<p><span style="color: #000000;"><strong>(ប៉ារីស)៖</strong> កីឡាករខ្សែប្រយុទ្ធជួរមុខ Olivier Giroud អាចអវត្តមានពីក្រុមជម្រើសជាតិបារាំង ក្នុងវគ្គពាក់កណ្តាលផ្តាច់ព្រ័ត្រ ដែលត្រូវជួបក្រុមខ្លាំងឥន្រ្ទីដែកអាល្លឺម៉ង់ រាត្រីស្អែកនេះ ដោយសារតែទទួលរងរបួសជង្គង់ខាងឆ្វេង ពេលហ្វឹកហាត់ថ្ងៃអង្គារម្សិលមិញនេះ។</span></p>
<p><span style="color: #000000;">សារព័ត៌មាន Dailymail បានផ្សាយឲ្យដឹងថា កីឡាករមកពីក្លឹបកាំភ្លើង Arsenal ខាងលើនេះ បានចូលស្ទើរតែគ្រប់ការ ប្រកួតរបស់បារាំង ដោយខកខានតែ១ប្រកួតប៉ុណ្ណោះ ពេលម្ចាស់ផ្ទះប្រកួតស្មើ ០-០ ទល់នឹងស្វីសនៅថ្ងៃបញ្ចប់ប្រកួត ជម្រុះសន្សំពិន្ទុក្នុងពូល A នៅ Euro 2016 លើកទី១៥នេះ ដោយរកគ្រាប់ស៊ុតបញ្ចូលទីបាន ៤គ្រាប់ដែរពីការចូល លេងបាន៤ប្រកួត ដោយគ្រាប់ទី១ រកបានពេលប្រកួតឈ្នះរ៉ូម៉ានី ២-១ នៅថ្ងៃបើកឆាក និង ២គ្រាប់ទៀត ពេលមាន់គកបារាំង បំបាក់អ៊ីស្លង់ ៥-២ ក្នុងវគ្គ៨ក្រុម។</span></p>
<p><span style="color: #000000;">តារាវ័យ ២៩ឆ្នាំ Giroud ត្រូវបានគ្រូបង្វឹកបារាំងលោក Didier Deschamps ចាត់ទុកជាខ្សែប្រយុទ្ធដ៏ទុកចិត្តបាន និងដាក់ចូលលេងជំនួសកីឡាករខ្សែប្រយុទ្ធដូចគ្នា Andre-Pierre Gignac និងរង់ចាំចម្លើយចុងក្រោយពីវេជ្ជបណ្ឌិតពី អាការៈរបស់គេ ថាតើអាចចូលបានវិញ ឬយ៉ាងណា?</span></p>
<p><span style="color: #000000;">ងាកទៅមើលក្រុមឥន្រ្ទីដែកអាល្លឺម៉ង់ ដែលទើបតែបានទម្លាក់អាសូរីអ៊ីតាលី ៦-៥ ដោយបាល់ប៉េណាល់ទីក្នុងវគ្គ៨ក្រុមនោះ ក៏កំពុងជួបបញ្ហាកីឡាកររបួស ៤នាក់ផងដែរ គឺខ្សែប្រយុទ្ធជួរមុខ Mario Gomez រមួលសាច់ដុំ, ខ្សែបម្រើប្រយុទ្ធ Sami Khedira របួសជង្គង់, Bastian Schweinsteiger របួសសាច់ដុំកំភួនជើង និងកីឡាករខ្សែការពារឆ្នើម Mats Hummels របួសជង្គង់។</span></p>
<p><span style="color: #000000;">សូមបញ្ជាក់ផងដែរថា ម្ចាស់ផ្ទះបារាំង ត្រូវប៉ះអាល្លឺម៉ង់ នាម៉ោង ២រំលងអាធ្រាត្រយប់ស្អែកនេះ (ម៉ោងនៅកម្ពុជា) ក្នុងពហុកីឡដ្ឋាន Stade Velodrome ស្ថិតក្នុងទីក្រុង Marseille ក្រោយពេល វ៉េល ប៉ះព័រទុយហ្គាល់ ម៉ោង ២រំលងអាធ្រាត្រយប់នេះ នៅក្នុងទីក្រុង Lyon៕</span></p>
<p><span style="color: #000000;"><img src="http://i.dailymail.co.uk/i/pix/2016/07/05/23/35EF4A7700000578-0-image-a-54_1467757311408.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/07/05/23/35EDDFFB00000578-0-image-m-56_1467757422085.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/07/05/23/35F2AF0300000578-0-image-a-52_1467757290414.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/07/05/23/35F015C800000578-0-image-a-53_1467757299548.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>