<p><span style="color: #000000;"><strong>ភ្នំពេញ ៖</strong> សពបុរសម្នាក់ ដែលត្រូវបានគេស្គាល់ថា ជាអ្នកដឹកនាំរឿង នៅផលិតកម្ម Rock បានលោតទឹកសម្លាប់ខ្លួន ពីលើស្ពានជ្រោយចង្វារចាស់ កាលពីរំលង អាធ្រាត្រឈាន ចូលថ្ងៃអាទិត្យទី២៦ ខែកក្កដា ឆ្នាំ២០១៥ ដោយសារតែវិបត្តិក្នុងគ្រួសារនោះ ត្រូវបានប្រជាពលរដ្ឋ ប្រទះឃើញអណ្តែតទឹក មានសភាព ហើមស្អុយរលួយ ។</span></p>
<p><span style="color: #000000;">ហេតុការណ៍ភ្ញាក់ផ្អើលខាងលើនេះ ត្រូវបានប្រជាពលរដ្ឋប្រទះឃើញ កាលពីវេលាម៉ោង៦និង២០នាទី ល្ងាចថ្ងៃទី២៧ ខែកក្កដា ឆ្នាំ២០១៤ ស្ថិតក្នុង ភូមិគីឡូម៉ែត្រលេខ៧ សង្កាត់ច្រាំងចំរេះ២ ខណ្ឌឬស្សីកែវ ។</span></p>
<p><span style="color: #000000;">សមត្ថកិច្ចបានឱ្យដឹងថា បុរសខាងលើមានឈ្មោះ ស៊ុន ចាន់ណូរា អាយុ២៦ឆ្នាំ ជាអ្នកដឹកនាំរឿង ក្នុងផលិតកម្ម Rock បច្ចុប្បន្នស្នាក់នៅ ក្នុងសង្កាត់ផ្សារថ្មី៣ ខណ្ឌដូនពេញ មានស្រុកកំណើត នៅស្រុកអន្លង់វែង ខេត្តឧត្តរមានជ័យ ។</span></p>
<p><span style="color: #000000;">បុរសម្នាក់ដែលបានឃើញ ហេតុការណ៍ខាងលើនេះ បានឱ្យដឹងថា នៅមុនពេលកើតហេតុគាត់ បានអង្គុតនៅប៊ែរត្រី នៅតាមមាត់ទន្លេ ក៏បានប្រទះឃើញសពអណ្តែងទឹក រួចក៏បានទំនាក់ទំនង ទៅសមត្ថកិច្ចភ្លាមៗផងដែរ ។</span></p>
<p><span style="color: #000000;">ពេលនោះ សមត្ថកិច្ចបានចុះ ទៅពិនិត្យជាក់ស្តែងៗ ដល់កន្លែងភ្លាមៗ មានការសង្ស័យថា មានភិនភាគប្រហាក់ប្រហែល នឹងបុរសម្នាក់ ដែលបានលោតទឹកកាល ពីប៉ុន្មានថ្ងៃ មុននោះ ក៏បានទំនាក់ទំនង ទៅមិត្តភក្រ្ត និងសាច់ញាតិ ឱ្យមកពិនិត្យ ពិតជារូបគេពិតប្រាកដមែន ។</span></p>
<p><span style="color: #000000;">ក្រោយមកសមត្ថកិច្ច បានប្រគល់សព បុរសខាងលើ ទៅឱ្យសាច់ញាតិ ក្រុមគ្រួសារយកទៅធ្វើ បុណ្យតាមប្រពៃណី នៅឯស្រុកកំណើត។</span></p>
<p><span style="color: #000000;">គួររំលឹកផងដែរថា កាលពីវេលាម៉ោង១និង១០នាទី រំលងអាធ្រាត្រ ឈានចូល ថ្ងៃទី២៦ ខែកក្កដា ឆ្នាំ២០១៥ មានបុរសម្នាក់ ដែលត្រូវគេស្គាល់ថា ជាអ្នកដឹកនាំរឿង នៅក្នុងផលិតកម្ម Rock បានជិះម៉ូតូអ៊ែរប្លេក មកលោតទឹកធ្វើ អត្តឃាតខ្លួនឯង ពីលើស្ពានជ្រោយចង្វារចាស់ ត្រូវមិត្តភក្រ្តប្រាប់ថាមានវិបត្តិ នៅ ក្នុងក្រុមគ្រួសារ ហើយរហូតមកទល់ ថ្ងៃកើតហេតុខាងលើ ទើបប្រទះឃើញសពអណ្តែតទឹក៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/28/7-28-2015-12-53-38-pm-28-07-2015--12-59-58.png"><span style="color: #000000;"><img src="/FileManager/Articles/mce/2015/7/28/7-28-2015-12-53-38-pm-28-07-2015--12-59-58.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/28/7-28-2015-12-53-10-pm-28-07-2015--13-00-10.png"><span style="color: #000000;"><img src="/FileManager/Articles/mce/2015/7/28/7-28-2015-12-53-10-pm-28-07-2015--13-00-10.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/28/7-28-2015-12-53-23-pm-28-07-2015--13-00-23.png"><span style="color: #000000;"><img src="/FileManager/Articles/mce/2015/7/28/7-28-2015-12-53-23-pm-28-07-2015--13-00-23.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>