<p><span style="color: #000000;">តាមការប៉ាន់ប្រមាណរបស់ក្រុមហ៊ុន IHS បានឲ្យដឹងថា ថ្លៃចំណាយទៅលើឧករណ៍គ្រឿងផ្សំរបស់ ស្មាតហ្វូន Pixel XL គឺ ២៨៥,៧៥ដុល្លារ។ បើសិនជាគិតតែទៅលើថ្លៃចំណាយនេះ នោះ Google នឹងទទួលបានប្រាក់ចំណេញ ៦៣% ទៅលើតម្លៃដាក់លក់ស្មាតហ្វូននេះនៅលើទីផ្សារដែលមានតម្លៃ ៧៦៩ដុល្លារ។ </span></p>
<p><span style="color: #000000;"><a class="thickbox" title="" href="http://camnews.com.kh/FileManager/Commons/2016/10/26/pixelpixelxltop-26-10-2016--13-41-20.jpg"><img src="http://camnews.com.kh/FileManager/Articles/mce/2016/10/26/pixelpixelxltop-26-10-2016--13-41-20.jpg" alt="" /></a><br /></span></p>
<p><span style="color: #000000;">នេះគ្រាន់តែជាកំរិតតម្លៃចំណាយ នៃការប៉ាន់ស្មានប៉ុណ្ណោះ ជាក់ស្តែងត្រូវបូកបន្ថែមថ្លៃចំណាយទៅ លើការស្រាវជ្រាវ និងអភិវឌ្ឍន៍ ថ្លៃពាណិជ្ជកម្ម ប្រតិបត្តិការ គ្រប់គ្រង... បើគិតត្រួសៗទៅតាមផ្នែកៗ របស់វា គឺអេក្រង់ AMOLED 2k ដែល Google ទិញពី Samsung មានតម្លៃ ៥៨ដុល្លារ, Chip Snapdragon 821 តម្លៃ ៥០ដុល្លារ ផ្នែកកាមេរ៉ាសរុបប្រហែល ១៧,៥ដុល្លារ អង្គផ្ទុកទិន្នន័យ 32GB + RAM 4GB តម្លៃ ២៦,៥ដុល្លារ។ បើប្រៀបជាមួយនឹងគូប្រកួតប្រជែង ថ្លៃចំណាយលើផ្នែករឹងរបស់ Pixel XL ខ្ពស់ជាង ឧទាហរណ៍ជាក់ស្តែង iPhone 7 ចំណាយតែ ២២៤,៨ដុល្លារ Galaxy S7 តែ ២៥៥ ដុល្លារទេ។</span></p>
<p><span style="color: #000000;">ថ្លៃចំណាយលើគ្រឿងផ្សំមួយចំនួនទៀតរបស់ Pixel XL:</span></p>
<p><span style="color: #000000;">~ រលកទទួលសេវាអត់ខ្សែ ១៩,៥ដុល្លារ<br />~ Bluetooth + Wi-Fi ៥ដុល្លារ<br />~ បណ្តាផ្នែកមេកានិចដូចជា អង់តែង រន្ធតំណភ្ជាប់ Microphone Motherboard… ២៤ដុល្លារ<br />~ សំបក និងឧបករណ៍មេកានិចផ្សេងទៀត ៣៥ដុល្លារ<br />~ Accessories និងប្រអប់ ១០ដុល្លារ</span></p>
<p><span style="color: #000000;"><a href="http://camnews.com.kh/News/Detail/32431/iphone-sales-still-continue-decrease"><span style="color: #0000ff;"><em>- បរិមាណលក់របស់ iPhone បន្តធ្លាក់ចុះ ៣ត្រីមាសជាប់គ្នា</em></span></a><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ IHS, Tinhte</em></p>