<p><span style="color: #000000;"><strong>(ព្រះសីហនុ)៖</strong> ក្មេងស្រី២នាក់ជាសិស្សសាលាបានជិះម៉ូតូឌុបគ្នានៅតាមផ្លូវ ហើយបត់មិនមើលមុខមើលក្រោយ ត្រូវរថយន្តម៉ាកអេស្កាឡែតស៊េរីទំនើបមួយគ្រឿង បើកមកដល់ចាប់ហ្វ្រាំងមិនទាន់ ក៏បុកពេញទំហឹងបណ្ដាលអោយប៉ើងទាំងម៉ូតូទាំងមនុស្ស ធ្លាក់ចិញ្ចើមផ្លូវស្លាប់ម្នាក់និងរងរបួសម្នាក់។</span></p>
<p><span style="color: #000000;">ហេតុការណ៍នេះបានកើតឡើងនៅវេលាម៉ោងប្រមាណ ១០ព្រឹកថ្ងៃទី២២ ខែធ្នូ ឆ្នាំ២០១៥នេះ នៅតាមបណ្ដោយផ្លូវជាតិលេខ៤ ក្បែរច្រកចូលតំបន់សេដ្ឋកិច្ចពិសេស ក្នុងឃុំបិតត្រាំង ស្រុកព្រៃនប់ ខេត្តព្រះសីហនុ។</span></p>
<p><span style="color: #000000;">អត្តសញ្ញាណសពនិងក្មេងស្រីរងគ្រោះ និងជនបង្កជាអ្នកបើកបររថយន្ត មិនទាន់ត្រូវបានគេស្គាល់នៅឡើយទេ គេគ្រាន់តែដឹងថាភាគីក្មេងស្រីរងគ្រោះមានអាយុខ្ទង់ជាង ១០ឆ្នាំ ជាសិស្សសាលាជិះម៉ូតូម៉ាកស្កុបពីមួយគ្រឿងពណ៌ស។ ចំណែកភាគីបង្កភេទប្រុស ក្រោយបង្កហើយបានរត់គេចខ្លួនបាត់។</span></p>
<p><span style="color: #000000;">ប្រភពព័ត៌មានពីកន្លែងកើតហេតុបានអោយដឹងថា នៅមុនកើតហេតុ គេឃើញក្មេងស្រីខាងលើជិះម៉ូតូឌុបគ្នាក្នុងទិសដៅពីក្រុងព្រះសីហនុ ឆ្ពោះមកទិសខាងកើត។ លុះមកដល់ចំណុចកើតហេតុស្រាប់តែក្មេងស្រីខាងលើបត់ម៉ូតូឆ្លងផ្លូវ ទំនងត្រឡប់ក្រោយវិញក៏ត្រូវរថយន្តអេស្កាឡែតពណ៌ខ្មៅ បើកក្នុងល្បឿនលឿន មកដល់ក៏បុកពេញមួយទំហឹងបណ្ដាលឲ្យម៉ូតូ និងមនុស្សប៉ើងធ្លាក់ទៅក្នុងប្រឡាយបង្ហូរទឹក នៅអមសងខាងផ្លូវស្លាប់ម្នាក់របួសម្នាក់តែម្ដងទៅ។</span></p>
<p><span style="color: #000000;">បច្ចុប្បន្នសមត្ថកិច្ចបានចុះទៅវាស់វែង និងដឹកជញ្ជូនម៉ូតូ និងរថយន្តបង្កយកទៅរក្សាទុក ដើម្បីធ្វើការដោះស្រាយបន្ត៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/22/09q-22-12-2015--15-17-22.jpg"><img src="/FileManager/Articles/mce/2015/12/22/09q-22-12-2015--15-17-22.jpg" alt="" /></a></span></p>
<p><a class="thickbox" title="" href="/FileManager/Commons/2015/12/22/09r-22-12-2015--15-17-29.jpg"><img src="/FileManager/Articles/mce/2015/12/22/09r-22-12-2015--15-17-29.jpg" alt="" /></a></p>
<p><a class="thickbox" title="" href="/FileManager/Commons/2015/12/22/08s-22-12-2015--15-17-54.jpg"><img src="/FileManager/Articles/mce/2015/12/22/08s-22-12-2015--15-17-54.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>