<p><span style="color: #000000;"><strong>(ភ្នំពេញ)៖</strong> <strong>វិដេអូឃ្លីបដែលមានរយៈពេលប្រមាណ១នាទី៣៦វិនាទី បានបង្ហាញពីឧត្តមសេនីយ៍មួយ បានទូរស័ព្ទអន្តរាគមន៍ទៅស្នងការរងក្រុងមួយរូប ក្រោយពីនគរបាលចរាចរណ៍ ចាប់ផាកពិន័យនៅតាមដងផ្លូវសាធារណៈ។</strong> (សូមមើលវិដេអូឃ្លីបនៅខាងក្រោម)៖</span></p>
<p><span style="color: #000000;">សម្តេចតេជោ ហ៊ុន សែន បានព្រមានដកឋានៈ និងឋានន្តរសក្តិ ឧត្តមសេនីយ៍ផ្កាយ៣មួយរូប ពាក់ព័ន្ធនឹងរឿងដកបញ្ឈរជើង មន្រ្តីនគរបាលចរាចរណ៍ ដែលផាកពិន័យចំឡានរបស់ខ្លួន។ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបង្ហាញការព្រមាននៅលើ Facebook យ៉ាងដូច្នេះថា៖</span></p>
<p><span style="color: #000000;"><strong>«ប្រសិននេះជារឿងពិត ខ្ញុំនឹងប្រើប្រាស់អំណាចខ្ញុំជានាយករដ្ឋមន្ត្រី ដើម្បីដកឋានះ និងស្នើរសុំព្រះមហាក្សត្រដកឋានន្តរសក្តិ និងបណ្តេញចេញពីក្របខ័ណ្ឌ នគរបាលជាតិតែម្តង។ ពេលនេះស្ថិតក្នុងដំណាក់ការស្រាវជ្រាវនៅឡើយ»។</strong></span></p>
<p><span style="color: #000000;">ការចេញសារព្រមានដកឧត្តមសេនីយ៍ផ្កាយ៣មួយរូបនោះ ធ្វើឡើងបន្ទាប់មន្ដ្រីនគរបាលចរាចរណ៍ម្នាក់ បានសុំកិច្ចអន្ដរាគមន៍ពីសម្ដេចក្រឡាហោ ស ខេង រដ្ឋមន្ដ្រីក្រសួងមហាផ្ទៃ ដោយសារតែអង្គភាពរបស់ខ្លួនដកបញ្ឈជើង ក្រោយពីមន្ដ្រីនគរបាលចរាចរណ៍រូបនេះ បានផាកពិន័យរថយន្ដ ដែលបើកបរមិន គោរពភ្លើងសញ្ញា ប៉ះចំរថយន្ដលោឧត្តមសេនីយ៍ពាក់ផ្កាយ៣ម្នាក់ ដែលត្រូវគេទម្លាយថា គឺលោក ម៉ម ស្រ៊ីវណ្ណា អគ្គនាយករង នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ។ នេះបើយោងតាមគណនីយ Facebook មួយឈ្មោះ សុវណ្ណ រីហ្គេន ដែលបានបង្ហោះនៅថ្ងៃទី២៩ ខែមិថុនា ឆ្នាំ២០១៦នេះ។</span></p>
<p><span style="color: #000000;">សូមមើលវិដេអូខាងក្រោម៖</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F571770339661428%2F&show_text=0&width=600" frameborder="0" width="600" height="1100"></iframe></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>