<p><span style="color: #000000;"><strong>(សៀមរាប)៖</strong> កម្លាំងនគរបាលព្រហ្មទណ្ឌកម្រិតស្រាល និងកម្លាំងនគរបាលមូលដ្ឋាន បានទទួលព័ត៌មានពីប្រជាពលរដ្ឋអំពីជនសង្ស័យ ធ្វើសកម្មភាពលួចម៉ូតូ ហើយកម្លាំងដាក់ពង្រាយ រហូតឈានដល់ការឃាត់ខ្លួន ជនសង្ស័យពីបទលួចកាច់ម៉ូតូ ដែលមានឈ្មោះ ឌីណា អាយុ២៩ឆ្នាំ ទីលំនៅភូមិរំចេក៤ សង្កាត់រតនៈ ក្រុង-ខេត្តបាត់ដំបង ដែលជាបុគ្គលិកក្រុមហ៊ុន Open Net ។</span></p>
<p><span style="color: #000000;">វរៈសេនីយ៍ឯក ភឹង ចិន្ដារ៉េត នាយការិយាល័យព្រហ្មទណ្ឌកម្រិតស្រាល នៃស្នងការដ្ឋានខេត្តសៀមរាប បានប្រាប់អង្គភាព Fresh News នៅថ្ងៃទី៣ ខែកុម្ភៈនេះថា ជនសង្ស័យខាងលើនេះ ត្រូវបានឃាត់ខ្លួនៅថ្ងៃទី២ ខែកុម្ភៈ ឆ្នាំ២០១៦ ហើយបើតាមចម្លើយសារភាព ក្រុមរបស់ពួកគេនេះ គឺមានគ្នា៤នាក់ បានរត់គេចខ្លួនរួច៣នាក់ ។ ដោយនៅថ្ងៃទី១ ខែកុម្ភៈ ឆ្នាំ២០១៦ ម៉ោង១០៖៣០នាទី ពួកគេបានធ្វើសកម្មភាពលួចកាច់សោរម៉ូតូ C125 ពណ៌ខ្មៅ សេរីឆ្នាំ២០១៤ មួយគ្រឿង នៅចំណុចខាងលិចស្ទឹង ចម្ងាយពីវត្តស្វាយប្រមាណជា១០០ម៉ែត្រ ដែលជាកម្មសិទ្ធិរបស់ឈ្មោះ ថន ធន់ ភេទប្រុស អាយុ២១ឆ្នាំ នៅសង្កាត់សំបួរ ក្រុងសៀមរាប។</span></p>
<p><span style="color: #000000;">នៅថ្ងៃដដែល វេលាម៉ោង១៣៖៣០នាទី ពួកគេបានកាច់សោរម៉ូតូ C125 ពណ៌ខ្មៅ សេរីឆ្នាំ២០១៥ មួយគ្រឿង នៅចំណុចខាងលិច កេសកូល ស្ថិតក្នងភូមិស្ទឹងថ្មី សង្កាត់ស្វាយដង្គំ ក្រុងសៀមរាប ដែលជាកម្មសិទ្ធិរបស់ឈ្មោះ យង់ គឹមអូន ភេទប្រុស អាយុ២៥ឆ្នាំ រស់នៅភូមិសាលាកន្សែង សង្កាត់ស្វាយដង្គំ ក្រុងសៀមរាប។</span></p>
<p><span style="color: #000000;">លោកវរៈសេនីយ៍ បានបញ្ជាក់ថា រហូតដល់ពេលនេះខាងសមត្ថកិច្ច បានកំណត់អត្តសញ្ញាណ ក្រុមជនសង្ស័យបានមួយចំនួនហើយ រួចនឹងបន្តតាមចាប់ខ្លួនពួកវាបន្តទៀត។ ពួកនេះគឺជាមុខសញ្ញាជើងចាស់ និងសកម្មក្នុងការលួចកាច់សោម៉ូតូ។ ក្រុមនេះមិនត្រឹមតែបានប្រព្រឹត្តអំពើលួចទេ គឺពួកវាបានក្លែងឯកសារសាធារណៈផងដែរ។ សម្រាប់ក្នុងប្រតិបត្តិការលើកនេះ សមត្ថកិច្ចដកហូតបាន កាត់ក្លែងក្លាយ និងផ្លាកលេខម៉ូតូ កំពង់ធំ 1F-8349 ក្លែងក្លាយដែរ ។ លោកបន្ថែមថា ពួកនេះបានធ្វើសកម្មភាពជិះម៉ូតូ ធ្វើជាធ្លាក់លុយ ពេលប្រជាពលរដ្ឋរវល់ចុះរើសលុយ ពួកគ្នាវានៅពីក្រោយ ចូលទៅយកម៉ូតូរបស់ប្រជាពលរដ្ឋតែម្ដង។ ក្រៅពីនោះពួកវា បានដើរតួជាអ្នករកទិញដី ឬលក់ដី ។ ជួលម៉ូតូឌុបៗចុះឌុបឡើង ហើយពេលដែលមានឱកាស ពួកវាខ្ចីម៉ូតូមួយភ្លែត រួចពួកវាស៊ីដាច់តែម្ដង៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12647079_1553570931623939_2183660144354750869_n.jpg?oh=11e2987eaceb61e9c281be4ce244b46a&oe=572B68D5" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12645187_1553570918290607_5660422559356817851_n.jpg?oh=2796caaafbfc8bfcb56e747b75cd8092&oe=5728ACE5" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpt1/v/t1.0-9/12418021_1553570921623940_5118396202255143556_n.jpg?oh=5529db0c66467f2ec69f62efea25240c&oe=57294CD9&__gda__=1462508633_ad13fc76cc27fb08e210daf0cc309616" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12592205_1553570884957277_6549735729960657097_n.jpg?oh=cd4f282f6d68965d0dd70e3b29e79933&oe=573D6522" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>