<p><span style="color: #000000;"><strong>(ភ្នំពេញ)៖</strong> ប្រតិបត្តិការអនុវត្តន៍ច្បាប់ចរាចរណ៍ផ្លូវគោកថ្មី ដែលជាច្បាប់មួយ ដ៏តឹងរឹង ដើម្បីធានាបានការបន្ថយអត្រាមរណៈ ដោយសារ គ្រោះថ្នាក់ចរាចរនោះ កម្លាំងនគរបាលចរាចរណ៍នៅទូទាំងប្រទេស បានត្រួតពិនិត្យយានយន្តលើដងផ្លូវបានជាង ១៥ម៉ឺនគ្រឿង ក្នុង នោះរកឃើញយានយន្តល្មើសច្បាប់ជាង ៤ម៉ឺនគ្រឿង។</span></p>
<p><span style="color: #000000;">អ្នកនាំពាក្យអគ្គស្នងការដ្ឋាននគរបាលជាតិ លោកឧត្តមសេនីយ៍ឯក គៀត ច័ន្ទថារិទ្ធ បានថ្លែងឲ្យដឹងនៅរសៀលថ្ងៃទី០៧ ខែមករា ឆ្នាំ ២០១៦ថា ការអនុវត្តន៍ច្បាប់ចរាចរណ៍ផ្លូវគោកថ្មីរយៈពេល ៦ថ្ងៃចាប់ពីថ្ងៃទី០១-០៦ ខែមករា ឆ្នាំ២០១៦នេះ មានយានយន្ត ១៥២.០ ៥៣ គ្រឿងត្រូវបានពិនិត្យ ក្នុងនោះរថយន្ត ៥៨.៦៤៦គ្រឿង និង ម៉ូតូ ៩៣.៤០៧គ្រឿង។</span></p>
<p><span style="color: #000000;">ក្នុងចំណោមយានយន្ត ដែលបានពិនិត្យជាង ១៥ម៉ឺនគ្រឿងនេះ មានយានយន្តប្រមាណ ២៧,៣៣ភាគរយ ស្មើ ៤១.៥៦១គ្រឿង តែ ប៉ុណ្ណោះរកឃើញថា ល្មើសច្បាប់។ យានយន្តល្មើសច្បាប់នេះ មានរថយន្ត ១៩.៤៣៧គ្រឿង និងម៉ូតូ ២២.១២៤គ្រឿង។</span></p>
<p><span style="color: #000000;">យានយន្ត ដែលល្មើសច្បាប់នេះ មានយានយន្ត ២២.២៤២គ្រឿង ស្មើ ៥៣,៥១ភាគរយ ត្រូវបានធ្វើការអប់រំ។ រីឯយានយន្តជិត ២ម៉ឺនគ្រឿង ត្រូវបានពិន័យ។ ប្រាក់ទទួលបានពីការផាកពិន័យយានយន្តល្មើសច្បាប់នេះ មានចំនួនជាង ៤១០លានរៀល។</span></p>
<p><span style="color: #000000;">តែទោះជាយ៉ាងណា លោកឧត្តមសេនីយ៍ឯក គៀត ច័ន្ទថារិទ្ធ បានមើលឃើញពីសញ្ញាណល្អ នៃការអនុវត្តច្បាប់ចរាចរណ៍ផ្លូវគោកថ្មីនេះ ដោយសារមានប្រជាពលរដ្ឋច្រើនលើសលុប បានចូលរួមគោរពច្បាប់ចរាចរណ៍។ ជាពិសេសច្បាប់ចរាចរណ៍ផ្លូវគោកថ្មីនេះ ក៏បានដាស់ ស្មារតីប្រជាពលរដ្ឋឲ្យចូលរួមគោរពច្បាប់ចរាចរណ៍ផងដែរ។</span></p>
<p><span style="color: #000000;">លោក គៀត ច័ន្ទថារិទ្ធ បានបញ្ជាក់ថា បន្ទាប់ពីច្បាប់ចរាចរណ៍ផ្លូវគោកថ្មីចាប់ផ្តើមអនុវត្តន៍ មានប្រជាពលរដ្ឋខ្មែរជាច្រើនបានភ្ញាក់រលឹក នាំយករថយន្តរបស់ខ្លួនទៅពិនិត្យលក្ខណៈបច្ចេកទេស ហើយម្ចាស់យានយន្តជាច្រើនបាននាំយកយានយន្តរបស់ខ្លួនទៅធ្វើស្លាកលេខ ជាដើម។</span></p>
<p><span style="color: #000000;">លោក គៀត ច័ន្ទថារិទ្ធ បានទទូចឲ្យប្រជាពលរដ្ឋទាំងអស់ចូលរួមអនុវត្តន៍ និងគោរពតាមច្បាប់ចរាចរណ៍ផ្លូវគោកថ្មីនេះ ដើម្បីកាត់បន្ថយ អត្រាមរណៈ ដោយសារគ្រោះថ្នាក់ចរាចរណ៍លើដងវិថី ដែលកំពុងក្លាយជាប្រការ ដ៏បារម្ភមួយនាពេលបច្ចុប្បន្ន៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/8/1-8-2016-9-00-35-am-08-01-2016--09-07-31.png"><span style="color: #000000;"><img src="/FileManager/Articles/mce/2016/1/8/1-8-2016-9-00-35-am-08-01-2016--09-07-31.png" alt="" /></span></a></span></p>
<div id="fb-root"></div>
<script type="text/javascript">// <![CDATA[
(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/en_US/sdk.js#xfbml=1&version=v2.3"; fjs.parentNode.insertBefore(js, fjs);}(document, 'script', 'facebook-jssdk'));
// ]]></script>
<div class="fb-video" data-allowfullscreen="1" data-href="/freshnewsasia/videos/vb.199402103564922/500014283503701/?type=3">
<div class="fb-xfbml-parse-ignore">
<blockquote><a href="https://www.facebook.com/freshnewsasia/videos/500014283503701/"></a>
<p>៦ថ្ងៃ នៃការអនុវត្តច្បាប់ចរាចរណ៍ផ្លូវគោកថ្មី៖ យានយន្តល្មើសច្បាប់ជាង ៤ម៉ឺនគ្រឿង ទទួលប្រាក់ពិន័យជាង ៤១០លានរៀល។</p>
Posted by <a href="https://www.facebook.com/freshnewsasia/">Fresh News</a> on Thursday, January 7, 2016</blockquote>
</div>
</div>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រេសញ៉ូវអាស៊ី</span></p>