<div class="item-page">
<p><span style="color: #000000;"><strong>(ភ្នំពេញ)៖</strong> ការសិក្សាចំណេះទូទៅទុតិយភូមិត្រូវបានបញ្ចប់ ជាពេលវេលាដែល សិស្សនិស្សិតត្រូវស្វែងរកអាហារូបករណ៍ ដើម្បីបន្តការសិក្សា នៅសកលវិទ្យាល័យ។</span></p>
<p><span style="color: #000000;">អាហារូបករណ៍ ទៅសិក្សានៅក្រៅប្រទេស នៅតែជាក្តីស្រមៃនៃនិស្សិតគ្រប់រូប។ ដើម្បីជំរុញការរៀបចំខ្លួន ប្របកដោយប្រសិទ្ធិភាព បញ្ញវន្ត១២រូប ដែលទទួលបានភាពជោគជ័យនៅបរទេស នឹងត្រលប់មកចូលខ្លួនបកស្រាយ ចែករំលែក បទពិសោធន៍ ទៅដល់សិស្សនិសិត្សកម្ពុជា ក្នុងការចាប់យកអាហារូបករណ៍ទៅសិក្សានៅក្រៅប្រទេស។</span></p>
<p><span style="color: #000000;">នៅក្នុងសន្និសីទអាហារូបករណ៍លើកទី៥ ដែលធ្វើឡើងនៅថ្ងែទី០៤ ខែកញ្ញា ឆ្នាំ២០១៦ នៅវិទ្យាស្ថានបច្ចេកវិទ្យាកម្ពុជា (តិចណូ) បញ្ញវ័ន្តរួមជាមួយ និងស្ថានទូតធំៗចំនួន៨ នឹងលើកយកនូវប្រធានបទ ធំៗ៣គឺ សំណេរអំពីខ្លួនឯង គម្រោងសិក្សា និងការសម្ភាសន៍ ។</span></p>
<p><span style="color: #000000;">សិស្សនិស្សិតនឹងបានដឹងបន្ថែមទៀតពី មធ្យោបាយស្វែងរកព័ត៌មាន តម្រូវការ និងលក្ខខណ្ឌនៃអាហារូបករណ៍ល្បីៗ ចាប់ពីកម្រិតបរិញ្ញាបត្រ បរិញ្ញាបត្រជាន់ខ្ពស់ និងវគ្គសិក្សាខ្លី ។ អ្នកចូលរួមនឹងយល់កាន់តែច្បាស់ ពីអាហារូបករណ៍ល្បីៗ ដូចជា Chevening, Fulbright, MEXT, New Zealand Scholars Awards, NUS Scholarship, Erasmus, DAAD, AUF scholarship, World Bank Joint Japanese Scholarship និង អាហារូបករណ៍ដែលផ្តល់ផ្ទាល់ដោយសកលវិទ្យាល័យ។</span></p>
<p><span style="color: #000000;">ការណែនាំទាំងនេះនឹងជួយឲ្យសិស្សនិស្សិត ដឹងថាតើជំហានមួយណាដែលខ្លួនគួររៀបចំ ទៅមុខទៀត និងអាចវាយតម្លៃសមត្ថភាពរបស់ខ្លួន ហើយបំពេញបន្ថែមនូវភាពខ្វះចន្លោះ ដែលមានសារៈសំខាន់ដល់ការប្រកួតប្រជែងដណ្ដើម យកអាហារូបករណ៍របស់ខ្លួន។ ព័ត៌មានបន្ថែមទាក់ទង Facebook: ANUSSA Event Planner. កម្មវិធីនេះរៀបចំដោយក្រុមហ៊ុនអនុស្សា ឧបត្ថម្ភធំដោយក្រុមហ៊ុនថ្នាំពណ៌ជាតិ និង ក្រុមហ៊ុនស្តារអូតូ៕</span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/14034699_1280970205276981_814093291413410139_n.jpg?oh=423d14cb7b5dbc7eba40c0afce02784a&oe=58406C59" alt="" width="730" /></span></p>
<p><span style="color: #000000;"><img src="https://fbcdn-photos-c-a.akamaihd.net/hphotos-ak-xaf1/v/t1.0-0/s480x480/14102221_1280970121943656_807851439673282094_n.jpg?oh=b68130f45f02ef70e8bea58c4b8be171&oe=5854D57A&__gda__=1482604189_fd4744832c456912b67f7e4bb2de5849" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>