<p><span style="color: #000000;"><strong>ភ្នំពេញ៖</strong> សេចក្តីរាយការណ៍ពីភ្នាក់ងារ សារព័ត៌មាន បានឲ្យដឹងថា នៅម៉ោង៤៖៤០នាទីទៀបភ្លឺ ថ្ងៃទី១៦ ខែតុលា ឆ្នាំ២០១៥ មានបុរសស្រវឹងម្នាក់ ដែលស្គាល់ថា ជាសាច់ញាតិ របស់ពិធីករ និងតារាសម្តែង អ៉ឹង រដ្ឋា ហៅទុយ បានបើករថយន្ត Camry បាឡែនពណ៌កាប់ស្ទាំង បិតស្កុតខ្មៅមួយគ្រឿង ពាក់ស្លាកលេខភ្នំពេញ 2E-1318 តាមបណ្តោយផ្លូវព្រះមុនីវង្ស ក្នុងទិសដៅពីត្បូងទៅជើង លុះបើកមកដល់មុខផ្ទះ សំណាក់ម៉ាន់អ៊ី ស្ថិតក្នុងសង្កាត់បឹងព្រលឹត ខណ្ឌ៧មករា អ្នកបើករថយន្តនោះ បានបើករថយន្តទៅបុករនាំងដែក ដាក់ពុះចែកទ្រូងផ្លូវបណ្តាលឲ្យ បាក់រាបដល់ដីចំនួន១១ផ្ទាំង។</span></p>
<p><span style="color: #000000;">សាក្សីនៅកន្លែងកើតហេតុ បានឲ្យដឹងទៀតថា បន្ទាប់ពីបុករនាំដែកហើយ រថយន្តមិនទាន់ អស់់ល្បឿនបានជ្រុល ទៅខាងឆ្វេងដៃទៅបុក និងរថយន្តចំនួន២គ្រឿងទៀត ដែលចតចោលនៅមុខកន្លែង លក់គ្រឿងសំណង់ នៅជាប់និងផ្ទះសំណាក់ម៉ាន់អ៉ីនោះ បណ្តាលឲ្យរថយន្តនោះ បានបោលចូលទៅក្រោម រថយន្តកូរេ បណ្តាលឲ្យរថយន្តបង្ក ខូចខាតផ្នែកខាងមុខធ្ងន់ធ្ងរ រីឯរថយន្តទាំង២គ្រឿងនោះ ក៏រងការខូចខាតផងដែរ។</span></p>
<p><span style="color: #000000;">សេចក្តីរាយការណ៍ ដដែលបញ្ជាក់ទៀតថា ក្រោយពីបុករួច អ្នកបើករថយន្តបង្ក មិនបានរត់ទៅណាទេ គឺនៅកន្លែងបុកនោះ តែមួយសន្ទុះក្រោយមកគេ បានឃើពិធីករ លោក អ៉ឹង រដ្ឋា ហៅទុយ មកយក ចេញពីកន្លែងកើតហេតុ ទៅបាត់ដោយបន្សល់ទុក តែរថយន្តនៅកន្លែងបុកតែប៉ុណ្ណោះ។ ចំណែករថយន្តបង្ក និងរថយន្តខូចខាត ត្រូវបានស្ទួចយកទៅទុក នៅការរិយាល័យចរាចរណ៍ផ្លូវគោក ដើម្បីដោះស្រាយគ្នា នៅពេលក្រោយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/16/10-16-2015-11-36-09-am-16-10-2015--11-45-56.png"><img src="/FileManager/Articles/mce/2015/10/16/10-16-2015-11-36-09-am-16-10-2015--11-45-56.png" alt="" /></a></span></p>
<p><a class="thickbox" title="" href="/FileManager/Commons/2015/10/16/10-16-2015-11-37-00-am-16-10-2015--11-46-13.png"><img src="/FileManager/Articles/mce/2015/10/16/10-16-2015-11-37-00-am-16-10-2015--11-46-13.png" alt="" /></a></p>
<p><a class="thickbox" title="" href="/FileManager/Commons/2015/10/16/10-16-2015-11-36-28-am-16-10-2015--11-46-32.png"><img src="/FileManager/Articles/mce/2015/10/16/10-16-2015-11-36-28-am-16-10-2015--11-46-32.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>