<p class="item-page"><span style="color: #000000;"><strong>ភ្នំពេញ៖</strong>នៅពេញមួយថ្ងៃនេះ កម្លាំងគយចល័ត នៃនាយកដ្ឋានបង្ការ និងបង្រ្កាបបទល្មើស នៃអំពើគេចពន្ធ សហការជាមួយ កម្លាំងអាវុធហត្ថ ក្រុងភ្នំពេញ (ខណ្ឌ៧មករា) និងអាជ្ញាធរមូលដ្ឋាន សម្របសម្រួលដោយព្រះរាជអាជ្ញារង រាជធានីភ្នំពេញ លោក មាស ច័ន្ទពិសិដ្ឋ បានចាប់ទុកឃាត់ម៉ូតូស៊េរីទំនើបៗចំនួន៤៩គ្រឿង ដែលអត់បានបង់ពន្ធ ស្ថិតនៅផ្ទះលេខ១៤អឺអូ ផ្លូវលេខ២៦០ សង្កាត់វាលវង់ ខណ្ឌ៧មករា ម្តុំរោងកុនគីរីរម្យ នេះបើយោងតាមមន្រ្តីគយចល័ត ដែលចុះចាប់ម៉ូតូខាង លើនេះថ្លែងប្រាប់ឲ្យដឹងយ៉ាងដូច្នេះ នៅល្ងាចថ្ងៃទី២៧ ខែតុលា ឆ្នាំ២០១៥នេះ។</span></p>
<p><span style="color: #000000;">មន្រ្តីគយចល័តរូបនោះបានបញ្ជាក់ថា ម៉ូតូដែលអត់បង់ពន្ធទាំងនោះ ជាប្រភេទម៉ូតូស៊េរីទំនើបៗ មានតម្លៃចាប់ពី ២០០០ដុល្លារ ដល់ ៥០០០ដុល្លារ សហរដ្ឋអាម៉េរិក ហើយជាមុខសញ្ញាសម្រាប់នាំចេញទៅប្រទេសវៀតណាម។ ហើយឥឡូវនេះ ត្រូវបាននាំយកទៅរក្សាទុកនៅនាយកដ្ឋានបង្ការ និងបង្ក្រាបបទល្មើសនៃអំពើគេចពន្ធ។ </span></p>
<p><span style="color: #000000;">មន្រ្តីគយចល័តបានបញ្ជាក់ថា កម្លាំងគយចល័ត នៃនាយកដ្ឋានបង្ការ និងបង្រ្កាបបទល្មើសនៃអំពើគេចពន្ធ នឹងបន្តចុះបើក ប្រតិបត្តិការត្រួតពិនិត្យរាល់ទំនិញទាំងឡាយណាដែលគេចពន្ធ ឲ្យដូចភ្លៀងរលឹម និងជាប្រចាំ។</span></p>
<p><span style="color: #000000;">នាយកដ្ឋានគយ និងរដ្ឋាករ សូមអំពាវនាវដល់ម្ចាស់យានយន្ត, ម៉ូតូ និងទំនិញទាំងឡាយណា ដែលមិនបានបំពេញ កាតព្វកិច្ចបង់ពន្ធត្រឹមត្រូវ សូមរួសរាន់ប្រញាប់មកបង់ពន្ធជាបន្ទាន់ ជៀសវាងប្រឈមនឹងការចាប់ និងផាកពិន័យ៕</span></p>
<p><a class="thickbox" title="" href="/FileManager/Commons/2015/10/28/10-28-2015-8-31-30-am-28-10-2015--08-40-12.png"><img src="/FileManager/Articles/mce/2015/10/28/10-28-2015-8-31-30-am-28-10-2015--08-40-12.png" alt="" /></a></p>
<p><a class="thickbox" title="" href="/FileManager/Commons/2015/10/28/10-28-2015-8-31-47-am-28-10-2015--08-40-22.png"><img src="/FileManager/Articles/mce/2015/10/28/10-28-2015-8-31-47-am-28-10-2015--08-40-22.png" alt="" /></a></p>
<p><a class="thickbox" title="" href="/FileManager/Commons/2015/10/28/10-28-2015-8-32-01-am-28-10-2015--08-40-32.png"><img src="/FileManager/Articles/mce/2015/10/28/10-28-2015-8-32-01-am-28-10-2015--08-40-32.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ដើមអម្ពិល</span></p>