<p><span style="color: #000000;"><strong>(ភ្នំពេញ)៖</strong> បន្ទាប់ពីធ្លាក់ខ្លួនឈឺ ហើយចំណាយពេលព្យាបាល នៅមន្ទីរពេទ្យក្នុងស្រុក អស់រយៈពេលជាច្រើនថ្ងៃ ហើយអាការៈជំងឺហាក់នៅតែមិនធូរស្រាលនោះ ពេលនេះព្រឹទ្ធាចារ្យល្ខោនខោល លោកតា យិត សារិន ហៅលោកគ្រូ ស ដែលមានវ័យ៩១ឆ្នាំ ត្រូវបានក្រុមគ្រួសារបញ្ជូនតាមរថយន្ត ទៅសង្គ្រោះបន្ទាន់ នៅប្រទេសថៃ។</span></p>
<p><span style="color: #000000;">បើតាមការឲ្យដឹង ពីសំណាក់តារាសម្តែងប្រុសល្បីឈ្មោះ និងតែងតែកៀរគរកម្លាំងមនុស្សធម៌ជួយដល់សង្គម លោក សាវិន ហ្វីលីព បាននិយាយថា ពេលនេះលោកសាស្រ្តាចារ្យ ល្ខោនខោល យិត សារិន អាយុ៩១ឆ្នាំ ហៅលោកគ្រូ ស កំពុងធ្វើដំណើរ តាមរថយន្តចេញពីភ្នំពេញ ទៅខេត្តសុរិន្ទប្រទេសថៃ ដើម្បីព្យាបាលជំងឺជាបន្ទាន់ នាជីវិតចុងក្រោយរបស់គាត់ ដោយត្រូវធ្វើដំណើរឆ្លងកាត់ខេត្តសៀមរាប ។</span></p>
<p><span style="color: #000000;">តារាសម្តែងក្នុងភាពយន្តលំដាក់អន្តរជាតិ «JailBreak» ឬ«ការពារឧក្រិដ្ឋជន» លោក សាវិន ហ្វីលីព បានបញ្ជាក់ថា <strong>«លោក យៀង វ៉ាន់ឌី ដែលជាកូនសិស្សរបស់គាត់ ដែលកំពុងជូនដំណើរលោកតា បានបា្រប់មុននេះថា គាត់នឹងត្រូវឈប់សម្រាក នៅក្នុងខេត្តសៀមរាបសិន ដើម្បីទទួលថវិកាឧបត្ថម ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន មុនបន្តដំណើរ ទៅខេត្តសុរិន »</strong>។</span></p>
<p><span style="color: #000000;">ជាមួយគ្នានេះ តារាប្រុសលោក សាវិន ហ្វីលីព ក៏បានបន្ថែមថា<strong> «មូលនិធិ “សាវិន” ដើម្បីកុមារ និងមូលនិធិតារារះថ្មី របស់តារាបង្ហាញម៉ូត អេនណា សូរ្យ នឹងប្រគល់ជូនថវិកា ដែលប្រមូលបានពីសប្បុរសជនទាំងអស់ ជូនគាត់ពេលគាត់ត្រឡប់មកដល់ភ្នំពេញវិញ!»</strong>។</span></p>
<p><span style="color: #000000;">សូមបញ្ជាក់ថា កាលពីថ្មីៗនេះព្រឹទ្ធាចារ្យល្ខោនខោល លោកតា យិត សារិន ក៏បានចេញឃ្លីបវីដេអូមួយ ដើម្បីធ្វើការអំពាវនាវ ដង្ហើយសុំជំនួញ ពីសប្បុរសជន មេត្តាឧបត្ថម្ភជួយថវិកា ក្នុងការព្យាបាលជំងឺ ខណៈក្រុមគ្រួសាររបស់លោកតា ហាក់មានជីវភាពខ្វះខាងខ្លាំង៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-20-12-03-36-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-20-12-03-42-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-20-12-03-46-0.jpg" alt="" width="730" /><img src="https://fb-s-c-a.akamaihd.net/h-ak-xlf1/v/t1.0-9/15578698_10202858266973050_7487836233001895501_n.jpg?oh=8e56cba42cd25d5c574c7e8a28856f14&oe=58F14489&__gda__=1491966936_c65dcda89e4fc3b06c604f9412d69300" alt="Image may contain: one or more people" /><img src="https://fb-s-b-a.akamaihd.net/h-ak-xap1/v/t1.0-9/15622051_10202858267093053_233701658265889089_n.jpg?oh=95badbdd04313e0462dbc0a8659431a9&oe=58DDFBB0&__gda__=1492679582_052a87390d7cfef6035c2a4d98d528de" alt="Image may contain: one or more people and people sitting" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>