<p><span style="color: #000000;">កាលពីពេលថ្មីៗនេះ អ្នកប្រើប្រាស់ iPhone 7/7 Plus បានរាយការណ៍ឲ្យដឹងថា ស្មាតហ្វូនរបស់ពួកគេបានលេចចេញឮនូវសម្លេងចម្លែក ពេលប្រើប្រាស់ ជាផពិសេសគឺពេលដោនឡូត Application មានទំហំធំៗ។ សម្លេងឮនេះ ត្រូវបានគេរៀបរាប់ប្រាប់ថា វាឮដូចជាសម្លេងហួច ឬសម្លេងទឹកស្រក់ឆៗចេញពីក្បាលរ៉ូប៊ីនេដូច្នេះដែរ។ </span></p>
<p><a class="thickbox" title="" href="/FileManager/Commons/2016/9/18/1571800-18-09-2016--12-53-06.jpg"><img src="/FileManager/Articles/mce/2016/9/18/1571800-18-09-2016--12-53-06.jpg" alt="" /></a></p>
<p> </p>
<p><span style="color: #000000;">យោងតាមគេហទំព័រ 9to5mac បានឲ្យដឹងថា បញ្ហានេះត្រូវបានរកឃើញដំបូងដោយលោក Stephen Hackett ជាអ្នកសារព័ត៌មានរបស់កាសែត 512 pixel។ ក្រោយមក Hackett ក៏បានថតសម្លេងរំខាន នោះនៅពេល iPhone 7 របស់គាត់ កំពុងដោនឡូត Application មានទំហំធំ ហើយបានបង្ហោះលើ អ៊ីនធឺណេត។ បន្ទាប់មក មានមនុស្សជាច្រើននាក់ផ្សេងទៀត ក៏បានបញ្ជាក់ឲ្យដឹងថា ពួកគេក៏បានឮ សម្លេងចម្លែកនេះ ចេញពី iPhone 7/7 Plus របស់ពួកគេ ដូចទៅនឹងសម្តីរអ៊ូរទាំរបស់លោក Hackett ដែរ។</span></p>
<p style="text-align: center;"><object width="500" height="400" data="http://www.youtube.com/v/ZcKzsbRDTdg&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/ZcKzsbRDTdg&rel=1" /></object></p>
<p><span style="color: #000000;">បណ្តាអ្នកសារព័ត៌មានបច្ចេកវិទ្យា សុទ្ធតែកំណត់បញ្ជាក់ដូចគ្នាថា សម្លេងចម្លែកនោះ វាពាក់ព័ន្ធនឹង chip A10 Fusion ដែលមាននៅលើ iPhone 7/7 Plus។ ហេតុផលព្រោះជាក់ស្តែង សម្លេងឮនេះ វាលេចចេញមកតែពេលស្មាតហ្វូនដំណើរការ Application ដែលមានទំហំធំ ហើយវាត្រូវបានឮច្បាស់បំផុត នៅត្រង់កន្លែងដែលមានផ្ទុក Chip។ </span></p>
<p style="text-align: center;"><object width="500" height="400" data="http://www.youtube.com/v/ogs_g9BlGQc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/ogs_g9BlGQc&rel=1" /></object></p>
<p><span style="color: #000000;">អ្នកប្រើមួយចំនួន បានរៀបរាប់ប្រាប់ថា សម្លែងឮចេញមករបស់ iPhone 7/7 Plus គឺដូចទៅនឹងសម្លេងកង្ហារនៅក្នុងកុំព្យូទ័រ ពេលម៉ាស៊ីនដំណើរការ។ ជាក់ស្តែង វាមិនមានកង្ហារណាមួយឡើយនៅក្នុងស្មាត ហ្វូនរបស់ Apple ហើយជាមួយនឹងស្មាតហ្វូនមួយ ការដែលលេចឮនូវសម្លេងចម្លែកដូច្នេះ វាមិនមែនជារឿងធម្មតានោះទេ។ </span></p>
<p><span style="color: #000000;">AppleCare ធ្វើការឆ្លើយតប ទៅលើការងឿងឆ្ងល់ និងបានបញ្ជាក់ថា នោះអាចជាបញ្ហា ដែលមានតែនៅលើ ផលិតផលមួយចំនួនប៉ុណ្ណោះ។ Hackett បានធ្វើការទាក់ទងជាមួយនឹងផ្នែកគាំទ្ររបស់ Apple និងបានផ្តល់យោបល់ដល់ Apple Store រាយការណ៍ពីបញ្ហា ដើម្បីស្វែករកដំណោះស្រាយ ដោយផ្លាស់ប្តូរ iPhone 7 ថ្មីមួយគ្រឿងផ្សេងទៀត ដល់រូបលោក (បើទោះបីជា iPhone 7 បច្ចុប្បន្នកំពុងតែ ជិតដាច់ស្តុក)៕</span></p>
<p><a href="http://www.camnews.com.kh/News/Detail/33491/testing-iphone-7-plus-soaked-in-sea-water-fresh-water-and-hot-coffee"><span style="color: #0000ff;"><em>- យក iPhone 7/7 Plus ត្រាំក្នុងទឹកសមុទ្រ ទឹកក្រូចមានហ្គាស និងទឹកកាហ្វេក្តៅៗ តើវាមានគុណភាពយ៉ាងម៉េចដែរ?</em></span></a></p>
<p style="text-align: right;"> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ vreview</em></p>