<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានអំពាវនាវដល់កីឡាករអុំទូក ដែលនឹងត្រូវមកចូលរួមប្រណាំងទូក ក្នុងឱកាសព្រះរាជពិធីបុណ្យអុំទូក នាថ្ងៃទី១៣ ខែវិច្ឆិកាខាងមុខនេះ ត្រូវចៀសវាងការទៅរកសេវាផ្លូវភេទ នាំឲ្យប្រឈមនឹងការនាំយកជំងឺអេដស៍ត្រឡប់ទៅផ្ទះវិញ។</span></p>
<p><span style="color: #000000;">ការអំពាវនាវរបស់សម្តេចតេជោ ហ៊ុន សែន បានធ្វើឡើងនាព្រឹកថ្ងៃទី០៧ ខែវិច្ឆិកា ឆ្នាំ២០១៦នេះ ក្នុងឱកាសអញ្ជើញជាអធិបតីប្រគល់សញ្ញាបត្រដល់គរុនិស្សិត និងនិស្សិតវិទ្យាស្ថានជាតិបណ្តុះបណ្តាលបច្ចេកទេស ជិត ៤ពាន់នាក់នៅមជ្ឈមណ្ឌលកោះពេជ្រ។</span></p>
<p><span style="color: #000000;">សម្តេចតេជោ ហ៊ុន សែន បានថ្លែងអំពាវនាវយ៉ាងដូច្នេះ <strong>«ហើយសុំផ្តាំទៅចំណុះទូកគ្រប់ទីកន្លែងទាំងអស់ ដែលអញ្ជើញមកចូលរួមក្នុងព្រះរាជពិធីបុណ្យអុំទូកនៅឆ្នាំនេះ រក្សាសណ្តាប់ធ្នាប់ ហើយអ្វីដែលស្នើសុំធំមុនគេ គឺសុំកុំទៅរកកន្លែងដែលនាំជំងឺស្រាលត្រឡប់ទៅវិញ ជាពិសេសគឺជំងឺអេដស៍»</strong>។</span></p>
<p><span style="color: #000000;">ជាមួយគ្នានេះសម្តេចតេជោ ហ៊ុន សែន ក៏បានផ្តាំផ្ញើទៅដល់ចំណុះទូកទាំងអស់មុនឡើងមករាជធានីភ្នំពេញ ត្រូវទៅដាក់ទឹកស្រែឲ្យបានត្រឹមត្រូវកុំឲ្យប៉ះពាល់ និងខូចដំណាំស្រូវ។</span></p>
<p><span style="color: #000000;">បន្ទាប់ពីការខកខានការប្រារព្ធព្រះរាជពិធីបុណ្យអុំទូកកាលពីឆ្នាំ២០១៥ ដោយសារតែកម្រិតទឹកទាបនោះ នៅឆ្នាំ២០១៦នេះ ការប្រារព្ធព្រះរាជពិធី ដែលជាប្រពៃណីរបស់ខ្មែរ នឹងត្រូវប្រារព្ធឡើងវិញជាធម្មតាចាប់ពីថ្ងៃទី១៣ ដល់ថ្ងៃទី១៥ ខែវិច្ឆិកា ឆ្នាំ២០១៦។ យោងតាមគណៈកម្មការរៀបចំបុណ្យជាតិ និងអន្តរជាតិ បានឲ្យដឹងថា មានទូកងចំនួន ២៥៦ទូក ហើយមានកីឡាករជាង ១៦,០០០នាក់ នឹងចូលរួមប្រកួតប្រជែងនៅក្នុងឆ្នាំនេះ។</span></p>
<p><span style="color: #000000;">អាជ្ញាធរប្រយុទ្ធប្រឆាំងនិងជំងឺអេដស៍ បានត្រៀមស្រោមអនាម័យរហូតដល់ទៅជាង ២០ម៉ឺនស្រោម ទុកចែកជូនអ្នកចូលរួមបុណ្យអុំទូក សម្រាប់ពួកគេប្រើប្រាស់ប្រសិនបើឈានទៅដល់មានដៃគូរួមភេទ ដើម្បីបង្កាជំងឺផ្សេងៗ រួមទាំងជំងឺអេដស៍ផងដែរ។ ជាមួយគ្នានេះ កងកម្លាំងសមត្ថកិច្ច បានត្រៀមដាក់ពង្រាងកម្លាំងរហូតដល់ទៅជាងមួយម៉ឺននាក់ ដើម្បីរក្សាសន្តិសុខសណ្តាប់៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F634359880069140%2F&show_text=0&width=730" frameborder="0" width="500" height="430"></iframe></span></p>
<p><span style="color: #000000;"><img src="http://image.freshnewsasia.com/2016/011/fn-2016-11-07-13-29-14-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-11-07-13-29-15-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-11-07-13-29-16-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-11-07-13-29-16-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-11-07-13-29-17-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-11-07-13-29-17-8.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>