<p><span style="color: #000000;">Huawei បានប្រកាសថា ពួកគេនឹងយកឈ្នះ Apple ក្នុងរយះពី ២ ទៅ ៣ ឆ្នាំខាងមុខទៀត ហើយនឹង ក្លាយជាក្រុមហ៊ុនផលិតទូរស័ព្ទលំដាប់ទី២ លើពិភពលោក។ នៅក្នុង ៥ឆ្នាំទៅមុខទៀត ពួកគេនឹងយក ឈ្នះតំណែងលំដាប់លើគេ ពីដៃរបស់ Samsung។ </span></p>
<p><span style="color: #000000;"><a class="thickbox" title="" href="/FileManager/Commons/2016/2/25/huawei2015073101-5525-1456303504-25-02-2016--16-23-01.jpg"><img src="/FileManager/Articles/mce/2016/2/25/huawei2015073101-5525-1456303504-25-02-2016--16-23-01.jpg" alt="" /></a><br /></span></p>
<p class="Normal"><span style="color: #000000;">បច្ចុប្បន្ន Huawei កំពុងតែឈរនៅលំដាប់លេខរៀងទី៣ លើពិភពលោក ស្តីពីស្មាតហ្វូន ដោយបាន កើនឡើងយ៉ាងខ្លាំងក្លានៅក្នុងឆ្នាំ ២០១៥ ហើយក៏សង្ឃឹមថាបន្តការកើនឡើងថែមទៀត នៅក្នុងឆ្នាំនេះ ជាមួយនឹងគោលដៅកើនឡើង ៣០% បរិមាណផលិតលក់ចេញ បើប្រៀបទៅនឹងឆ្នាំ ២០១៥។ បើតាម លោក Richard Yu អ្នកឈរលំដាប់កំពូលផ្នែកឧបករណ៍កាន់ដៃ និងជានាយកប្រតិបត្តិរបស់ Huawei បានថ្លែងឲ្យដឹងថា ឆ្នាំនេះក្រុមហ៊ុន Huawei នឹងបង្កើនធ្វើទំនាក់ទំនងជាមួយនឹងបណ្តាក្រុមហ៊ុនចែក ចាយរបស់អាមេរិច។ កាលពីឆ្នាំមុន ក្រុមហ៊ុន Huawei ត្រូវបានគេស្គាល់បានទូលំទូលាយជាងមុន នៅសហរដ្ឋអាមេរិច តាមរយះភាពជោគជ័យនៃការដាក់បញ្ចេញលក់ Nexus 6P ដែលជាស្មាតហ្វូន Nexus ដំបូងគេផលិតដោយ Huawei។ <br /></span></p>
<p class="Normal"><span style="color: #000000;">គួរបញ្ជាក់ផងដែរ ឆ្នាំមុន Huawei លក់ស្មាតហ្វូនបានចំនួន ១០៤,១ លានគ្រឿង នៅទូទាំងពិភពលោក គឺដណ្តើមបាន ៧,៣% នៅលើទីផ្សារភាគហ៊ុន ដែលបានកើនពីចំនួន ៦៨,១ លានគ្រឿង បរិមាណ លក់ចេញ ស្មាតហ្វូនកាលពីឆ្នាំ ២០១៤។ ក្នុងនោះ Apple លក់បានចំនួន ២២៥,៩ លានគ្រឿង iPhone កាលពីឆ្នាំ ២០១៥ ពោលដណ្តើមបាន ១៥,៩% ទីផ្សារភាគហ៊ុន។ រីឯ Samsung ឈរលំដាប់លើគេ ជាមួយនឹងការលក់ស្មាតហ្វូនចេញបាន ៣២០,២ លានគ្រឿង នៅក្នុងឆ្នាំ ២០១៥ គឺដណ្តើមបាន ២២,៥% ទីផ្សារហ៊ុន ស្មាតហ្វូន៕</span></p>
<p class="Normal"><a href="http://www.camnews.com.kh/News/Detail/16886/this-is-the-iphone-se"><span style="color: #0000ff;"><em>- អានអត្ថបទ៖ iPhone 5se មានរូបរាងដូច្នេះ ដោយប៊ូតុង Power ប្តូរទៅដាក់នៅ ចំហៀងវិញ ដូចនឹង iPhone 6 (s)?</em></span></a><br /><a href="http://www.camnews.com.kh/News/Detail/11669/xiaomis-mi-5-new-4-axis-stabilization"><span style="color: #0000ff;"><em>- អានអត្ថបទ៖ Xiaomi បង្អួតសមត្ថភាពទប់រំញ័រ ដ៏អស្ចារ្យរបស់ Mi 5 ដែល iPhone 6S, 6S Plus ក៏ចាញ់ដែរ</em></span></a></p>
<p class="Normal"> </p>
<p class="Normal" style="text-align: right;">ប្រែសម្រួល៖ មង្គល<br />ប្រភព៖ PhoneArena, VE</p>