<div>
<p><span style="color: #000000;"><strong>(ភ្នំពេញ)៖</strong> តារាពហុជំនាញលោក ជួប ច័ន្ទកក្កដា ហៅ រ៉ូលីន បានក្លាយជាអ្នកសិល្បៈម្នាក់ រកលុយបានច្រើនបំផុត ក្នុងរដូវកាលនេះ ព្រោះលោកត្រូវបានគេជួលជាប់គ្នារដឹក ស្ទើរតែគ្មានពេលសម្រាក ហើយជាតារាត្រូវប៉ាន់ ពិសេសភាពក្រមិចក្រមើម និងផ្លែផ្កាពាក្យសម្តីជាមួយអ្នកនាងកាតុ ធ្វើឲ្យទស្សនិកជន ផ្ទុះសំណើចឥតដាច់។ ថ្មីៗនេះ តារាសម្ដែង និងកំប្លែង លោក រ៉ូលីន បានធ្វើឲ្យអ្នកដឹកនាំរៀបចំថតកម្មវិធី អបអរបុណ្យចូលឆ្នាំថ្មី របស់ផលិតកម្ម ថោន វិលមុខមិនស្ទើរ ព្រោះតែលោកមិនបានមកថត តាមការសន្យា និងថែមទាំងមិនលើកទូរស័ព្ទទៀតផង។ </span></p>
<p><span style="color: #000000;">ក្រៅពីជាតារាប្រចាំទូរទស្សន៍ MyTV លោក រ៉ូលីន ក៏ជាតារាចម្រៀង ប្រចាំផលិតកម្ម ថោន ផងដែរ ។ លោកបានចូលក្នុងផលិតកម្មនេះ ជាងមួយឆ្នាំមកហើយ និងមានបទចម្រៀងល្បីៗដូចជា «កើតរោគបេះដូង» ហើយក៏ល្បីល្បាញដល់ប្រទេសថៃ ព្រោះមានលក្ខណៈប្លែកពីបទដទៃ ។ ថ្មីៗនេះ ផលិតកម្ម ថោន បានរៀបចំថតបទចម្រៀង សម្រាប់អបអរសាទរ ក្នុងពិធីបុណ្យចូលឆ្នាំថ្មីប្រពៃណីខ្មែរ តារាចម្រៀងនានាក្នុងផលិតកម្ម ថោន នាំគ្នាថតបណ្ដើរៗ ជិតអស់ហើយដែរ ព្រោះតារាចម្រៀងច្រើន ត្រូវចែកវេនគ្នាថត។ ដោយឡែក លោក ជួប ច័ន្ទកក្កដា ហៅ រ៉ូលីន ទាក់ទងមិនបាន ធ្វើឲ្យស្ទះការងារលោក សោម ដូរ៉េ ទាំងអស់ ។</span></p>
<p><span style="color: #000000;">លោក សោម ដូរ៉េ ប្រកាសក្នុងបណ្ដាញសង្គមហ្វេសបុកថា «បើសិន All Friend ក្នុង Facebook ណាបានជួប ចែរ៉ូលីន ជួយផ្ដាំប្រាប់គាត់ផងណា លោក សោម ដូរ៉េ កំពុងតែដេកដើរ ឈរអង្គុយចាំការងារគាត់ លោកបានខលតាមទូរស័ព្ទដៃ គាត់មិនលើក ខលតាមហ្វេសប៊ុកមិនឆ្លើយ សារមិនតបឃើញតែសកម្មភាពក្នុងហ្វេសប៊ុក យ៉ាងម៉េចយ៉ាងម៉ា ជួយផ្ដល់ដំណឹងផង ដើម្បីបញ្ចប់ការងារ ព្រោះជិតដល់ថ្ងៃថត ! សូមអរគុណ..!» ។</span></p>
<p><span style="color: #000000;">ទោះបីជាយ៉ាងណា លោក រ៉ូលីន មិនបានតបត ទៅលោក សោម ដូរ៉េ ទេ ប៉ុន្តែរឿងរ៉ាវបែបនេះ ត្រូវបានគេមើលឃើញថា ភាគច្រើនកើតឡើងលើតែតារាល្បីៗ សម្រាប់អ្នកមិនទាន់ល្បីភាគច្រើន ទៅអង្គុយចាំគេមុន ដើម្បីរង់ចាំថត ដែលអាចនិយាយជាភាសាសាមញ្ញបានថា «ល្បីហើយតំឡើងឫក»។</span></p>
<p><span style="color: #000000;">គេហទំព័រ Khmertaklinng នៅព្រឹកថ្ងៃទី១៧ ខែកុម្ភៈ នេះ មិនអាចទាក់ទង សុំការបំភ្លឺបន្ថែម ពីលោក រ៉ូលីន បានទេ ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/12745450_1348816058478034_7540142238654027703_n.jpg?oh=4089a15544f7915194d3e4488efa584f&oe=5770DC65" alt="" width="730" /></span></p>
<p style="text-align: center;"><span style="color: #000000;"><strong>លោក ជួប ច័ន្ទកក្កដា ហៅ រ៉ូលីន </strong></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpt1/v/t1.0-9/12717824_1348816091811364_3794334628207000801_n.jpg?oh=deacbc1f77c88399f52c5bc3978716ca&oe=572394C0&__gda__=1462676288_24601d0c5e09823bc7c719f2568e0469" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/12744324_1348816118478028_8482084517286858105_n.jpg?oh=ffba547dd6238308213064ccd9294daf&oe=57627755" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12745679_1348816115144695_4914617781024772580_n.jpg?oh=b0fea0eb0eb0d606ff7bb22bbef17d4b&oe=575FB8B9" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpl1/v/t1.0-9/12715454_1348816055144701_4922605038571079465_n.jpg?oh=e68289ff220f102b5b64e439123d08de&oe=57233324&__gda__=1465691776_1696905d2a2547bbfe401edaded41718" alt="" width="730" /></span></p>
<p style="text-align: center;"><span style="color: #000000;"><strong>លោក សោម ដូរ៉េ </strong></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xaf1/v/t1.0-9/12745980_1348816051811368_5966474791525292883_n.jpg?oh=c01fda678dbb19204dea75201916e0b6&oe=57685E06&__gda__=1466564785_a369e57259c17d8021ee751c7b94ff47" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xtp1/v/t1.0-9/12744267_1348816158478024_7021467644954523664_n.jpg?oh=4f254b39f4cf52dffb1930e201d3ba2e&oe=576F2FAC&__gda__=1462065034_dbdf1e292095d5336ffdd3f6788f8e64" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>