<div class="item-page">
<p><span style="color: #000000;"><strong>(ក្រចេះ)៖</strong> រថយន្តយីឌុបដឹកដំឡូងមីស្ងួតមួយគ្រឿង ដែលផ្ទុកទម្ងន់ជិត៤០តោន បានក្រឡាប់ធ្លាក់ពីលើសាឡាងចូលទន្លេ តែសំណាងល្អ អ្នកបើកបររថយន្ត បានរួចផុតពីគ្រោះថ្នាក់។</span></p>
<p><span style="color: #000000;">ហេតុការណ៍នេះបានកើតឡើងកាល ពីវេលាម៉ោង១៣៖១៥នាទី រសៀលថ្ងៃទី០៤ ខែឧសភា ឆ្នាំ២០១៦ នៅលើដ-ចម្លង (ឆ្លូង-កំពង់គរ) ស្ថិតនៅត្រើយខាងលិចនៃទន្លេមេគង្គ ក្នុងឃុំកំពង់គរ ស្រុកព្រែកប្រសព្វ ខេត្តក្រចេះ បង្កឲ្យមានការភ្ញាក់ផ្អើលដល់ប្រជាពលរដ្ឋ។អ្នកបើកបរ រថយន្តឈ្មោះ សឹង ស៊ីថា ភេទប្រុស អាយុ៤២ឆ្នាំ រស់នៅឃុំដីដុះ ស្រុកព្រែកប្រសព្វ បើកបររថយន្តពាក់ស្លាកលេខ កំពង់ចាម 3A-4344។</span></p>
<p><span style="color: #000000;">លោក បានប្រាប់ Fresh News ថា នៅមុនពេលហេតុការណ៍នេះ បានកើតឡើង ខណៈដែលលោកជាអ្នក បើករថយន្តផ្ទាល់បានបើក រថយន្តឡើងលើសាឡាង ដោយខាងក្បាលរថយន្តឡើងទៅមុន ហើយមានកម្មករម្នាក់ ឈរចាំស៊ីញ៉ូដៃពីមុខរថយន្តឲ្យរថយន្តរបស់លោក ឡើងលើសាឡាងនោះ។ ប៉ុន្តែរថយន្តឡើងមិនទាន់បាន ពាក់កណ្ដាលសាឡាងផង ស្រាប់តែសាឡាងនោះ ផ្អៀងទៅមួយចំហៀង បណ្ដាលឲ្យរថយន្តរបស់លោកក្រឡាប់ធ្លាក់ទឹកទន្លេតែម្ដង ចំណែករូបលោក ឃើញសភាពដូច្នេះ ក៏លោតចេញពីរថយន្តនោះភ្លាម។ </span><br /><span style="color: #000000;">លោកបានបន្តថា រថយន្តរបស់លោក ដឹកដំឡូងមីស្ងួត ផ្ទុកទម្ងន់មានចំនួនជិត៤០តោន ឆ្លងតាមសាឡាងនេះសឹងថា រាល់ថ្ងៃទាំងថ្ងៃ ទាំងយប់ ដោយឆ្លងទៅមកម្ដង ម្ចាស់ដ-ចម្លងគេយកតម្លៃ២៣ម៉ឺនរៀល។</span></p>
<p><span style="color: #000000;">លោក សឹង ស៊ីថា បានបញ្ជាក់ថា មូលហេតុដែលបណ្ដាលឲ្យ រថយន្តលោកក្រឡាប់បែបនេះ គឺបណ្ដាលមលពីការធ្វេសប្រហែសរបស់ ម្ចាស់ដ និងអ្នកគ្រប់គ្រងនៅលើនោះ ទើបបណ្ដាលឲ្យមានរឿង យ៉ាងដូច្នេះ។ ចំណែកឯកម្មករដែលធ្វើការនៅលើសាឡាងនោះវិញ បានឲ្យដឹងថា នៅពេលដែលឃើញរថយន្តដឹកដំឡូងមីនោះរៀបឡើង លើសសាឡាង រូបគេបានឲ្យប្រជាពលរដ្ឋដែលនៅលើសាឡាង នោះអែបទៅម្ខាង ដោយដឹងថា រថយន្តដឹកដំឡូងមីនោះធ្ងន់ ហើយក៏ឲ្យរថយន្តនោះឡើងមកតិចៗ។ ស្រាប់តែរថយន្តឡើងមកយ៉ាងលឿន ហើយពេលនោះសាឡាងក៏ផ្អៀង ពេលនោះរថយន្តនោះក៏ឈប់ស្ងៀម។ ក្រោយមកទៀត អ្នកបើកបររថយន្តនោះក៏បានបើកថយក្រោយ ធ្វើឲ្យសាឡាងនោះផ្អៀងកាន់តែខ្លាំងបណ្ដាលឲ្យរថយន្តដឹកដំឡូងនោះក្រឡាប់ធ្លាក់ចូលទន្លេតែម្ដងទៅ នេះបើតាមការលើកឡើងរបស់ កម្មករ ដែលធ្វើការនៅលើសាឡាងនោះ។</span></p>
<p><span style="color: #000000;">ជាមួយគ្នានោះដែរ លោក ម៉ាត់ ហ៊ីម ដែលជាម្ចាស់ដ-ចម្លង បានចេញមុខមកធ្វើការអន្តរាគមន៍ ដោយស្រែកប្រាប់មហាជនថា ដ-ចម្លង របស់លោក គឺជាអ្នកត្រូវ ចំណែកឯភាគីខាងរថយន្ត គឺជាអ្នកខុស ទើបរថយន្តធ្លាក់ចូលទន្លេបែបនេះ មិនមែនជាកំហុសរបស់ដ-ចម្លង របស់លោកឡើយ ដូច្នេះហើយសូមអ្នកយកព័ត៌មានទាំងអស់មេត្តាជួយផ្សាយឲ្យបានត្រឹមត្រូវផង ព្រោះដ-របស់លោកមិនបានខុសទេ។ តែទោះជាយ៉ាងណាក្ដី ប្រភពពីប្រជាពលដ្ឋដែលរស់នៅឃុំកំពង់គរ ស្រុកព្រែកប្រសព្វ បានឲ្យដឹងថា ពួកគាត់មិនពេញចិត្តជាខ្លាំងចំពោះ ឥរិយាបថរបស់លោក ម៉ាត់ ហ៊ីម ដែលជាម្ចាស់ដចម្លងខាងលើនេះ និងកូនចៅរបស់លោកនាពេលកន្លមក ដែលធ្វើឲ្យប្រជាពលរដ្ឋ កើតមានការមិនពេញចិត មានការព្រួយបារម្ភជាខ្លាំង ចំពោះសុវត្ថិភាពផ្ទាល់ខ្លួន និងទ្រព្យសម្បត្តិនៅពេលឆ្លងម្ដងៗ។ ប្រភពដដែល បានធ្វើការរិះគន់យ៉ាងចាស់ដៃ ចំពោះលោក ម៉ាត់ ហ៊ីម ដែលជាម្ចាស់ដ-ចម្លង (ឆ្លូង-កំពង់គរ)ថា ករណីក្រឡាប់រថយន្តខាងលើនេះ មិនមែនជារឿងថ្មី នឹងទើបតែកើតឡើងនោះទេ ប៉ុន្តែផ្ទុយទៅវិញ វាបានកើតឡើងជាច្រើនលើកមកហើយ។</span></p>
<p><span style="color: #000000;">ក្នុងរយៈពេលប៉ុន្មានឆ្នាំកន្លងទៅនេះ គឺដោយសារតែការប្រមាថ និងការធ្វេសប្រហែសរបស់លោក ម៉ាត់ ហ៊ីម និងកម្មកររបស់លោកធ្វើឲ្យ ទ្រព្យសម្បត្តិប្រជាពលរដ្ឋមួយចំនួនត្រូវខូចខាត និងបាត់បង់អាយុជីវិត។ ប្រជាពលដ្ឋដដែល បានបន្តឲ្យដឹងទៀតថា ហើយករណីខាងលើ នេះទៀតសោធ គឺបានកើតឡើងចំនួន ៣លើក ចំពោះរថយន្តដឹដំឡូងមី មានចំនួន ២លើក ក្រឡាប់រថយន្តដឹកដើមរាំងចំនួន ១លើក និងករណីមនុស្សវ័យចំណាស់ លោតពីលើស្រឡាងលង់ទឹកស្លាប់ម្នាក់ កាលដើមឆ្នាំ២០១៥កន្លងទៅនោះ។ ទន្ទឹមនឹងនោះផងដែរ ប្រជាពលរដ្ឋ ក៏បានអំពាវនាវដល់អាជ្ញាធរខេត្ត និងមន្ទីរពាក់ព័ន្ធ សូមមេត្តាជួយចុះពិនិត្យមើល និងមានវិធានការទប់ស្កាត់ចំពោះកន្លែង ធ្វើអាជីវកម្មកំពង់ចម្លង (ឆ្លូង-កំពង់គរ)មួយនេះផង ព្រោះថារថយន្តយីឌុបដែលឆ្លងទៅមកម្ដងៗ គឺសុតតែធំៗហើយដឹកធ្ងន់ ធ្វើឲ្យប្រជាពលរដ្ឋ ដែលធ្វើដំណើរឆ្លងតាមសាឡាងនោះម្ដងៗ មានការព្រួយបារម្ភយ៉ាងខ្លាំង៕</span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13166025_1596887403958958_5037794893128641407_n.jpg?oh=8756f2f57242cf82a7286529c591ffbb&oe=57AF227A" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13164405_1596887407292291_7727280962216915426_n.jpg?oh=99cea8cc050d12d7cc61911dfcc9fb2a&oe=57B2D14F" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13102721_1596887443958954_614232287490361933_n.jpg?oh=e44731a10962fa06e2653b6d5028f462&oe=57E4FE17" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13102721_1596887443958954_614232287490361933_n.jpg?oh=e44731a10962fa06e2653b6d5028f462&oe=57E4FE17" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13177315_1596887450625620_4827704604675252189_n.jpg?oh=8914c471fa363caf935bdfea2f01316e&oe=57ADB1A2" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13103529_1596887453958953_8046562105537368253_n.jpg?oh=0044b5df5585b83f2d97182a4a23ce31&oe=57AFBE93" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13124622_1596887483958950_6809938423051080292_n.jpg?oh=ff1924d8d73795bc40339129ba010bac&oe=57B063C8" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
<div></div>
</div>