<p><span style="color: #000000;"><strong>(ភ្នំពេញ)៖</strong> ឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ បានប្រាប់ទៅលោក ហុង គី ចយ ឯកអគ្គរដ្ឋទូតកូរ៉េខាងជើង ប្រចាំនៅកម្ពុជា ថា រាជរដ្ឋាភិបាលកម្ពុជា កំពុងជាប់រវល់ និង មិនទាន់មានពេលគ្រប់គ្រាន់សម្រាប់ ទទួលប្រធានរដ្ឋសភា និងរដ្ឋមន្រ្តីក្រសួងបរទេស របស់កូរ៉េខាងជើងនោះទេ។</span></p>
<p><span style="color: #000000;">ការបញ្ជាក់របស់ឧបនាយករដ្ឋមន្រ្តី ហោ ណាំហុង បានធ្វើឡើងក្នុងឱកាស ដែលលោកអនុញ្ញាតឲ្យលោក ហុង គី ចយ ចូលជួប ជម្រាបលាមុននឹងបញ្ចប់អាណត្តិការទូត នៅកម្ពុជា នាព្រឹកថ្ងៃទី១៧ ខែមីនា ឆ្នាំ២០១៦នេះ។</span></p>
<p><span style="color: #000000;">លោក ជុំ សុន្ទរី អ្នកនាំពាក្យក្រសួងការបរទេស បានប្រាប់ក្រុមអ្នកព័ត៌មាន នៅក្រោយជំនួបនេះ ថា លោក ហុង គី ចយ បានប្រាប់ លោក ហោ ណាំហុងថា ប្រធានរដ្ឋសភា និងរដ្ឋមន្រ្តីក្រសួងការបរទេសរបស់កូរ៉េខាងជើង ចង់មកបំពេញទស្សនកិច្ចនៅកម្ពុជា ហើយក៏ចង់អញ្ជើញសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា អញ្ជើញទៅបំពេញទស្សនកិច្ច នៅកូរ៉េខាងជើងផងដែរ។</span></p>
<p><span style="color: #000000;">ឆ្លើយតបការលើកឡើងនេះ ឧបនាយករដ្ឋមន្រ្តី ហោ ណាំហុង បានបញ្ជាក់ថា សម្តេចតេជោ ហ៊ុន សែន កំពុងជាប់កិច្ចប្រជុំ និងដំណើរទស្សនកិច្ចជាច្រើន មិនទាន់មានពេលវេលាគ្រប់គ្រាន់ សម្រាប់ទទួលដំណើរទស្សនកិច្ច របស់ប្រធានរដ្ឋសភា និងរដ្ឋមន្រ្តីក្រសួង ការបរទេសខាងជើង នៅឡើយនោះទេ។ តែអាចនឹងរកពេលសមស្របណាមួយ នៅពេលក្រោយៗទៀត៕</span></p>
<p><a class="thickbox" title="" href="/FileManager/Commons/2016/3/17/25-17-03-2016--15-39-06.jpg"><img src="/FileManager/Articles/mce/2016/3/17/25-17-03-2016--15-39-06.jpg" alt="" /></a></p>
<p style="padding: 0px 0px 12px; margin: 0px; border: 0px; outline: 0px; font-size: 12px; text-align: right; background: transparent;"><span style="padding: 0px; margin: 0px; border: 0px; outline: 0px; font-size: 12px; color: #000000; background: transparent;">ផ្តល់សិទ្ធដោយ ៖ ហ្វ្រេសញូវអាស៊ី</span></p>