<p><span style="color: #000000;">(ភ្នំពេញ)៖ លោក ជួប សម្លាប់ ដែលសមត្ថកិច្ចអះអាងថា ជាជនដៃដល់ក្នុងការបាញ់សម្លាប់ លោកបណ្ឌិត កែម ឡី នោះ ត្រូវបានមន្រ្តីពន្ធនាគារព្រៃស បញ្ជូនមកដល់សាលាដំបូងរាជធានីភ្នំពេញ នៅព្រឹកថ្ងៃទី១២ ខែសីហា ឆ្នាំ២០១៦នេះ ដើម្បីសាកសួរបន្ថែម។ ការសាកសួរបន្ថែមនេះ ធ្វើឡើងដោយចៅក្រមស៊ើបសួរ សេង លាង។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/12/10a-12-08-2016--09-22-16.jpg"><img src="/FileManager/Articles/mce/2016/8/12/10a-12-08-2016--09-22-16.jpg" alt="" /></a><br /></span></p>
<p><span style="color: #000000;">ជនដៃដល់ដែលដាក់រហ័សនាមខ្លួនឯងថា ជួប សម្លាប់ ត្រូវបានចៅក្រមស៊ើបសួរ នៃសាលាដំបូងរាជធានីភ្នំពេញ លោក សេង លាង សម្រេចឃុំខ្លួនជាបណ្តោះអាសន្ន កាលពីថ្ងៃទី១៣ ខែកក្កដា ឆ្នាំ២០១៦ ដោយចោទប្រកាន់ចំនួន២ករណី ដែលធ្វើឱ្យរូបគេប្រឈម នឹងការជាប់ពន្ធនាគារមួយជីវិតក្នុងនោះទី១ ពីបទឃាតកម្មគិតទុកជាមុន និងទី២ ជាបទ កាន់កាប់អាវុធគ្មានការអនុញ្ញាត ។</span></p>
<p><span style="color: #000000;">ជនដៃដល់ខាងលើដែលសមត្ថកិច្ចដេញចាប់ខ្លួនបាន នៅវិថីព្រះសុធារស ក្បែរវត្តស្វាយអំពែរក្រោយកើតហេតុភ្លាមៗ។ ជននេះបានសារភាពថា រូបគេមានឈ្មោះ ជួប សម្លាប់ អាយុ៣៨ឆ្នាំ ជាពលករខ្មែរនៅប្រទេសថៃ ហើយថាការបាញ់សម្លាប់លោក កែម ឡី ដោយសារតែជំពាក់ប្រាក់មិនសង។ ប៉ុន្តែសមត្ថកិច្ចហាក់ពុំទាន់ជឿថាជននោះ មានឈ្មោះពិតប្រាកដ ថា «ជួប សម្លាប់» ទេ។</span></p>
<p><span style="color: #000000;">សូមបញ្ជាក់ថា លោកបណ្ឌិត កែម ឡី អ្នកវិភាគឯករាជ្យ ត្រូវបានឃាតកចូលបាញ់សម្លាប់ ខណៈលោកអង្គុយទទួលកាហ្វេ នៅក្នុងស្តាម៉ាត នៃស្ថានីយ៍សាំងកាលតិចស្តុបបូកគោ កាលពីម៉ោង៨៖៥០នាទីព្រឹក ថ្ងៃទី១០ ខែកក្កដា ឆ្នាំ២០១៦។ លោក កែម ឡី ត្រូវបានឃាតកបាញ់ចំនួន២គ្រាប់ ដោយ១ចំក្បាល និងមួយគ្រាប់ទៀតចំដើមដៃធ្លាយ ទៅដល់ក្រោមដោះ បណ្តាលឱ្យស្លាប់នៅកន្លែងកើតហេតុតែម្តង៕</span></p>
<p><span style="color: #000000;"><img src="https://scontent-sit4-1.xx.fbcdn.net/t31.0-8/13661811_1626384614342570_4651050684562185480_o.jpg" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/t31.0-8/13603250_1626503204330711_7920514089480309629_o.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/K-0294.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>