<p><span style="color: #000000;"><strong>-UNស្នើឲ្យកម្ពុជា ត្រួតពិនិត្យខ្លាច ISIS ពួនសម្ងំ</strong></span></p>
<p><span style="color: #000000;"><strong>ភ្នំពេញ៖</strong> សម្តេចតេជោ ហ៊ុន សែន នាយករដ្ឋមន្រ្តី នៃប្រទេសកម្ពុជា បានថ្លែងថា ទោះបីជាកម្ពុជាមិនមែន ជាតំបន់គោលដៅរបស់ពួកភេរវកម្ម ISISក្នុងការវាយប្រហារ ប៉ុន្តែកម្ពុជាអាចឲ្យពួកគេយកកម្ពុជា ធ្វើជាកន្លែងសុវត្ថិភាពក៏អាចថាបាន។</span></p>
<p><span style="color: #000000;">ដូច្នេះជាហេតុ ដែលធ្វើឲ្យសម្តេចស្នើឲ្យអាជ្ញាធរ មានសមត្ថកិច្ចកម្ពុជាគ្រប់លំដាប់ថ្នាក់ ត្រូវយកចិត្តទុកដាក់ ក្នុងការតាមដាននូវរាល់ សកម្មភាពនៅទូទាំងប្រទេស។</span></p>
<p><span style="color: #000000;">សម្តេចបានថ្លែងបែបនេះ នៅក្នុងពិធីមហាសន្និបាត របស់សភាអាស៊ី(APA) ដែលកម្ពុជាកំពុងរៀបចំធ្វើជាម្ចាស់ផ្ទះ នៅព្រឹកថ្ងៃទី៩ ខែធ្នូ ឆ្នាំ២០១៥ ។</span></p>
<p><span style="color: #000000;">ព្រមជាមួយគ្នានេះដែរ ភាគីអង្គការសហប្រជាជាតិ (UN) ដែលបានចូលរួមក្នុងកិច្ចប្រជុំខាងលើនេះ ក៏បានធ្វើការអំពាវនាវនិងស្នើឲ្យកម្ពុជា ត្រូវត្រួពិនិត្យអំពីសកម្មភាពរបស់ពួកISIS ផងដែរ ព្រោះពួកគេអាចយកកម្ពុជាធ្វើជាកន្លែងលាក់ខ្លួន។</span></p>
<p><span style="color: #000000;">សម្តេចបានបញ្ជាក់ថា “កាលពីថ្ងៃម្សិលមិញខាងអង្គការសហប្រជាជាតិ បានមកជួបខ្ញុំ។ខ្ញុំបាននិយាយថា កម្ពុជាទោះបីជាពួកISIS មិនអាចចូលមកដល់ ក៏មិនត្រូវភ្លេចខ្លួន គេអាចវាយនៅប្រទេសដទៃក្នុងតំបន់យើង ក៏ប៉ុន្តែគេយកកម្ពុជា ធ្វើជាតំបន់សុវត្ថិភាពទៅវិញក៏អាចថាបាន ដូច្នេះត្រូវតែមានការប្រុងប្រយ័ត្នជាមួយបញ្ហានេះ”។</span></p>
<p><span style="color: #000000;">សម្តេចបានបន្តថា ពួកភេរវកម្ម ISIS បានវាយប្រហារតំបន់ជាច្រើន នៅក្នុងប្រទេសមួយចំនួនលើពិភពលោក និងតំបន់អាស៊ី ប៉ុន្តែបច្ចុប្បន្នពួកគេបានបង្វែរទិសមកវាយប្រហារសហរដ្ឋអាម៉េរិក និងតំបន់ផ្សេងទៀត ដោយគ្មានខ្លាចរអាលនិងរើសមុខនោះទេ។</span><br /><span style="color: #000000;">នៅចំពោះមុខមន្រ្តីជាន់ខ្ពស់ជាច្រើនរូប មកពីបណ្តាប្រទេសចំនួន២២ ក្នុងពិភពលោក នៅព្រឹកថ្ងៃទី៩ ធ្នូ នេះ សម្តេចក៏បានរំលឹកពីអតីតកាល ដែលសម្តេចបានលើកឡើង ពីរបបអាសាដជាមួយលោក បាន គីមូន អគ្គលេខាធិការដ្ឋានអង្គការសហប្រជាជាតិ និងនិយាយពី ISISជាមួយលោកប្រធានាធិបតីអាម៉េរិក លោកបារាក់ អូប៉ាម៉ា ផងដែរ ក្នុងកិច្ចប្រជុំអាស៊ាន-អាម៉េរិកនាពេលកន្លងមក។</span></p>
<p><span style="color: #000000;">សូមបញ្ជាក់ថា កាលពីប៉ុន្មានថ្ងៃមកនេះ ប្រទេសថៃបានដាក់កម្លាំង ការពារសុវត្ថិភាពគ្រប់គោលដៅនៅទូទាំងប្រទេស ក្រោយពីទទួលព័ត៌មានថា ប្រជាជនស៊ីរីមួយចំនួ នបានមកសម្ងំលាក់ខ្លួននៅថៃ ហើយពួក ISIS នឹងមកវាយប្រហារពួកគេ ប៉ុន្តែក្រោយដាក់កម្លាំងហើយ មិនមានឃើញសញ្ញាអវិជ្ជមានណាមួយកើតមានឡើងឡើយ។</span></p>
<p><span style="color: #000000;">ទាក់ទងបញ្ហានេះដែរ ប្រទេសស៊ីរី បានក្លាយជាប្រទេស ដ៏លេចធ្លោជាងគេក្នុង ការបង្កើតជំនាន់ថ្មីនៃក្រុម សកម្មប្រយុទ្ធ បន្ទាប់ពី ក្រុមឧទ្ទាមរដ្ឋ ឥស្លាម ISIS អាចកេណ្ឌកម្លាំង សកម្មប្រយុទ្ធពីបរទេស បានរហូត៣១ពាន់នាក់ក្នុងរយៈ ពេលត្រឹម១៨ខែកន្លង មកនេះ នេះបើយោងតាម ប្រភពពីអតីតប្រធានភ្នាក់ងារ ស៊ើបការណ៍សម្ងាត់ របស់ចក្រភពអង់គ្លេស ដកស្រង់ដោយសារព័ត៌មាន Channel News Asia ចេញផ្សាយ នៅថ្ងៃទី០៨ ខែធ្នូ ឆ្នាំ២០១៥នេះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/9/12-9-2015-11-54-43-am-09-12-2015--12-01-49.png"><span style="color: #000000;"><img src="/FileManager/Articles/mce/2015/12/9/12-9-2015-11-54-43-am-09-12-2015--12-01-49.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>