<p><span style="color: #000000;">ព័ត៌មានអន្តរជាតិ ៖ ស្ថិតនៅក្នុងវ័យទើបតែ ១៤ ឆ្នាំ ក្មេងប្រុសអាមេរិក ដែលបាន ធ្វើអោយមាន ភាពល្បីល្បាញជាខ្លាំងនៅលើ គ្រប់ទំព័រមុខសារព័ត៌មាន ក្រោយពីត្រូវបានចាប់ឃាត់ខ្លួនពាក់ព័ន្ធ នឹងការយល់ច្រឡំធំ ផលិតនាឡិកាច្នៃថាជាគ្រាប់បែកបំផ្ទុះយកទៅសាលារៀននោះ ជាលទ្ធផល យុវកុមាររូបនេះ បានជួបប្រធានាធិបតី ប្រទេស ស៊ូដង់ហើយ លោក Omar al-Bashir ។ </span></p>
<p><span style="color: #000000;"><a class="thickbox" title="" href="/FileManager/Commons/2015/10/17/10-17-10-2015--09-21-06.jpg"><img src="/FileManager/Articles/mce/2015/10/17/10-17-10-2015--09-21-06.jpg" alt="" /></a><br /></span></p>
<p><span style="color: #000000;">យោងតាមភ្នាក់ងារសារព័ត៌មាន ប៉ុស្តិ៍វិទ្យុរដ្ឋ ចុះផ្សាយអោយដឹងថា អំឡុងថ្ងៃពុធកន្លងទៅនេះ ថា យុវកុមារ Ahmed Mohamed និងក្រុមគ្រួសាររបស់គេ ទទួលបាននូវការស្វាគមន៍យ៉ាងកក់ក្តៅនៅ ឯវិមានប្រធានាបតី នាទីក្រុង Khartoum ប្រទេស ស៊ូដង់ អំឡុងថ្ងៃពុធ កន្លងទៅនេះ។ យុវកុមារ មកពីរដ្ឋតិចសាស់ សហរដ្ឋអាមេរិក Ahmed កាលពីពេលកន្លងទៅ រងនូវការចាប់ឃាត់ ខ្លួន វាយ ខ្នោះព្រោះតែគ្រូបង្រៀនរបស់ខ្លួន យល់ច្រឡំ ពីគំនិតច្នៃប្រឌិតរបស់គេ ថាជាការផលិតគ្រាប់បែក បំផ្ទុះទៅវិញ ។ ការចាប់ឃាត់ខ្លួន បុគ្គលរូបនេះ ផ្ទុះនូវសម្លេងរិះគន់ជាខ្លាំងមកពីជុំវិញពិភពលោក</span></p>
<p><span style="color: #000000;"><a class="thickbox" title="" href="/FileManager/Commons/2015/10/17/10a-17-10-2015--09-21-16.jpg"><img style="display: block; margin-left: auto; margin-right: auto;" src="/FileManager/Articles/mce/2015/10/17/10a-17-10-2015--09-21-16.jpg" alt="" /></a>គួរបញ្ជាក់ថា បុរសជាឪពុក យុវកុមាររូបនេះ លោកមានឈ្មោះថា Mohamed Hassan al-Sufi ជា ជនអន្តោប្រវេសន៍ សូដង់ ទៅកាន់ទឹកដីសហរដ្ឋអាមេរិក លោកក៏ធ្លាប់ឈរឈ្មោះ ប្រធានាធិបតី ដែលមានគូប្រឈមខ្លាំង លោកប្រធានាធិបតី Bashir ។ សេចក្តីរាយការណ៍ បញ្ជាក់អោយដឹងថា មេដឹកនាំសូដង់ លោកប្រឈមជាខ្លាំង នឹងការចាប់ឃាត់ខ្លួន ពីសំណាក់ ប្រព័ន្ធតុលាការយុត្តិធម៌ អន្តរជាតិ ពាក់ព័ន្ធនឹងការចោទប្រកាន់ ឧក្រិដ្ឋសង្គ្រាម ប៉ុន្តែ ត្រូវលោកប្រធានាធិបតី បដិសេធ ។ យុវកុមារ Ahmed អោយដឹងថា រូបគេទទូចជាខ្លាំង ចង់ជួបប្រធានាធិបតីរូបនេះ ខណៈ មានការ តាំងចិត្តខ្ពស់ ថានឹងវិលត្រលប់មកទឹកដីសូដង់វិញ នៅថ្ងៃណាមួយ ជាមួយនឹងការ បង្កើតអ្វីដែល ថ្មីរបស់ខ្លួន ។ </span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/10/17/10c-17-10-2015--09-21-46.jpg"><img src="/FileManager/Articles/mce/2015/10/17/10c-17-10-2015--09-21-46.jpg" alt="" /></a></span><br /></span></p>
<p><span style="color: #000000;">គួររំឮកថា យុវសិស្សរូបនេះ ក៏ធ្លាប់ទទួលបានការកោះហៅ អោយទៅចូលជូបដោយផ្ទាល់ លោក ប្រធានាធិបតី សហរដ្ឋអាមេរិក បារ៉ាក់ អូបាម៉ា នៅឯសេតវិមាន សហរដ្ឋ អាមេរិក ក្រោយពីរូប លោកបង្ហាញសារគាំទ្រ គំនិតច្នៃប្រឌិត ដល់យុវកុមារ រូបនេះ ។ ច្រើនជាងការសាទរ ចង់ជួបមុខ ដោយផ្ទាល់ ពីសំណាក់ លោក អូបាម៉ា យុវសិស្ស រូបនេះ ក៏ទទួលបានការសាទរនិងលើកទឹកចិត្ត ដូចគ្នាដែរ ពីក្រុម អ្នក វិទ្យាសាស្រ្ត អង្គការ NASA ក៏ ដូចជា Facebook CEO លោក Mark Zuckerberg ជាដើម ។ ប៉ូលីសអាមេរិក ច្រើនចោល ការលើកឡើង ពីសំណាក់ក្រុមគ្រួសារ យុវ សិស្ស រូបនេះ ថា ការចាប់ឃាត់ខ្លួន រូបគេ ក៏ព្រោះតែ យុវកុមារ Ahmed ជាជនជាតិម៉ូស្លឹម ៕</span></p>
<p><a style="padding: 0px; margin: 0px; border: 0px; outline: 0px; font-size: 12px; color: #352e27; text-decoration: none; font-family: 'Khmer OS', 'Khmer OS System', Arial, Tahoma; font-style: normal; font-variant: normal; font-weight: normal; letter-spacing: normal; line-height: 21.6px; orphans: auto; text-align: start; text-indent: 0px; text-transform: none; white-space: normal; widows: 1; word-spacing: 0px; -webkit-text-stroke-width: 0px; background: #ffffff;" href="/News/Detail/32602/ahmed-mohamed-says-he-going-to-the-white-house-after-arrested-over-homemade-clock" target="_blank"><span style="padding: 0px; margin: 0px; border: 0px; outline: 0px; font-size: 12px; color: #0000ff; background: transparent;">- អាន ៖ យុវសិស្ស វ័យ ១៤ ឆ្នាំ ផលិត នាឡិកាច្នៃ ច្រឡំថា គ្រាប់បែក ល្បីខ្លាំង ដល់ Obama កោះហៅ ទៅ សេតវិមាន</span></a></p>
<p><span style="color: #000000;"><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>