000000;">តាមរយៈសារព័ត៌មាន Marca បានឲ្យដឹងថា កីឡាករវ័យទើបតែ ១៨ឆ្នាំ Marcus Rashford ត្រូវចាប់ដៃគូជាមួយ ប្រធានក្រុម Wayne Rooney ក្នុងតំណែងជាកីឡាករប្រយុទ្ធជួរមុខ ដើម្បីបំបែកហ្វូងការពារ និងបំប៉ោងសំណាញ់ទី West Ham ខណៈដែលតំបន់បម្រើមានមិត្តរួមក្រុម Michael Carrick, Juan Mata, Ander Herrera, Memphis Depay និង Jese Lingard ។</span></p>
<p><span style="color: #000000;">ទន្ទឹមនឹងនោះដែរគ្រូបង្វឹក Louis van Gaal ក៏បានដាក់ខ្សែការពាររឹងមាំ៤នាក់ផងដែរ ដើម្បីជួបការពារអ្នកចាំទីអេស្ប៉ាញ David de Gea រួមមាន Valencia, Marcos Rojo, Chris Smalling និង Cameron ក្នុងការរាំងពីការស៊ុត បញ្ចូលទីពីសំណាក់កីឡាករដ៏មានឥទ្ធិពលរបស់ West Ham គឹ Andy Carroll, Dimitri Payet និង Victor Moses នៅកីឡដ្ឋាន Upton Park នាម៉ោង ១៖៤៥នាទីរំលងអាធ្រាត្រនេះ (ម៉ោងនៅកម្ពុជា) ។</span></p>
<p><span style="color: #000000;">ប្រវត្តិជួបគ្នា៤ប្រកួតចុងក្រោយនេះ Man Utd លេងឈ្នះ West Ham តែម្តងគត់ តែមិនដែលចាញ់ទេ និងស្មើ៣ដង ហើយកាលពីជួបគ្នាក្នុងជើងទី១ នៅកីឡដ្ឋាន Old Trafford បិសាចក្រហម លេងបានត្រឹមស្មើ ០-០ ប៉ុណ្ណោះ ។ កាលពីសប្តាហ៍មុន គ្រូបង្វឹកជនជាតិហូឡង់លោក Van Gaal ដឹកនាំ Man Utd ឈ្នះម្ចាស់ផ្ទះ Norwich City ត្រឹមតែ ១-០ ប៉ុណ្ណោះ គ្រាដែល West Ham បានបរាជ័យ ៤-១ ក្នុងផ្ទះខ្លួនឯងក្រោមថ្ចីជើងរបស់ Swansea City ។</span></p>
<p><span style="color: #000000;">៣ពិន្ទុរាត្រីនេះ សំខាន់ណាស់សម្រាប់ Man Utd ដើម្បីឡើងទៅកាន់តំណែងលេខ៤ ក្នុងតារាងរុញច្រាន Manchester City ធ្លាក់មកលេខ៤វិញ តែលទ្ធផលចេញមកស្មើ ឬក៏ចាញ់នៅបន្តឈរលេខ៥ដដែល ដែលបានក្លាយជាក្រុមកំពុង ដណ្តើមកៅអីលេងពានធំ UEFA Champions League រដូវកាលក្រោយដូចៗគ្នា ក្នុងចំណោមក្រុម Man City និង Arsenal ខណៈដែលនៅសល់១ប្រកួតដូចគ្នា ៕</span></p>
<p><span style="color: #000000;"><img src="http://cdn-football365.365.co.za/wp-content/uploads/2015/11/13093407/Wayne-Rooney-Memphis-Depay-JUan-Mata-700x367.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/03/20/17/3265814300000578-3501583-image-m-21_1458495411635.jpg" alt="" width="730" /></span></p>
<p><span style="color: #000000;"><img src="http://static.standard.co.uk/s3fs-public/styles/article_large/public/thumbnails/image/2016/04/12/06/dimitripayetandycarroll1204.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>