<p><span style="color: #000000;"><strong>(ភ្នំពេញ)៖</strong> មេដឹកនាំកំពូលរបស់កម្ពុជា សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ត្រូវបានបណ្តាញសង្គម Facebook ផ្តល់ចំណាត់ខ្ពស់បំផុត ដែលមានអ្នក Like ច្រើនជាងគេជាប្រចាំថ្ងៃ នេះបើយោងតាមបណ្តាញសង្គមវាស់ស្ទង់ Socialbakers ចេញនៅថ្ងៃទី១៦ ខែមករា ឆ្នាំ២០១៦នេះ។ ការផ្តល់នេះផ្តោតតែលើមេដឹកនាំកម្ពុជា ៣រូបតែប៉ុណ្ណោះ ។</span></p>
<p><span style="color: #000000;">Socialbakers បានជ្រើសរើសយកមេដឹកនាំកម្ពុជា ៣រូប ដែលមានអ្នក Like ច្រើនជាងគេ (ប្រចាំថ្ងៃ)៖</span><br /><span style="color: #000000;"><strong>១៖ សម្តេចតេជោ ហ៊ុន សែន នាយករដ្ឋមន្រ្តី មានចំនួនអ្នក Like = 10760</strong></span><br /><span style="color: #000000;"><strong>២៖ លោក សម រង្ស៊ី មានចំនួនអ្នក Like = 3543</strong></span><br /><span style="color: #000000;"><strong>៣៖ លោក កឹម សុខា មានចំនួន Like = 693</strong></span></p>
<p><span style="color: #000000;">សូមជំរាបថា Facebook របស់សម្តេចតេជោ ហ៊ុន សែន មានសន្ទុះនិងនិយមចូលចិត្តកាន់តែកើនឡើងខ្លាំង ចាប់តាំងពី សម្តេចតេជោ ហ៊ុន សែន បង្កើតឱកាសទំនាក់ទំនងជិតស្និទ្ឋ ដោយផ្ទាល់ពីប្រជាពលរដ្ឋទូទាំងប្រទេស និងបានយកចិត្តទុកដាក់ដោះស្រាយបញ្ហាជាតិ ជាច្រើនដែលប្រជាពលរដ្ឋបានទទួលការអបអរសាទរកន្លងមកថ្មីៗនេះ រួមទាំងការសម្រេចអត់ឲ្យពលរដ្ឋបង់ថ្លៃប័ណ្ណបើកបរម៉ូតូកម្លាំងចាប់ពី ១២៥cc ចុះក្រោម, ទម្លាក់តម្លៃបណ្ណបើកបររថយន្តចុះពាក់កណ្តាល, អនុញ្ញាត្តឲ្យម្ចាស់យានយន្តចង្កូតស្តាំ ទៅបង់ពន្ធដោយមិនចាំបាច់កែចង្កូត, អត់ឲ្យបង់ថ្លៃការផ្ទេរមរតកអចលនទ្រព្យ ពីជីដូន-ជីតា ទៅចៅ ពីប្តីទៅប្រពន្ឋ ពីឪពុកម្តាយទៅកូន និងបានយកមកវិញនូវផ្លួវវេងស្រេង និង ចុងក្រោយបានយកផ្លូវជាតិលេខ៤ មកក្រោមការគ្រប់គ្រងរបស់រដ្ឋវិញ គឺប្រជាពលរដ្ឋអស់ព្រួយបារម្ភពីការចំណាយប្រាក់កាស។</span></p>
<p><span style="color: #000000;">សកម្មភាពរបស់ប្រមុខរាជរដ្ឋាភិបាលនេះ បានធ្វើឲ្យប្រជាពលរដ្ឋពិតជាសប្បាយអរបអរសាទរ ចំពោះសេចក្តីសម្រេចចិត្តដ៏ល្អត្រឹមត្រូវបំផុត របស់សម្តេចតេជោ ហ៊ុន សែន ដែលតម្កល់ផលប្រយោជន៍ជាតិ និងប្រជាជនជាធំបំផុត។ នេះគឺជាប្រជាប្រិយភាពរបស់សម្តេចនាយករដ្ឋមន្រ្តី ដែលទទួលបានការគោរពស្រឡាញ់យ៉ាងខ្លាំងទាំងប្រជាពលរដ្ឋក្នុង និងក្រៅប្រទេស។</span></p>
<p><span style="color: #000000;">គិតមកត្រឹមយប់ថ្ងៃសៅរ៍នេះ Facebook លោក សម រង្ស៊ី មានចំនួនជាង២លាននាក់, Facebook សម្តេចតេជោ ហ៊ុន សែន មានចំនួនជិត២លាននាក់ និងលោក កឹម សុខា មានចំនួនជាងកន្លះលាននាក់តែប៉ុណ្ណោះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/16/10a-16-01-2016--22-16-04.png"><img src="/FileManager/Articles/mce/2016/1/16/10a-16-01-2016--22-16-04.png" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>