<p><span style="color: #000000;"><strong>(កំពង់ធំ)៖</strong> នៅព្រឹកថ្ងៃទី២៥ ខែតុលា ឆ្នាំ២០១៦នេះ ក្រុមកីឡាករអុំទូក-ង មានឈ្មោះ «តេជោសែនជ័យ» ចំនួន៤នាក់ រួមមាន ប្រធានក្រុម អ្នកកាន់ក្បាលទូក និងអ្នកអុំទូក២នាក់ទៀត បានទៅសុំមន្រ្តីបច្ចេកទេស នៃមន្ទីរព័ត៌មានខេត្តកំពង់ធំ ស្រាវជ្រាវរក Video ថ្ងៃប្រគល់ប្រាក់រង្វាន់ពីលោកបណ្ឌិត ងួន ញ៉ឹល អនុប្រធានទី២ រដ្ឋសភា ពីព្រោះពួកគេ មិនបានឡើងទៅទទួលប្រាក់ចំនួន៥០០ដុល្លារផង ស្រាប់តែមានអ្នកឡើងទៅជំនួស យកប្រាក់រង្វាន់ទៅបាត់តែម្តង។</span></p>
<p><span style="color: #000000;">សូមបញ្ជាក់ថា ទូក-ង «តេជោសែនជ័យ» ខាងលើនេះ ជាទូកប្រណាំងផែនទី២ មានចំណុះ៨៥នាក់ មកពីវត្តក្តីដូង ស្រុកកំពង់ស្វាយ ខេត្តកំពង់ធំ បានចូលរួមប្រណាំងទូក នៅថ្ងៃទី២២ ខែតុលា ឆ្នាំ២០១៦កន្លងទៅ ក្នុងពិធីបុណ្យអុំទូក នៅខេត្តកំពង់ធំ។</span></p>
<p><span style="color: #000000;">លោក ខេន ខុម ប្រធានក្រុមកីឡាករអុំទូក-ង បានប្រាប់ភ្នាក់ងារ Fresh News ថា នៅព្រឹកមិញលោក និងអ្នកកាន់ក្បាលទូកមានឈ្មោះ សេង ហេង ព្រមទាំងអ្នកអុំទូក២នាក់ទៀត បានទៅសុំប្រធានមន្ទីរព័ត៌មានខេត្ត ឆែករូបភាព និងVideo ដែលបានផ្សាយបន្តផ្ទាល់កម្មវិធីនេះ ប៉ុន្តែប្រធានមន្ទីរបានប្រាប់តាមទូរស័ព្ទថា រឿងនេះយូរថ្ងៃហើយមិនដឹងទេ។</span></p>
<p><span style="color: #000000;">បន្ទាប់មក ពួកគាត់មិនអស់ចិត្ត ក៏បានទាក់ទងអ្នកបច្ចេកទេស ដើម្បីសុំមើលរូបភាព និងVideo នៃថ្ងៃប្រគល់រង្វាន់ចំនួន៥០០ដុល្លារនេះ តើនរណាម្នាក់ជាអ្នកឡើងទទួលប្រាក់នេះ ពីលោកបណ្ឌិត ងួន ញ៉ឹល ហើយយកទៅបាត់ ពីព្រោះលោកដែលជាប្រធានក្រុម និងអ្នកកាន់ក្បាលទឹកមិនបានឡើងយកនោះទេ។</span></p>
<p><span style="color: #000000;">លោកបានរំលឹករឿងនេះថា នៅថ្ងៃទទួលប្រាក់រង្វាន់នោះ ខាងគណៈកម្មការបានប្រកាសឈ្មោះទូក «តេជោសែនជ័យ» ឡើងទទួលប្រាក់រង្វាន់ ហើយពេលឮយ៉ាងដូច្នេះ លោកក៏បានប្រជ្រៀតឡើងទៅយកប្រាក់នោះ ប៉ុន្តែដោយពេលឡើងទៅដល់វេទិកា ស្រាប់តែលោកបណ្ឌិត ងួន ញ៉ឹល ប្រាប់ថា មានអ្នកតំណាងមកទទួលហើយ។ បន្ទាប់ពីដឹងថា មានអ្នកតំណាងមកទទួល លោកក៏ចុះមកវិញ ហើយក៏ទៅសួរគ្នីគ្នា គឺអ្នកកាន់ក្បាលទូក ស្រាប់តែគ្នាគាត់ឆ្លើយថា អត់ដឹងទេ។ ដូច្នេះមិនដឹងថា នរណាទៅឡើងយកជំនួសនោះឡើយ។</span></p>
<p><span style="color: #000000;">ប៉ុន្តែសម្រាប់ករណីនេះ បានធ្វើឲ្យក្រុមកីឡាករអុំទូកផ្សេងទៀត នៅតែមានការសង្ស័យមកលើលោកទាំង២នាក់ថា អាចយកលុយនេះដោយមិនចែកទៅឲ្យសមាជិកក្រម ទើបលោកបានសម្រេចមកមន្ទីរព័ត៌មានខេត្ត ដើម្បីសុំឆែកមើលរូបភាព និងVideo ចង់ដឹងតើនរណាម្នាក់បានឡើងទៅទទួលយកនោះ។</span></p>
<p><span style="color: #000000;">មន្រ្តីមន្ទីរព័ត៌មានម្នាក់បាននិយាយថា ក្រោយឆែកមើល Video ស្ទើរពេញមួយព្រឹកមក ស្រាប់តែពេលដល់កន្លែងដែលទទួលប្រាក់ពីលោកបណ្ឌិត ងួន ញ៉ឹល នោះអ្នកកាន់កាមេរ៉ាវីដេអូ ឆ្លៀតងាកទៅថតលោក ឈាង វុន ដែលបានអញ្ជើញចែកប្រាក់រង្វាន់នេះផងដែរ។ ប៉ុន្តែបើតាមប្រធានក្រុមកីឡាករអុំទូករូបនេះ ជាច្រើនឆ្នាំកន្លងទៅ មិនដែលមានរឿងនេះកើតឡើងនោះទេ ប៉ុន្តែស្រាប់តែលើកនេះបែរជាមានអ្នកលួចឡើងទៅយកទទួលយកទៅវិញ ពិតជារឿងដែសស្មានមិនដល់។ ក្រុមកីឡាករអុំទូកទាំងនេះ ក៏សុំផ្ញើសារនេះ ទៅលោកបណ្ឌិត ងួន ញ៉ឹល ផងថា ពួកគេមិនបានឡើងទទួលប្រាក់រង្វាន់ចំនួន៥០០ដុល្លារនោះទេ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F627051307466664%2F&show_text=0&width=400" frameborder="0" width="500" height="410"></iframe></span></p>
<p><a class="thickbox" title="" href="/FileManager/Commons/2016/10/25/1-25-10-2016--16-11-06.png"><img src="/FileManager/Articles/mce/2016/10/25/1-25-10-2016--16-11-06.png" alt="" /></a></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>