<p><span style="color: #000000;"><strong>(ភ្នំពេញ)៖</strong> នាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិ និងជាស្នងការដ្ឋាន នគរបាលរាជធានីភ្នំពេញ បាចេញលិខិតបង្គាប់ការ ផ្អាកការងារបណ្តោះអាសន្ន មន្ត្រីនគរបាលសក្តិ៣ ខេង សុខា ដែលពាក់ព័ន្ធការកាងល្បែងជល់មាន់ នៅស្រុកគងពិសី ខេត្តកំពង់ស្ពឺ។</span></p>
<p><span style="color: #000000;">ការដកបញ្ឈរជើងមន្ត្រីនគរបាលដែលប្រព្រឹត្តខុសឆ្គងនេះ ធ្វើឡើងបន្ទាប់ពីមានបញ្ជារបស់នាយឧត្តមសេនីយ៍ នេត សាវឿន អគ្គស្នងការនគរបាលជាតិ។</span></p>
<p><span style="color: #000000;">សូមជម្រាបថា ករណីបង្ក្រាបសង្វៀនជល់មាន់ ក្នុងភូមិក្រសាំងជីមែ ឃុំវាល ស្រុកគងពិសី នាពេលកន្លងទៅថ្មីៗនេះ ពីសំណាក់មន្ត្រីនគរបាល ស្រុកគងពិសី ឃាត់បានម៉ូតូ៩គ្រឿង មាន់ជល់៤ក្បាល និងសម្ភារជាច្រើនទៀត។</span></p>
<p><span style="color: #000000;">ក្នុងពេលដែលបង្ក្រាបនោះ មានការប្រឈមមុខដាក់គ្នា រវាងសមត្ថកិច្ច និងម្ចាស់សង្វៀន ព្រោះអ្នកបើកកន្លែងខាងលើអះអាងថា ខ្លួនក៏ជាមន្ត្រីនគរបាល ព្រហ្មទណ្ឌក្រុងភ្នំពេញ ហើយការបង្ក្រាបស្ទើរផ្ទុះអាវុធទៀតផង។</span></p>
<p><span style="color: #000000;">អ្នកបើកសង្វៀនមាន់នោះ ត្រូវបានគេស្គាល់ថា ជាស្ត្រីម្នាក់ ឈ្មោះ ចាន់ ណារ៉ា ភេទស្រី រស់នៅខណ្ឌចំការមន ក្រុងភ្នំពេញ និងបុរសអ្នកកាងជាប៉ូលិសក្រុងភ្នំពេញ ដែលអះអាងថា ឈ្មោះ ខេង សុខា៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-01-31-09-45-48-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-01-31-09-45-48-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>