<p><span style="color: #000000;"><strong>(គូឡាឡាំពួរ)៖</strong> ឯកអគ្គរដ្ឋទូតកូរ៉េខាងជើងប្រចាំនៅរដ្ឋធានីគូឡាឡាំពួរលោក Kang Chol បានព្រមានថា នឹងនាំយកសំណុំរឿងឃាតកម្មរបស់បងប្រុសលោក គីម ជុងអ៊ុន ឡើងដល់តុលាការអន្តរជាតិ បើសិនជាអាជ្ញាធរម៉ាឡេស៊ីនៅតែប្រកែកមិនប្រគល់សាកសពលោក គីម ជុងណាំ ទៅឲ្យកូរ៉េខាងជើងវិញទេនោះ។ នេះបើតាមការចេញផ្សាយដោយសារព័ត៌មាន Channel News Asia នៅមុននេះបន្តិចនាព្រឹកថ្ងៃសៅរ៍ ទី១៨ ខែកុម្ភៈ ឆ្នាំ២០១៧។</span></p>
<p><span style="color: #000000;"><a class="thickbox" title="" href="/FileManager/Commons/2017/2/18/43-18-02-2017--10-59-53.jpg"><img src="/FileManager/Articles/mce/2017/2/18/43-18-02-2017--10-59-53.jpg" alt="" /></a></span></p>
<p><br /><a class="thickbox" title="" href="/FileManager/Commons/2017/2/18/01b-18-02-2017--11-01-29.jpg"><img src="/FileManager/Articles/mce/2017/2/18/01b-18-02-2017--11-01-29.jpg" alt="" /></a><span style="color: #000000;"><a class="thickbox" title="" href="/FileManager/Commons/2017/2/18/43-18-02-2017--10-59-53.jpg"></a><br /></span></p>
<p><span style="color: #000000;">ការលើកឡើងបែបនេះបានធ្វើឡើងនាយប់ថ្ងៃសុក្រម្សិលមិញនេះ បន្ទាប់ពីលោកឯកអគ្គរដ្ឋទូតកូរ៉េខាងជើង ត្រូវគេមើលឃើញថាទំនងជាមានចេតនាព្យាយាមចូលទៅកាន់វិទ្យាស្ថានកោសល្យវិច័យជាតិនៅក្នុងមន្ទីរពេទ្យគូឡាឡាំពួរ ជាកន្លែងដែលអាជ្ញាធរម៉ាឡេស៊ីរក្សាទុកសាកសពលោក គីម ជុងណាំ បន្ទាប់ពីបានបញ្ចប់ការធ្វើកោសល្យវិច័យកាលពីថ្ងៃពុធសប្តាហ៍នេះ។ ម៉្យាងវិញទៀតលោក Kang Chol បានចោទប្រកាន់ម៉ាឡេស៊ីថាបានលួចបិទបាំងអ្វីម៉្យាង ពីព្រោះតែការបដិសេធមិនព្រមប្រគល់សាកសពលោក គីម ជុងណាំ ទៅឲ្យស្ថានទូតកូរ៉េខាងជើងហើយលោក Kang បាននិយាយថាម៉ាឡេស៊ីកំពុងរៀបគំរោងអាក្រក់ដើម្បីបង្កការគំរាមកំហែងដល់កូរ៉េខាងជើង។</span></p>
<p><span style="color: #000000;">ដោយឡែកនៅក្នុងកិច្ចសន្ទនាជាមួយសារព័ត៌មាន Channel News Asia មេបញ្ជាការប៉ូលិសម៉ាឡេស៊ីលោក Khalid បានថ្លែងឆ្លើយតបទៅវិញថា<strong> «ពួកយើងមានច្បាប់ច្បាស់លាស់នៅក្នុងប្រទេសម៉ាឡេស៊ី ហើយនៅពេលដែលស្ថិតនៅក្នុងម៉ាឡេស៊ី មនុស្សរាល់គ្នាត្រូវតែគោរពនិងប្រតិបត្តិតាមក្បួនច្បាប់និងវិន័យទាំងអស់នោះ... ហើយក្នុងចំណោមនោះក៏រាប់បញ្ចូលទាំងប្រទេសកូរ៉េខាងជើង»</strong>។</span></p>
<p><span style="color: #000000;">គួរបញ្ជាក់ថាអាជ្ញាធរម៉ាឡេស៊ីនឹងមិនប្រគល់សាកសពលោក គីម ជុងណាំ ទៅឲ្យនរណាម្នាក់នោះឡើយ ដរាបណាមិនបានទទួលគំរូ DNA របស់សមាជិកនៃក្រុមគ្រួសារលោក គីម និងការស៊ើបអង្កេតនៃសំណុំរឿងឃាតកម្មនេះមិនទាន់ត្រូវបានដោះស្រាយចប់រួចរាល់ តាមច្បាប់ប្រទេសអាស៊ានមួយនេះទេនោះ៕</span></p>
<p><span style="color: #0000ff;"><a href="/News/Detail/12969/north-korea-has-urged-malaysia-to-release-body-of-kim-jong-nam-to-them-without-delay" target="_blank"><span style="color: #0000ff;">-កូរ៉េខាងជើង ជម្រុញឲ្យម៉ាឡេស៊ីប្រគល់សាកសពលោក Kim Jong-nam ទៅកាន់កូរ៉េខាងជើង ដោយគ្មានការពន្យារពេល</span></a></span></p>
<p><span style="color: #000000;"><a class="thickbox" title="" href="/FileManager/Commons/2017/2/18/42a-18-02-2017--11-00-10.jpg"><img src="/FileManager/Articles/mce/2017/2/18/42a-18-02-2017--11-00-10.jpg" alt="" /></a></span></p>
<p><br /><a class="thickbox" title="" href="/FileManager/Commons/2017/2/18/42-18-02-2017--11-00-26.jpg"><img src="/FileManager/Articles/mce/2017/2/18/42-18-02-2017--11-00-26.jpg" alt="" /></a><span style="color: #000000;"><a class="thickbox" title="" href="/FileManager/Commons/2017/2/18/42a-18-02-2017--11-00-10.jpg"></a><br /><a class="thickbox" title="" href="/FileManager/Commons/2017/2/18/01f-18-02-2017--11-00-43.jpg"><img src="/FileManager/Articles/mce/2017/2/18/01f-18-02-2017--11-00-43.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA</span></p>