<div>
<p><span style="color: #000000;"><strong>(ភ្នំពេញ)៖</strong> តារាកំប្លែងប្រុស-ស្រីពីររូប គឺលោក ជូង ជី ហៅនាយ កុយ និងតារាស្រីពហុជំនាញ អ្នកនាង ខាត់ សុឃីម ថ្មីៗនេះ ត្រូវបានអ្នកលេង Facebook ម្នាក់ លើកសរសើរពីអត្តចរឹកឫកពារ ព្រមទាំងពាក្យសម្តី និយាយបានសមរម្យមិនចេះលេងកំប្លែង ប្រើពាក្យសម្តីចំអេសចំអាស ដូចតារាកំប្លែងស្រី-ប្រុស ដទៃទៀតឡើយ។</span></p>
<p><span style="color: #000000;">តាមរយៈ Account Facebook មួយឈ្មោះថា «Lin Bebe» បានសរសេរបង្ហោះ ជាសាធារណៈដោយមានភ្ជាប់មក ជាមួយរូបថតនាយ កុយ និងអ្នកនាង ខាត់ សុឃីម ថតរួមគ្នាថា «ខ្ញុំចូលចិត្តពួកគាត់ ត្រង់ពាក្យសម្តីមិនចំអេសចំអាស ដូចតារាកំប្លែងឥឡូវទេ បានល្បីបន្តិចតម្លើងឫក។ ពួកគាត់បានផ្តល់ការអប់រំ តាមរយៈការលេងកំប្លែង អ៉ីចឹងបានគេយកពួកគាត់ ធ្វើជាគណៈកម្មាធិការ Cambodia’s Got Talent ..!»។</span></p>
<p><span style="color: #000000;">ទន្ទឹមគ្នានឹងការលើកសរសើរ ពីសំណាក់ម្ចាស Account Facebook ឈ្មោះ Lin Bebe ខាងលើនេះ គេក៏សង្កេតឃើញមានមហាជន អ្នកលេងហ្វេសប៊ុកមួយចំនួនធំ ក៏បានបញ្ចេញមតិគាំទ្រ និងលើកសរសើរពីតារាកំប្លែងនាយ កុយ និងអ្នកនាង ខាត់ សុឃីម ស្រដៀងគ្នានេះថា ពួកគេក៏ស្រឡាញ់តារាប្រុស-ស្រីទាំងពីរូបនេះដែរ ។ អ្នកកំប្លែងសម័យឥឡូវ គេមិនដែលមើលសោះ។</span></p>
<p><span style="color: #000000;">ដោយឡែកសម្រាប់តារាស្រីពហុជំនាញអ្នកនាង ខាត់ សុឃីម ឯណេះវិញ បន្ទាប់ទទួលបានការសរសើរនេះហើយ នាងក៏បានចេញមុខសរសេរតបវិញថា «អរគុណប្អូនស្រី Lin Bebe ដែលបានគាំទ្របង កុយ និងបង តាមពិតការសម្តែងរបស់ពួកបង តែងតែចង់ឲ្យមហាជនសប្បាយ តែសប្បាយជាមួយពាក្យល្អៗ។ អរគុណប្អូនស្រីអស់ពីចិត្ត បងនឹងខំរកអ្វីល្អៗ មកសម្តែងបន្តទៀត ជួយគាំទ្របន្ត ពួកខ្ញុំកាន់តែមានទឹកចិត្ត Love you all..!»។</span></p>
<p><span style="color: #000000;">សូមបញ្ជាក់ថា នេះមិនមែនទើបតែជាលើកទី១ទេ សម្រាប់តារាកំប្លែងនាយ កុយ និងអ្នកនាង ខាត់ សុឃីម ដែលទទួលបាននូវពាក្យសម្តី កោតសរសើរពីសមត្ថភាព និងទេពកោសល្យកំប្លែងក្នុងន័យអប់រំ ដល់ទស្សនិកជន និងយុវជនក្នុងសង្គមបច្ចុប្បន្ន ដោយប្រើសម្តីសមរម្យមានសីលធម៌នោះ ព្រោះកន្លងមកក៏ធ្លាប់មានការ លើកសរសើរផងដែរ ពីការគោរពពេលវេលា ក្នុងការសម្តែង ផ្ទុយពីតារាថ្មីៗ ដែលមានឈ្មោះល្បីភ្លាម ចាប់ផ្ដើមតម្លើងឫក មើលស្រាលទៅលើពេលវេលា និងការងារនោះឡើយ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/8412_237049953294181_5609851010236979367_n.jpg?oh=84105b08183b2372186200bc59971356&oe=5759D15F" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12801394_237049916627518_237625846576522966_n.jpg?oh=9c1a8a202d288c50d6d41a1847f8a32e&oe=575C57F4" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12688178_237049919960851_2182908145636238371_n.jpg?oh=b6cd7b04309cff07383e291ee83b248b&oe=57603C71" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlf1/v/t1.0-9/10154918_237049913294185_5138527842670529960_n.jpg?oh=686ea5e50c5d42abae376ee246597e09&oe=575C94CA" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xtl1/v/t1.0-9/12803040_237049956627514_1861269085239699833_n.jpg?oh=078b7f34f7f82e672cceac4b004ecf2a&oe=574CBA4D&__gda__=1465885168_77775e0562e0eb6c5f4eec16e273efde" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xfl1/v/t1.0-9/12795439_237049969960846_2776489396111128982_n.jpg?oh=3699785d308583c30f719c10db59a9e1&oe=576AE5EB&__gda__=1465126121_aa9b00cadaba827032c5b936fb3ba269" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>