<p><span style="color: #000000;">នេះគឺជាលើកដំបូងហើយដែលជនល្មើសម្នាក់ត្រូវបានសម្លាប់ដោយរ៉ូបូត នៅក្នុង “សមរភូមិ”។</span></p>
<p><span style="color: #000000;">ខ្មាន់កាំភ្លើងដែលបានបាញ់ប្រហារទៅលើកងកម្លាំងនគរបាលនៅ Dallas អាមេរិក កាលពីម្សិល</span><br /><span style="color: #000000;">មិញ ត្រូវបានសម្លាប់ដោយការបំផ្ទុះគ្រាប់បែកដោយរ៉ូបូត។ ក្នុងសន្និសីទកាសែតផ្លូវការអំពីករណី</span><br /><span style="color: #000000;">បាញ់ប្រហារខាងលើ លោក David Brown មេបញ្ជាការនគរបាលនៅ Dallas ថ្លែងថា រ៉ូបូតត្រូវ</span><br /><span style="color: #000000;">បានបញ្ជូនទៅកន្លែងកើតហេតុ បន្ទាប់ពីការចរចាជាមួយជនល្មើស មិនបានសម្រេច។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/9/ro-09-07-2016--08-38-55.jpg"><span style="color: #000000;"><img src="/FileManager/Articles/mce/2016/7/9/ro-09-07-2016--08-38-55.jpg" alt="" /></span></a></span></p>
<p style="text-align: center;"><span style="color: #000000;">រ៉ូបូតដែលតែងតែត្រូវបានទាហានអាមេរិកប្រើក្នុងសមរភូមិ</span><br /><br /></p>
<p><span style="color: #000000;">លោក David Brown បន្តថា “យើងខ្ញុំ មិនមានជម្រើសអ្វីផ្សេង ក្រៅតែពីប្រើប្រាស់រ៉ូបូតដើម្បីបំផ្ទុះ</span><br /><span style="color: #000000;">គ្រាប់បែកនៅកន្លែងដែលជនល្មើសកំពុងលាក់ខ្លួន”។ ជនល្មើសត្រូវបានសម្លាប់ បន្ទាប់ពីការបំផ្ទុះ</span><br /><span style="color: #000000;">គ្រាប់បែករបស់រ៉ូបូត។</span></p>
<p><span style="color: #000000;">នៅក្នុងសេចក្ដីប្រកាសមុននេះ ចៅហ្វាយក្រុង Dallas បានឱ្យដឹងថា មានតែជនល្មើសម្នាក់គត់</span><br /><span style="color: #000000;">ដែលត្រូវបានសម្លាប់ដោយរ៉ូបូត។</span></p>
<p><span style="color: #000000;">រ៉ូបូតដែលត្រូវបានប្រើប្រាស់ក្នុងការសម្លាប់ជនល្មើសនេះ ក៏ត្រូវបាននគរបាល និងទាហាន</span><br /><span style="color: #000000;">អាមេរិក ប្រើសម្រាប់គោលដៅផ្សេងៗគ្នា អាស្រ័យទៅលើមុខសញ្ញា និងភាពចាំបាច់នៃបញ្ហា។</span><br /><span style="color: #000000;"> ឧទាហរណ៍ដូចជា ករណីនគរបាល San Jose បានប្រើរ៉ូបូត បញ្ជូននំភីហ្ស៊ា និងទូរស័ព្ទទៅឱ្យ</span><br /><span style="color: #000000;">បុរសម្នាក់ ដើម្បីបញ្ចុះបញ្ចូលគាត់កុំឱ្យធ្វើអត្តឃាតជាដើម។ ប៉ុន្តែ ក្រៅពីនេះ រ៉ូបូតនេះ ត្រូវបាន</span><br /><span style="color: #000000;">គេប្រើដូចជាអាវុធទំនើប។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/9/ro1-09-07-2016--08-39-59.jpg"><span style="color: #000000;"><img src="/FileManager/Articles/mce/2016/7/9/ro1-09-07-2016--08-39-59.jpg" alt="" /></span></a></span></p>
<p style="text-align: center;"><span style="color: #000000;">រូបភាពរ៉ូបូតដែលត្រូវប្រើប្រាស់ដើម្បីបញ្ជូននំភីហ្ស៊ា និងទូរស័ព្ទទៅឱ្យបុរស</span><br /><span style="color: #000000;">ដែលកំពុងមានបំណងសម្លាប់ខ្លួន</span><br /><br /></p>
<p><span style="color: #000000;">មិនដូចរ៉ូបូតដែលត្រូវបានបំពាក់បច្ចេកវិទ្យាឆ្លាតវៃនោះទេ រ៉ូបូតដែលនគរបាលប្រើប្រាស់ក្នុង</span><br /><span style="color: #000000;">ករណីបំផ្ទុះគ្រាប់បែកខាងលើ គឺជារ៉ូបូតដែលមនុស្សអាចបញ្ជាបានទាំងស្រុង។ ក្រៅពីការទម្លាក់</span><br /><span style="color: #000000;">គ្រាប់បែកដោយយន្តហោះគ្មានមនុស្សបើកនៅក្នុងសង្គ្រាម នេះគឺជាករណីទីមួយហើយដែល</span><br /><span style="color: #000000;">រ៉ូបូតត្រូវបានប្រើប្រាស់ដើម្បីសម្លាប់ជនល្មើសនៅក្នុងសមរភូមិ។</span></p>
<p style="text-align: right;"><span style="color: #000000;">ប្រែសម្រួល ៖ បុត្រា</span></p>