<p><span style="color: #000000;"><strong>(ភ្នំពេញ)៖</strong> ស្នេហាផ្អែមល្ហែមក្រៅឆាក ប្រៀបដូចស្រមោច និងស្ករវាងតារាសម្តែងនាងឡោម លក្ខិណា ជាមួយបុរសសង្ហាសម្បូរពុកមាត់ដែលមជ្ឈដ្ឋាន មហាជនធ្លាប់តែលើកសរសើរ ឥឡូវត្រូវបានប្រភពបង្ហើបថា ដើម្បីបានក្លាយជាអនាគតប្តី-ប្រពន្ធរស់នៅក្រោមដំបូលផ្ទះតែមួយរួមគ្នាដោយស្របច្បាប់ពេលនេះភាគីបុរសសង្សាបានទទូចស្នើកញ្ញា ឡោម លក្ខិណា ចង់រៀបអាពាហ៍ពិពាហ៍ក្នុងពេលឆាប់ៗខាងមុខនេះ តែគេក៏ពុំទាន់ដឹងថា នាងឆ្លើយយល់ព្រម OK ឬយ៉ាងណានៅឡើយទេ ។</span></p>
<p><span style="color: #000000;">គេចាំបានថា សម្រាប់រឿងរ៉ាវជីវិតឯកជនរបស់សម្តែងនាង ឡោម លក្ខិណា នៅក្រោយពេលផ្តាច់ការទាក់ទងស្នេហាជាមួយអតីតសង្សាចាស់ឌីជេ ក្តឹបដែលជាតារាចម្រៀងក្នុងរង្វង់សិល្បៈដូចគ្នាមកនោះ ត្រូវបានគេដឹងថា នាងបានជួបជំពប់ស្នេហាថ្មីដោយបានចាប់ផ្តើមសាងសម្ព័ន្ធមេត្រីភាពជាមួយបុរសសង្ហាម្នាក់មានឈ្មោះថា ពិសិដ្ឋ ។</span></p>
<p><span style="color: #000000;">ដំណឹងនៃការសាងសម្ព័ន្ធភាពស្នេហាថ្មី រវាងគូស្នេហ៍អ្នកទាំងពីរកាលនោះបានក្លាយជារឿងដ៏គួរឲ្យភា្ញក់ផ្អើល និងចាប់អារម្មណ៍មួយសម្រាប់ការ តាមដានចង់ដឹងពីជីវិតស្នេហ៍របស់ ឡោម លក្ខិណា ថាតើពួកគេអាចរក្សាចំណងស្នេហ៍នេះបានស្ថិតស្ថិរគង់វង្សដល់ថ្ងៃអនាគត ឬមួយយ៉ាងដែរ?</span></p>
<p><span style="color: #000000;">ប៉ុន្តែទីបំផុតអ្នកទាំងពីរប្រហែលអាចសម្រេចបានតាមបំណងប្រាថ្នាដូចក្តីស្រម៉ៃ ខណៈនេះថ្មីៗនេះមានព័ត៌មានទម្លាយថា សង្សា ឡោម លក្ខិណា គឺលោក ពិសិដ្ឋ មានគម្រោងសុំនាងរៀបការឆាប់ៗក្នុងឆ្នាំ២០១៦ នេះតែម្តង ។</span></p>
<p><span style="color: #000000;">គូស្នេហ៍កំលោះសង្ហារបស់កញ្ញា ឡោម លក្ខិណា ខាងលើបានសម្រេចកំណត់យកឆ្នាំ២០១៦ ជាឆ្នាំហុងស៊ុយសម្រាប់ពិធីអាពាហ៍ពិពាហ៍ បើសិនជាមាន ការឆ្លើយយល់ព្រមពីសំណាក់សាម៉ីខ្លួននាងផ្ទាល់ ។ ប៉ុន្តែជាចម្លើយមិនទាន់ត្រូវបានប្រភពណាមួយបញ្ជាក់ប្រាប់ឲ្យច្បាស់នៅឡើយទេថា តើនាង ឡោម លក្ខិណា យល់ព្រមតាមសុំណើចង់បានរបស់គូស្នេហ៍ ឬមួយយ៉ាងណានោះ ។</span></p>
<p><span style="color: #000000;">ជុំវិញដំណឹងនៃការទទូចស្នើសុំរៀបពិធីមង្គលការរវាងគូស្នេហ៍របស់កញ្ញា ឡោម លក្ខិណា មានវ័យស្របាលគ្នានេះដែរ Khmertalking នៅរសៀលថ្ងៃទី២១ ខែមីនា ឆ្នាំ២០៦ នេះ មិនទាន់អាចស្វែងរកការបកស្រាយបន្ថែមនាងបាននៅឡើយទេ ៕</span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xal1/v/t1.0-9/10256949_1708004856105699_420721513021891141_n.jpg?oh=e19b6a7b1e621b3da4be15074a034aad&oe=578A3A9D&__gda__=1469573834_851707a027c1ada9ae563a181cc2c680" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xat1/v/t1.0-9/940926_1708004859439032_8419333545271550978_n.jpg?oh=9c408d5b84777d984441edf16415f061&oe=574C17CF&__gda__=1468444731_427f5a790badb245b3f7469ccdfe07de" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpf1/v/t1.0-9/12800153_1708004852772366_226299593076744436_n.jpg?oh=268cb954b1fc896ca8f119b58b6465f6&oe=57959FAF&__gda__=1468708037_f5734ac2b1d0869260dc98c4d93105d7" alt="" width="730" /></span></p>
<p> </p>
<div id="news_detail" class="postcontainer">
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
</div>
<div class="detail_bottom_function">
<div class="facebook_like"></div>
</div>