<p><span style="color: #000000;">អ្នកវិភាគ Brian White រួមជាមួយនឹង Drexel Hamilton កំពុងតែមានដំណើរទស្សនកិច្ចនៅក្រុមហ៊ុន បច្ចេកវិទ្យាចិនមួយ។ លោកបានបង្ហាញឲ្យដឹងនូវការស្រាវជ្រាវមួយ ជាមួយនឹង Feature ជាច្រើន នៃបណ្តាផលិតផលថ្មីៗពីក្រុមហ៊ុន Apple ដែលរួមមាន iPhone 7, 7 Plus និង Apple Watch 2។</span></p>
<p dir="ltr"><span style="color: #000000;">ក្នុងនោះ Apple Watch 2 ត្រូវបានឲ្យដឹងថា នឹងមានកម្រាស់ស្តើងជាងម៉ូដែលមុន ដល់ទៅ ៤០%។ ជាងនេះទៅទៀត White បានជឿជាក់ថា Apple នឹងធ្វើការបង្ហាញណែនាំផលិតផលនេះ នៅក្នុង ព្រឹត្តិការណ៍ Worldwide Developers Conference 2016 ដែលនឹងធ្វើឡើងនៅខែមិថុនា ឆ្នាំ២០១៦ ខាងមុននេះ។ </span></p>
<p dir="ltr"><a class="thickbox" title="" href="/FileManager/Commons/2016/4/11/applewatch2-11-04-2016--14-40-05.png"><img src="/FileManager/Articles/mce/2016/4/11/applewatch2-11-04-2016--14-40-05.png" alt="" /></a></p>
<p dir="ltr"><span style="color: #000000;">ព័ត៌មានចចាមអារាមខាងលើនេះ វាជួនគ្នាជាមួយនឹងរបាយការណ៍មួយកាលពីខែវិច្ឆិកា ឆ្នាំមុនដែល មានប្រភពមកពី Qanta Computer បានឲ្យដឹងថា Apple Watch ជំនាន់ទី២ នឹងបង្ហាញខ្លួន នៅចុង ត្រីមាសទី២ ឆ្នាំ២០១៦។ បណ្តាព័ត៌មានផ្សេងទៀតៗបានបន្ថែមឲ្យដឹងថា Apple Watch ជំនាន់ថ្មី នឹងរក្សាទំហំអេក្រង់ដូចមុនដដែល ប៉ុន្តែវាមានបន្ថែមនូវកាមេរ៉ា FaceTime និងមានថាមពលថ្ម ប្រសើរជាមុន។ </span></p>
<p dir="ltr"><span style="color: #000000;">ការស្រាវជ្រាវរបស់ White ក៏បានបន្ថែមឲ្យដឹងថា iPhone 7 Plus នឹងជាម៉ូដែលស្មាតហ្វូនតែមួយគត់ ដែលមានកាមេរ៉ាភ្លោះ របស់ Apple ដែលនេះគឺជាព័ត៌មានព័ត៌មានចចាមអារាមមួយ ដែលមានការ ចុះផ្សាយជាច្រើន ពីបណ្តាគេហទំព័របច្ចេកវិទ្យាផ្សេងៗគ្នា បើទោះបីជាខាងក្រុមហ៊ុន Apple មិនមាន ការបញ្ជាក់ផ្លូវការណាមួយ ស្តីពីបញ្ហានេះនៅឡើយ៕</span></p>
<p dir="ltr"> </p>
<p style="text-align: right;" dir="ltr">ប្រែសម្រួល៖ មង្គល<br />ប្រភព៖ zing</p>